BRAHMAMUDI SERIAL: కళావతి భుజాన వాలి ఏడ్చేసిన రాజ్‌.. మనసుల్ని మెలిపెట్టే సీన్‌.. దుగ్గిరాల ఇంటి నుంచి జంటగా బయటికి

ఇది కదా భార్యాభర్తల బంధం అంటే.. ఇది కదా వివాహ బంధానికి ఉన్న పవర్ అంటే.. అనిపిస్తుంది నేటి బ్రహ్మముడి సీరియల్ చూస్తే. తనని ఎంత దూరం పెట్టినా.. ఎంత అసహ్యించుకున్నా తన భర్త చేతిన వీడలేదు కళావతి. కట్టుకున్న వాడు కష్టంలో ఉంటే భుజాన్ని అందించి మరోసారి భార్య భర్తల బంధాన్ని కళ్లకి కట్టింది కళావతి. ఇంతకాలం రాజ్‌ దాచిపెట్టిన రహస్యాన్ని ఎట్టకేలకు కళావతి సాధించింది. ఆ బాబు ఎవరో కాదు సుభాష్ కొడుకు అని తెలుసుకుని నిర్ఘాంతపోయింది. నిస్సహాయస్థితిలో ఉండిపోయింది. ఎలాగైనా నా భర్త తప్పుచేయడు.. నేను నిరూపిస్తాను అని పంతం పట్టిన కళావతి.. ఇప్పుడు నిరూపించాలంటే.. ఇంటి పరువు పోవడంతో అత్త ప్రాణాల మీదకే వచ్చింది సమస్య. కొడుకునే క్షమించని అత్త అపర్ణా దేవి.. తన భర్తే తనకు తీరని అన్యాయం చేశాడని.. మాయ అనే అమ్మాయితో సంబంధం పెట్టుకుని బిడ్డను కన్నాడని.. ఆ బిడ్డ ఈ బాబేనని తెలిస్తే గుండె ఆగిపోతుంది.

అదే తేలితే.. అపర్ణా దేవి చనిపోకపోయినా.. రుద్రాణి, అనామిక, ధాన్యలక్ష్మీలు కలిసి సూటిపోటి మాటలతో పొడిచి పొడిచి చంపేస్తారు. అందుకే రాజ్.. తండ్రి చేసిన తప్పును తెలుసుకుని.. ఆ నిందను తన మీద వేసుకున్నాడు. ఆ నిజం తెలుసుకున్న కళావతి కూడా.. రాజ్‌ బాటలోనే అడుగులు వేస్తోంది. కమింగ్‌ అప్‌లో రాజ్‌.. కళావతి భుజంపై వాలి ఏడవడమే ఎమోషనల్‌గా మారింది. కళావతి కష్టంలో ఉన్న తన భర్తకి అండగా నిలిచి ఓదార్పును అందించింది. ఇప్పుడు ఆ హైలైట్స్‌ చూద్దాం.

కమింగ్‌ అప్‌లో..

అపర్ణా దేవి ఇచ్చిన వారం రోజుల గడువు తీరిపోయింది కాబోలు.. అంతా హాల్లో రచ్చకు సిద్ధమన్నట్లుగా నిలబడ్డారు. రాజ్‌ దోషిలా తల దించుకుని నిలబడితే.. పక్కనే ఉన్న కళావతి.. రాజ్‌ తరపున మాట్లాడుతుంది. ఆయన భార్యగా నేను కూడా ఆయనతోనే వెళ్లిపోతాను. ఈ ఇంటి నుంచి నా భర్తతో పాటే వెళ్తాను అత్తయ్యా' అంటూ అపర్ణా దేవితో చెప్పడం కీలకంగా మారింది. ఇందిరా దేవితో సహా అంతా షాక్‌ అవుతారు. రుద్రాణి, అనామిక బ్యాచ్‌ సంబరపడుతుంది కానీ.. మిగిలినవాళ్లంతా బాధగా చూస్తారు. ఇక సీన్‌ కట్ చేస్తే.. ఒక మంచం మీద రాజ్, కళావతి కూర్చుని ఉంటారు. అప్పుడే రాజ్‌ కన్నీళ్లతో పట్టలేనంత ఆవేదనతో.. కళావతి భుజం మీద వాలి ఏడుస్తాడు. రాజ్ కన్నీళ్లు చూస్తుంటే గుండెల్ని పిండేస్తుంది. ఆ సీన్‌ చాలా ఎమోషనల్‌గా ఉంది. ఆ వివరాలు చూడాలంటే రేపటి వరకూ వేచి చూడాల్సిందే.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-07T12:49:08Z dg43tfdfdgfd