RAM CHARAN: నిఖిల్‌తో రామ్ చరణ్ సినిమా.. ఇంట్రెస్టింగ్ టైటిల్
The India House - Nikhil: టాలీవుడ్ మెగా ప‌వ‌ర్ స్టార్ రామ్ చరణ్‌తో (Ram Charan) అప్‌క‌మింగ్ స్టార్ నిఖిల్ సిద్ధార్థ్ (Nikhil Siddhartha) సినిమా చేస్తున్నారా? అది కూడా చారిత్రాత్మ‌క సినిమా. అంటే అవును.. అందుకు సంబంధించిన అధికారిక ప్ర‌క‌ట‌న వ‌చ్చేసింది. ‘ది ఇండియా హౌస్’ అనే పేరుతో ఈ మూవీ తెర‌కెక్క‌నుంది. ఈ చిత్రానికి గ్లోబల్ స్టార్ రామ్ చరణ్ స‌మ‌ర్ప‌కుడిగా వ్య‌వ‌హ‌రిస్తున్నారు. ఇది చారిత్రాత్మ‌క సినిమా అని పేర్కొన‌టానికి ప్ర‌ధాన కార‌ణం. ఈ సినిమాను స్వాతంత్య్ర స‌మ‌ర‌యోధుడు వీర్ సావ‌ర్క‌ర్ 140వ జ‌యంతి సంద‌ర్భంగా ప్ర‌క‌టించారు. ఆయ‌న జీవితంలో ఓ కీల‌క‌మైన భాగాన్ని ఈ చిత్రంలో చూపించ‌బోతున్న‌ట్లు టీమ్ వీడియోలో తెలియ‌జేసింది. ఇందులో అనుప‌మ్ ఖేర్ కూడా కీల‌క పాత్ర‌లో క‌నిపించ‌బోతున్నారు.
రామ్ వంశీ కృష్ణ ద‌ర్శ‌క‌త్వంలో వీ మెగా పిక్చర్స్, అభిషేక్ అగర్వాల్ ఆర్ట్స్ సంస్థ‌లు కలిసి ఈ సినిమాను నిర్మించ‌నున్నాయి. యువీ క్రియేష‌న్స్ బ్యాన‌ర్‌లోని విక్ర‌మ్‌తో కలిసి రామ్ చరణ్ వీ మెగా పిక్చర్స్ బ్యాన‌ర్‌ను స్టార్ట్ చేశారు. అభిషేక్ అగర్వాల్ ఆర్ట్స్‌తో కలిసి ‘ది ఇండియా హౌస్’ మూవీని తెర‌కెక్కించ‌బోతున్నారు. 1905 సంవ‌త్స‌రంలో బ్రిట‌న్ రాజధాని లండ‌న్‌లో జరిగిన ఘ‌ట‌న‌ల‌ను ఆధారంగా చేసుకుని ఈ సినిమాను తెర‌కెక్కించ‌బోతున్నారు. స్వాతంత్య్ర ఉద్య‌మానికి ఆజ్యం పోసిన ఘ‌ట‌న‌ల స‌మాహారంగా ఈ మూవీ రూపొంద‌నుంది. త్వ‌ర‌లోనే ఇత‌ర న‌టీన‌టులు, సాంకేతిక నిపుణుల‌కు వివ‌రాల‌ను ప్ర‌క‌టించ‌నున్నారు. మరి భవిష్యత్తులో వీ మెగా పిక్చర్స్, అభిషేక్ అగర్వాల్ కలిసి ఎలాంటి సినిమాలు నిర్మంచబోతున్నారో చూడాలి.
కార్తికేయ 2 చిత్రంతో పాన్ ఇండియా రేంజ్‌లో బ్లాక్ బ‌స్ట‌ర్ హిట్ అందుకున్న నిఖిల్ ఇప్పుడు వ‌రుస పాన్ ఇండియా సినిమాల‌నే చేస్తున్నారు. అందులో భాగంగా స్పై అనే స్పై థ్రిల్ల‌ర్ మూవీ చేశారు. ఇది పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటోంది. జూన్ 29న రిలీజ్ కానుంది. గ్యారీ బి.హెచ్ ఈ చిత్రానికి ద‌ర్శ‌క‌త్వం వ‌హిస్తున్నారు. ఇది నేతాజీ సుభాష్ చంద్ర‌బోస్‌కి సంబంధించిన క‌థాంశంతో రూపొందుతోంది.
ఇక రామ్ చరణ్ సినిమాల విష‌యానికి వ‌స్తే.. ట్రిపుల్ ఆర్ సినిమా త‌ర్వాత స్టార్ డైరెక్ట‌ర్ శంక‌ర్‌తో కలిసి గేమ్ చేంజ‌ర్ అనే సినిమాను చేస్తున్నారు. ఈ సినిమా చిత్రీక‌ర‌ణ తుది ద‌శ‌కు చేరుకుంటోంది. దిల్ రాజు, శిరీష్ ఈ మూవీని నిర్మిస్తున్నారు. ఈ చిత్రం త‌ర్వాత బుచ్చిబాబు సానా ద‌ర్శ‌క‌త్వంలో రామ్ చరణ్ మ‌రో పాన్ ఇండియా సినిమా చేయ‌బోతున్నారు. ఈ మూవీకి సంబంధించిన ప్రీ ప్రొడ‌క్ష‌న్ ప‌నులు జ‌రుగుతున్నాయి.
100565686
Jr NTR: ఎన్టీఆర్ ఘాట్‌ వద్ద తార‌క్‌.. ‘సీఎం సీఎం’ అంటూ నినాదాలు
Read Latest Tollywood Updates and
2023-05-28T09:00:16Z dg43tfdfdgfd