ప్రోమో 2: 'పంచె ఊడిపోకుండా చూసుకో'.. గౌతమ్-ప్రశాంత్ మధ్య 'పంచె'యతీ.. నామినేషన్ ఎకసెక్కాలు
బిగ్‌బాస్ సీజన్-7లో ఒకప్పుడు నామినేషన్స్ అంటే పల్లవి ప్రశాంత్‌లో అపరిచితుడు దూరిపోయేవాడు. అసలు ఎదురుగా ఉన్నవాళ్లని మాట్లాడనిచ్చేవాడే కాదు. కానీ ఈ వారం నామినేషన్స్‌లో మాత్రం చాలా కూల్‌గా కామెడీ చేస్తూ ఇచ్చిపడేశాడు ప్రశాంత్. 12వ వారం నామినేషన్స్‌లో అటు మాటల తూటాలతో పాటు కామెడీ కూడా బాగా కుదిరింది. లేటెస్ట్ ప్రోమోపై ఓ లుక్కేద్దాం.
రతిక పాప కామెడీ
ముందుగా నామినేట్ చేసేందుకు వచ్చిన రతిక.. దా అంటూ ప్రశాంత్‌ను పిలిచింది. ఇక మనోడు తెగ సిగ్గుపడుతూ తలదించుకున్నాడు. ఇక రతిక తన నామినేషన్ రీజన్ చెప్పగానే చూసిన నీకు అన్యాయం జరిగిందని అనిపిస్తుంది అంతే.. అది నీ తప్పు నాది కాదు అంటూ సింపుల్‌గా చెప్పాడు ప్రశాంత్. ఆ తర్వాత అమర్‌ని నామినేట్ చేస్తూ 15వ వారం ఎంతమంది ఉంటారని అడిగింది రతిక. తెలీదు అంటూ పక్కనే ఉన్న పులి బొమ్మతో ఆడుకుంటూ తెగ నవ్వించాడు అమర్.
పంచె పంచాయితీ
ఇక తర్వాత గౌతమ్‌ను నామినేట్ చేశాడు ప్రశాంత్. నువ్వు అలా మాట్లాడాలనుకుంటే నేను మాట్లాడటానికి సిద్ధంగా లేనంటూ గౌతమ్ అన్నాడు. ఇక చేతులు వెనకాల పెట్టుకొని నా పంచె ఆనవాయితీ లెక్క నీకు కూడా నన్ను నామినేట్ చేయడం ఆనవాయితీ అంటూ గౌతమ్ డైలాగ్ కొట్టాడు. దీంతో ఆ పంచె ఊడిపోకుండా కాపాడుకో అంటూ జబర్దస్త్ పంచ్ ఇచ్చాడు రైతుబిడ్డ. ఇక తట్టుకోలేక గౌతమ్ సీరియస్ అవుతూ ఎక్కువ తక్కువ మాట్లాడకు అన్నాడు. బరాబర్ మట్లాడతా ఇలానే అంటూ కూల్‌గా వేసేశాడు రైతుబిడ్డ. దీంతో టాపిక్‌ను పంచె మీదకి తీసుకొచ్చాడు గౌతమ్. పంచె అనేది తెలుగోడి సంస్కృతి.. దాని గురించి నువ్వు మాట్లాడటం మంచిది కాదు.. అంటూ ఏదేదో వాదించాడు డాక్టర్ బాబు.
ఇక నెక్స్ట్ తనని నామినేట్ చేసినందుకు రతికను నామినేట్ చేసేశాడు రైతుబిడ్డ. దీంతో ఏదేదో కవర్ చేసుకోవడానికి వాదించింది రతిక పాప. చివరికి పల్లవి ప్రశాంత్ ఆలోచన, మేధావితనం ఇది అంటూ చాలా కష్టపడి డైలాగ్ కొట్టింది. కానీ ప్రోమో చివరిలో మాత్రం ప్రశాంత్.. పులి మీద చేయి వేసి అక్కా.. సింహానికి ఆకలి ఎక్కువ.. పల్లవి ప్రశాంత్‌కి పవర్ ఎక్కువ.. సింహం ఆకలికి వేటాడతది.. పల్లవి ప్రశాంత్ ఆకలి కోసం ఆటాడతాడు అంటూ బాలకృష్ణ లెవల్లో డైలాగ్ కొట్టాడు. దీంతో వెంటనే రతిక పాప కట్.. బావుంది డైలాగ్ అంటూ వెటకారం చేసింది. అయినా సరే సైలెంట్‌గా థాంక్యూ అంటూ ఇచ్చిపడేశాడు ప్రశాంత్. ఈ ప్రోమోపై ఓ లుక్కేయండి.
Read latest TV News and Movie Updates
2023-11-20T11:59:45Z dg43tfdfdgfd