తమిళ హీరో విజయ్ 'బీస్ట్' సినిమాతో గుర్తింపు తెచ్చుకున్న యంగ్ హీరోయిన్ అపర్ణ దాస్ ఏడడుగులు వేయనున్నారు. తన ప్రియుడైన నటుడు దీపక్ పరంబోల్తో ఏప్రిల్ 24న ఆమె వివాహం జరగబోతుంది. తాజాగా హల్దీ వేడుకలు నిర్వహించారు. ఆ ఫొటోలు, వీడియోలను అపర్ణ సోషల్ మీడియాలో షేర్ చేయడంతో వైరల్ అవుతున్నాయి. దీంతో నెటిజన్లు ఆమెకు విషెస్ చెబుతూ కామెంట్లు పెడుతున్నారు.
మంజుమ్మల్ బాయ్స్
అపర్ణ ప్రియుడు దీపక్ పరంబోల్ ఇటీవల విడుదలైన 'మంజుమ్మల్ బాయ్స్' చిత్రంతో మంచి గుర్తింపు తెచ్చుకున్నాడు. ఇందులో ఫ్రెండ్స్లో ఒకడిగా నటించాడు. ఇక అపర్ణ, దీపక్లు 'మనోహరం' అనే సినిమాలో కలిసి నటించారు. ఆ సమయంలో ఏర్పడిన పరిచయం ప్రేమగా మారింది. వీరి వివాహానికి కుటుంబసభ్యులు అంగీకరించడంతో ఫ్యాన్స్కి ఇటీవల గుడ్ న్యూస్ చెప్పింది ఈ జంట.