‘ద‌స‌రా’ నుంచి కీర్తి సురేష్‌ని తీసేద్దామ‌న్న డైరెక్ట‌ర్‌.. స‌ర్దిచెప్పిన నాని

Dasara - Keerthy Suresh: మహానటిగా ఇంత ఫేమ్ వ‌చ్చిన త‌ర్వాత, జాతీయ అవార్డు గెలుచుకున్న త‌ర్వాత కీర్తి సురేష్ రేంజ్ మారిపోయింది. అలాంటి హీరోయిన్‌ని ఓ సినిమాకు తీసుకునే ముందు ఒక‌టికి రెండు సార్లు ఆలోచిస్తారు. తీసుకున్న తర్వాత ముందుకెళతారు. కానీ ఓ డెబ్యూ డైరెక్ట‌ర్ మాత్రం కీర్తి సురేష్ త‌న సినిమాలో ముందుగా ఎంపిక చేసుకున్నారు. కానీ త‌ర్వాత తీసేద్దామ‌నుకున్నార‌ట‌. ఇంత‌కీ ఆ డైరెక్ట‌ర్ ఎవ‌రో కాదు.. శ్రీకాంత్ ఓదెల‌. ఈయ‌న ద‌ర్శ‌క‌త్వంలో రూపొందిన చిత్రం ద‌స‌రా. పాన్ ఇండియా మూవీగా మార్చి 30న తెలుగు, హిందీ, క‌న్న‌డ‌, మ‌లయాళ‌, త‌మిళ భాష‌ల్లో రిలీజ్ అవుతుంది.

ద‌స‌రా సినిమాను జ‌నాల్లోకి తీసుకెళ్లేందుకు నాని, కీర్తి సురేష్ అండ్ టీమ్ గ‌ట్టిగానే ప్ర‌య‌త్నిస్తున్నారు. ప్ర‌మోష‌న్స్‌తో ఫుల్ బిజీగా ఉన్నారు. ఈ క్ర‌మంలో నాని ఓ ఇంట‌ర్వ్యూలో ఆస‌క్తిక‌ర‌మైన విష‌యాన్ని చెప్పారు. అదేంటంటే ‘‘ద‌స‌రా సినిమా క‌థ‌ను ముందుగా కీర్తి సురేష్‌కు డైరెక్ట‌ర్ శ్రీకాంత్ ఓదెల నెరేట్ చేశాడు. ఆ స‌మ‌యంలోనే ఆమె బ‌రువు పెర‌గాల‌ని కోరారు. అది కూడా 10-12 కిలోలు వెయిట్ పెంచి కాస్త బొద్దుగా క‌నిపించాల‌నేది డైరెక్ట‌ర్ రిక్వెస్ట్‌. కీర్తి సురేష్ కూడా చూద్దాం లే అని చెప్పింది. కానీ బరువు పెరగలేదు. అప్పుడు శ్రీకాంత్ నా దగ్గరకు వచ్చి అన్నా! సినిమా నుంచి కీర్తి సురేష్‌ను తీసేద్దామ‌న్నా.. అని అన్నాడు. నేను షాక‌య్యాను. నువ్వు డెబ్యూ డైరెక్ట‌ర్‌వి. ఆమె నేష‌న‌ల్ అవార్డ్ విన్నింగ్ న‌టి. ఇది జ‌ర‌గ‌దు అన్నాను. శ్రీకాంత్ తర్వాత కీర్తి సురేష్‌తోనే సినిమా చేశారు. ఆ స‌మ‌యంలో ఇద్ద‌రు మంచి ఫ్రెండ్స్ అయిపోయారు’’ అని అన్నారు నాని.

నాని చెప్పిన వివ‌ర‌ణ విని అదే ఇంట‌ర్వ్యూలో ఉన్న కీర్తి సురేష్ న‌వ్వుకుని.. ఇప్పుడిప్పుడు స‌న్న‌బ‌డ్డాను. రెండు, మూడు కిలోలు వెయిట్ పెర‌గ‌మంటే పెరుగుతాను. ప‌ది నుంచి ప‌న్నెండు కిలోలు వెయిట్ పెర‌గాలంటే ఎలా అని చెప్పింది. తెలంగాణ‌లోని గోదావ‌రి ఖ‌నికి ద‌గ్గ‌ర‌గా ఉండే ప‌ల్లెటూరు బ్యాక్ డ్రాప్‌లో న‌డిచే సినిమా ద‌స‌రా. నాని ప‌క్కా ఊర‌మాస్ లుక్‌లో క‌నిపిస్తున్నాడు. ఇంత‌కు ముందు ఎప్పుడూ ఇలాంటి ఎక్స్‌పెరిమెంట్ చేయ‌లేదు. ఈ సినిమా కోసం 22 ఎక‌రాల్లో విలేట్ సెట్ వేసి దాదాపు 90 శాతం షూటింగ్‌ను అక్క‌డే చిత్రీక‌రించారు.

ఎస్ఎల్‌వి సినిమాస్ బ్యాన‌ర్‌పై సుధాక‌ర్ చెరుకూరి ఈ సినిమాను నిర్మించారు. సంతోష్ నారాయ‌ణ‌న్ సంగీతం అందించిన ఈ మూవీకి స‌త్య‌న్ సూర్య‌న్ సినిమాటోగ్ర‌ఫీ అందించారు.

98922472

Read Latest

Tollywood Updates and

Telugu News

2023-03-23T02:01:01Z dg43tfdfdgfd