NUVVE KAVALI: ఈ హీరోయిన్ గుర్తుందా? అప్పట్లో బ్లాక్ బస్టర్ కొట్టి ఇప్పుడు ఇలా
సినిమా అంటేనే ఓ రంగుల ప్రపంచం. అడుగుపెట్టడం ఎంత కష్టమో ఆ తర్వాత వచ్చిన పేరును నిలబెట్టుకోవడం ఇంకా కష్టం. అందుకే చాలామంది లక్కీగా ఓవర్ నైట్ స్టార్ అయిపోయినా దాన్ని నిలబెట్టుకోలేక అంతే వేగంగా ఫేడ్ ఔట్ అయిపోతుంటారు. మరికొంతమంది అయితే అందం, టాలెంట్ ఉన్నా సరైన గైడెన్స్ లేక కెరీర్‌ను సరిగా ప్లాన్ చేసుకోలేక కనుమరుగైపోతుంటారు. అలాంటి ఓ హీరోయిన్‌యే రిచా పల్లోడ్. ఈ పేరు చెబితే పెద్గగా స్ట్రైక్ అవ్వకపోవచ్చు కానీ 'నువ్వే కావాలి' సినిమాలో హీరోయిన్ అంటే మాత్రం వెంటనే బల్బు వెలుగుతుంది. ఎందుకంటే ఆ రేంజ్లో ట్రెండ్ క్రియేట్ చేసిన సినిమా అది. మరి ఆ హీరోయిన్ ఇప్పుడెలా ఉందో తెలుసా?
ఇలా వచ్చి అలా
రిచా పల్లోడ్.. దాదాపు 24 ఏళ్ల క్రితం వచ్చిన 'నువ్వే కావాలి' సినిమాలో హీరోయిన్‌గా నటించింది. ఈ సినిమాలో హీరో తరుణ్ పక్కన రిచా సరైన జోడీ అనిపించుకుంది. వీళ్లిద్దరి మధ్య కెమిస్ట్రీ చూసి అప్పట్లో యూత్ ఫిదా అయిపోయారు. ఒక్క మాటలో చెప్పాలంటే ఆ టైమ్‌లో ఈ సినిమా ఓ ట్రెండ్ సెట్ చేసింది. ఇద్దరు బెస్ట్ ఫ్రెండ్స్ పెళ్లి చేసుకుంటే లైఫ్ అంతకంటే బెస్ట్‌గా ఉంటుందనే మెసేజ్‌ను ఇచ్చి ఈ సినిమాలో రిచా నటన ఓ అద్భుతం. కుర్రాళ్లంతా ఇలాంటి అమ్మాయి ఫ్రెండ్ అయితే చాలు ఇంకేం కావాలి అనుకునేవాళ్లు. ఇలా తెలుగులో చేసిన మొదటి సినిమాతోనే బ్లాక్ బస్టర్ అందుకున్న ఈ హీరోయిన్ ఆ తర్వాత చాలానే సినిమాలు చేసింది. హోలీ, చిరుజల్లు, ప్రేమతో రా, నా మనసిస్తా రా, పెళ్లాం పిచ్చోడు, ఇంకోసారి ఇలా ఎన్నో చిత్రాల్లో రిచాకు ఛాన్సులు వచ్చాయి. కానీ నువ్వే కావాలి లాంటి సక్సెస్ మాత్రం ఈమెకి దక్కలేదు.
బెంగళూరులో పుట్టి పెరిగిన ఈ బ్యూటీ కెరీర్ చైల్డ్ ఆర్టిస్టుగా మొదలైంది. ఆ తర్వాత హిందీ, తెలుగు, తమిళ, కన్నడ, మలయాళ భాషల్లో వరుసగా సినిమాలు చేసింది. కానీ సరైన హిట్లు పడకపోవడంతో 2011లో హిమాన్షు బజాజ్ అనే వ్యక్తిని పెళ్లి చేసుకుంది రిచా. వీళ్లకు ఓ బాబు కూడా పుట్టాడు. ఆ తర్వాత నెమ్మదిగా ఇండస్ట్రీకి దూరమైపోయింది ఈ బ్యూటీ. చివరిగా 2016లో వచ్చిన 'మలుపు' అనే సినిమాలో నటించింది రిచా.
ఆ తర్వాత వెండితెరపై కనిపించలేదు. అయితే 2020లో 'యుఆర్ హానర్' అనే వెబ్ సిరీస్‌లో ఓ కీలక పాత్రలో కనిపించింది రిచా. ప్రస్తుతం తన ఫ్యామిలీతో హ్యాపీగా ఉంటుంది. కానీ ఇప్పుడు ఆమె లుక్ చూసి నువ్వే కావాలి హీరోయిన్ ఈమేనా అని ఫ్యాన్స్ అవాక్కవుతున్నారు. ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-04T04:17:30Z dg43tfdfdgfd