VASANTHI KRISHNAN: సెలబ్రిటీల బెట్టింగ్ యాప్ దందా.. డబ్బుల కోసం చేస్తున్నాం అంటున్న వాసంతి కృష్ణన్

ఈ మధ్య కాలంలో బెట్టింగ్ యాప్‌, ట్రేడింగ్ యాప్‌ల మోసాలకు బలైపోతున్నారు చాలామంది. రూపాయి పెడితే పది రూపాయి పెడతాం.. లక్ష పెడితే పది లక్షలు ఇస్తాం.. కోటీశ్వరు అయిపోవచ్చు అంటూ ఎర వేస్తున్నారు. ఇక షార్ట్ కట్‌లో డబ్బు సంపాదించడానికి.. అతిగా ఆశపడి.. ఈ బెట్టింగ్ యాప్‌, ట్రేడింగ్ యాప్‌లతో సర్వంగా కోల్పోయి ఆత్మహత్యలు చేసుకునే పరిస్థితి వచ్చింది.

అయితే ఈ బెట్టింగ్ యాప్‌లను ప్రమోట్ చేస్తున్నది ఎవరో కాదు.. మన సెలబ్రిటీలే. ఇన్‌స్టాగ్రామ్‌లో.. ఫేస్ బుక్‌లో.. యూట్యూబ్‌లో ఇలా.. జనం ఎక్కువగా వేటినైతే చూస్తున్నారో వాటిల్లో సెలబ్రిటీలతో చట్టబద్దత లేని బెట్టింగ్ యాప్‌లను ప్రమోట్ చేయిస్తున్నారు. ఇక అనేకమంది యాంకర్లు సెలబ్రిటీలకు సోషల్ మీడియాలో మిలియన్ల మంది ఫాలోవర్స్ ఉండటంతో... వాళ్లకి డబ్బులిచ్చి మరీ.. ఈ బెట్టింగ్ యాప్‌లను ప్రమోట్ చేయిస్తున్నారు.

ఒకరిద్దరని కాదు.. దాదాపు సోషల్ మీడియాలో కనిపించే చిన్నాపెద్ద సెలబ్రిటీలంతా ఈ బెట్టింగ్ యాప్‌లను ప్రమోట్ చేస్తున్నారు. అరియానా, అషురెడ్డి, శ్రీముఖి, వాసంతి కృష్ణన్ ఇలా చెప్పుకుంటూ పోతే చాలామందే ఈ బెట్టింగ్ యాప్‌లను ప్రమోట్ చేస్తున్నారు. వీళ్లే కాదు.. చాలామంది యూట్యబర్లు సైతం ఈ బెట్టింగ్ యాప్‌లను ప్రమోట్ చేస్తున్నారు.

అయితే వీళ్లు చెప్పిన మాటల్ని విని.. ఈ బెట్టింగ్ యాప్‌లలో డబ్బులు పెట్టి.. నష్టపోతున్నారు. కొంతమంది అయితే ఆత్మహత్య కూడా చేసుకుంటున్నారు. అయితే పోలీసులు కూడా ఈ బెట్టింగ్ యాప్‌ల ప్రమోషన్స్‌పై ప్రత్యేక దృష్టి పెట్టకపోవడంతో.. బెట్టింగ్ యాప్‌లను ప్రమోట్ చేసేవాళ్లు అంతకంతకూ పెరిగిపోతున్నారు. కాగా.. ఈ బెట్టింగ్ యాప్‌ల బారిన పడి చాలామంది ప్రాణాలను సైతం కోల్పోతున్న తరుణంలో వీటికి అడ్డుకట్ట పడాల్సిన అవసరం ఏర్పడింది.

కాగా.. తమకి డబ్బులిస్తున్నారు కాబట్టే బెట్టింగ్ యాప్‌లను ప్రమోట్ చేస్తున్నామంటూ బిగ్ బాస్ ఫేమ్ వాసంతి కృష్ణన్ తన ఇన్‌స్టాగ్రామ్‌లో పోస్ట్ పెట్టింది. హలో ఫ్యామిలీ.. నేను బెట్టింగ్, ట్రేడింగ్ ప్రమోషన్స్ ఏం చేసినా అవి పెయిడ్ కాబట్టి చేస్తున్నాను. నాతో చాలామంది సెలబ్రిటీలు ఈ బెట్టింగ్ యాప్‌లను ప్రమోట్ చేస్తున్నారంటే కేవలం డబ్బుల కోసమే. మీకు ఇష్టమైతేనే మీ మనీని పెట్టండి. లేదంటే లేదు. ఆల్రెడీ నేను ఇంతకు ముందు కూడా చెప్పాను. దయచేసి మేల్కొండి’ అంటూ ఇన్‌స్టా స్టోరీలో తాను ప్రోమోట్ చేస్తున్న బెట్టింగ్ యాప్‌ ప్రమోషన్స్ గురించి చెప్పుకొచ్చింది వాసంతి కృష్ణన్.

‘‘హలో ఫ్యామిలీ.. నేను బెట్టింగ్, ట్రేడింగ్ ప్రమోషన్స్ ఏం చేసినా అవి పెయిడ్ కాబట్టి చేస్తున్నాను. నాతో చాలామంది సెలబ్రిటీలు ఈ బెట్టింగ్ యాప్‌లను ప్రమోట్ చేస్తున్నారంటే కేవలం డబ్బుల కోసమే. మీకు ఇష్టమైతేనే మీ మనీని పెట్టండి. లేదంటే లేదు. ఆల్రెడీ నేను ఇంతకు ముందు కూడా చెప్పాను. దయచేసి మేల్కొండి’’ అంటూ ఇన్‌స్టా స్టోరీలో తాను ప్రోమోట్ చేస్తున్న బెట్టింగ్ యాప్‌ ప్రమోషన్స్ గురించి చెప్పుకొచ్చింది వాసంతి కృష్ణన్.

అయితే డబ్బులిస్తే వేటినైనా ప్రమోట్ చేస్తారా? వీళ్ల మాటలు నమ్మి బెట్టింగ్ యాప్‌లలో అమాయకజనం డబ్బులు పెడుతున్నారు. ఇటీవల మెటాగేమింగ్ లాంటి బెట్టింగ్ యాప్‌లు సైతం బోర్డ్ తిప్పేశాయి. డబ్బులొస్తాయని ఆశపడ్డ వాళ్ల చేతుల కాలి లబోదిబో అంటున్నారు. మరికొంతమంది అయితే అప్పులు చేసి మరీ ఈ బెట్టింగ్ యాప్‌లతో డబ్బులు పెట్టి జీవితాలను నాశనం చేసుకుంటున్నారు. ఇలాంటి పరిస్థితుల్లో బెట్టింగ్ యాప్‌లను ప్రమోట్ చేసే వాళ్లపై కూడా చర్యలు తీసుకోవాల్సిన అవసరం ఎంతైనా ఉంది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-04T11:23:11Z dg43tfdfdgfd