PAWAN KALYAN ROADSHOW: పవన్ కళ్యాణ్కు బిగ్ రిలీఫ్.. గ్రీన్ సిగ్నల్ వచ్చేసింది
జనసేన పార్టీ అధినేత పవన్ కళ్యాణ్కు ఊరట దక్కింది. పిఠాపురంలో రోడ్ షోకు మొత్తానికి గ్రీన్ సిగ్నల్ వచ్చేసింది. జనసేన పార్టీ ఈ నెల 10న పిఠాపురంలో పవన్ కళ్యాణ్ రోడ్ షో ప్లాన్ చేసింది.. ఈ మేరకు మంగళవారం ఆర్వో (రిటర్నింగ్ ఆఫీసర్) కార్యాలయంలో అనుమతి ఇవ్వాలని కోరారు. అయితే పర్మిషన్‌పై అధికారులు ఎలాంటి క్లారిటీ ఇవ్వలేదు.. మంగళవారం సాయంత్రం వరకు స్పష్టత రాలేదు. అయితే బుధవారం సాయంత్రం రోడ్ షోకు అనుమతి ఇస్తున్నట్లు కూటమి నేతలకు సమాచారం ఇచ్చారు. దీంతో రోడ్ షోకు లైన్ క్లియర్ అయ్యింది.
వాస్తవానికి ఈ నెల 10న పిఠాపురంలో ముఖ్యమంత్రి వైఎస్ జగన్ సభ కూడా ఉంది.. అందుకే ఆ రోజు రోడ్ షోకు అనుమతిపై సందిగ్థత ఏర్పడింది. అయితే ఆ రోజు సీఎం జగన్ సభ వాయిదా వేసినట్లు తెలుస్తోంది.. అందుకే రోడ్ షోకు అనుమతించారు అనే టాక్ వినిపిస్తోంది. ఈ అంశంపై క్లారిటీ రావాల్సి ఉంది. పవన్ కళ్యాణ్ ఈ నెల 10న ఉదయం 10 గంటల నుంచి రాత్రి 10 గంటల వరకు నియోజకవర్గంలో జరిగే రోడ్ షోలో పాల్గొంటారని చెబుతున్నారు. దీనికి సంబంధించిన షెడ్యూల్ రావాల్సి ఉంది. మొత్తానికి రోడ్ షోకు అనుమతి రావడంతో కూటమి నేతలు జోష్‌లో ఉన్నారు.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-09T01:40:43Z dg43tfdfdgfd