ముస్లిం నటి.. ఎన్నో అవమానాలు.. భర్త నుంచి విడాకులు.. కానీ, ఒక్క పాత్రతో సంచలనం!
సినిమాల్లోకి వచ్చిన చాలామంది యాక్టర్స్, కెరీర్ ప్రారంభంలో టీవీ సీరియల్స్లో నటించి మెప్పించారు. కొన్ని చిత్రాల్లో చిన్న పాత్రల్లో నటించి, తర్వాత పెద్ద సినిమాల్లో లీడ్ రోల్స్తో గుర్తింపు తెచ్చుకున్న నటీనటులు చాలామంది ఉన్నారు. అలాంటి వారిలో ఒక నటి.. కొన్నేళ్ల క్రితం సీరియల్స్తో టీవీ ఆడియన్స్కు దగ్గరైంది. సినిమాల్లో అవకాశాలు వచ్చినా సక్సెస్ కాలేదు. కానీ ఇండస్ట్రీకి వచ్చిన 21 ఏళ్లకు ఆమెకు మంచి క్రేజ్ వచ్చింది. అది కూడా ఒకే ఒక్క వెబ్ సిరీస్తో. ఆ సిరీస్ ‘హీరామండి’ కాగా, దీంట్లో నటించి ఆడియన్స్ను మెప్పించిన యాక్ట్రెస్ సంజీదా షేక్. సంజయ్ లీలా బన్సాలీ తెరకెక్కించిన మొట్టమొదటి వెబ్సిరీస్ ‘హీరామండి: ద డైమండ్ బజార్’ హిట్ టాక్ తెచ్చుకుంది. మే 1న నెట్ఫ్లిక్స్లో విడుదలైన ఈ సిరీస్, ఇప్పటికీ ట్రెండింగ్లో ఉంది. దీంట్లో మనీషా కొయిరాలా, సోనాక్షి సిన్హా, రిచా చద్దా, అదితి రావ్ హైదరీ ప్రదాన పాత్రల్లో నటించి మెప్పించారు. అయితే మరో నటి సంజీదా షేక్కు కూడా అదే స్థాయిలో గుర్తింపు వచ్చింది. అద్భుతమైన నటనతో ఆమె ఆడియన్స్ను ఇంప్రెస్ చేసింది. 2003లో ఇండస్ట్రీకి ఎంట్రీసంజీదా కెరీర్ ప్రారంభంలో యాడ్స్లో నటించింది. ‘బాగ్బన్’(2003) సినిమాలో ఒక చిన్న పాత్రతో వెండితెరకు పరిచయమైంది. తర్వాత కొన్ని తమిళ, కన్నడ చిత్రాల్లో నటించినా హిట్ కాలేదు. అయితే ‘క్యా హోగా నిమ్మో కా’ (2006-2007) టీవీ షోలో నటించి మంచి గుర్తింపు తెచ్చుకుంది. సంజీదా ఏక్ హసీనా థీ, ఇష్క్ కా రంగ్ సఫేద్, నాగిన్ 3 హిట్ సీరియల్స్లో నటించింది. తైష్ (2020), కాళీ ఖుహి (2020) సినిమాల్లో లీడ్ రోల్లో నటించింది. ఇవి రెండూ OTTలో రిలీజ్ అయ్యాయి. కానీ వీటితో ఆమెకు పెద్దగా గుర్తింపు రాలేదు. అయితే ఇండస్ట్రీకి పరిచయమైన 21 ఏళ్లకు, 2024లో సంజీదా నటించిన ఒక సినిమా, సిరీస్ సూపర్ హిట్ అయ్యాయి. మంచి క్రేజ్హృతిక్ రోషన్, దీపికా పదుకొనే జంటగా నటించిన ‘ఫైటర్’ (2024)లో సంజీదా ముఖ్యమైన రోల్లో కనిపించింది. ఈ మూవీ ప్రపంచవ్యాప్తంగా రూ. 300 కోట్లకు పైగా కలెక్షన్లు రాబట్టింది. లేటెస్ట్ ఓటీటీ సంచలనం ‘హీరామండి: ది డైమండ్ బజార్’లో తవైఫ్ వహీదా పాత్రలో అద్భుతంగా నటించింది. ఈ రోల్తో ఆమె క్రేజ్ ఒక రేంజ్లో పెరిగింది. ఈ గుర్తింపుతో ఆమె కొన్ని పెద్ద ప్రాజెక్టులకు సైన్ చేసినట్లు వార్తలు వస్తున్నాయి. లవ్ మ్యారేజ్సంజీదా కో-యాక్టర్ అమీర్ అలీని ప్రేమించింది. వీరిద్దరూ కలిసి 2007లో డ్యాన్స్ రియాలిటీ షో ‘నాచ్ బలియే 3’ టైటిల్ గెల్చుకున్నారు. ఈ జంట 2008 సీరియల్ ‘క్యా దిల్ మే హై’లో కలిసి నటించారు. 2012లో వీరు పెళ్లి చేసుకున్నారు. 2020లో సరోగసీ ద్వారా ఒక బిడ్డను కన్నారు. ఆ పాపకు ఐరా అలీ అని పేరు పెట్టారు. అయితే పెళ్లయిన 9 ఏళ్ల తర్వాత, 2021లో ఈ జంట విడాకులు తీసుకున్నారు. పాప కస్టడీ సంజీదాకు లభించింది.
2024-05-13T08:50:28Z
ఫస్ట్ మూవీ బ్లాక్బస్టర్..ఆ హీరోకి తప్ప మిగతావారికి నో ఛాన్స్..ప్రభాస్ సినిమాతో కమ్ బ్యాక్
సాధారణంగా సినిమా ఇండస్ట్రీలో ఒక టైమ్ పీరియడ్ వరకు కొందరు నటీనటుల కాలం సాగుతుంది. ఆ తర్వాత వారు అన్ని సర్దుకుని బయటికి పోవాల్సిన పరిస్థితి వస్తుంది. అయితే కొత్తగా ఇండస్ట్రీలో అడిగి పెట్టి ఫస్ట్ సినిమాతోనే హిట్టు కొట్టేవారికి తిరుగు ఉండదు. కానీ ఒక హీరోయిన్ విషయంలో అలా జరగలేదు. 1980ల చివరిలో బాలీవుడ్లో అమితాబ్ బచ్చన్, హేమ మాలిని, రేఖ, వినోద్ ఖన్నా లాంటి దిగ్గజ నటుల కాలం ముగిసింది. వాళ్ల బాక్సాఫీస్ కలెక్షన్లు దారుణంగా పడిపోయాయి. దీంతో ఓ కొత్త తరం నటి ఇండస్ట్రీలో అడుగుపెట్టి సెన్సేషనల్ హిట్ కొట్టింది. కానీ ఆ హీరోయిన్ తక్కువ సమయంలోనే కనుమరుగైంది. ఆమె ఎవరో కాదు, ఓంకారం, రాధే శ్యామ్ వంటి సినిమాలతో తెలుగువారిని అలరించిన నటి భాగ్యశ్రీ. భాగ్యశ్రీ రాజ కుటుంబం నుంచి సినిమాల్లోకి వచ్చింది. 1989లో ఆమె నటించిన తొలి సినిమా బాలీవుడ్ ఇండస్ట్రీలో రిలీజ్ అయి కొత్త ట్రెండ్ సృష్టించింది. ఇద్దరు కొత్త నటులను ఇండస్ట్రీకి పరిచయం చేసిన ఆ మూవీ బాక్సాఫీస్ రికార్డులను బద్దలు కొట్టింది. ఆ హీరో సూపర్ స్టార్ అయ్యాడు, కానీ హీరోయిన్ భాగ్యశ్రీ మాత్రం ఫేడ్ అవుట్ అయిపోయింది. ఆ సినిమా మరేదో కాదు "మైనే ప్యార్ కియా". ఈ మూవీ రిలీజ్ అయ్యే సమయానికి భాగ్యశ్రీకి 20 ఏళ్లు, అందులో హీరోగా చేసిన సల్మాన్ ఖాన్కు 24 ఏళ్లు. మైనే ప్యార్ కియా ఆ సంవత్సరంలో అత్యధిక వసూళ్లు రాబట్టిన సినిమాగా నిలిచింది. ఈ సినిమాతో భాగ్యశ్రీ, సల్మాన్ ఇద్దరూ ఓవర్నైట్ స్టార్లు అయ్యారు. అయితే సల్మాన్కి సినిమా ఆఫర్లు గ్యాప్ లేకుండా బ్యాక్ టు బ్యాక్ వచ్చాయి. భాగ్యశ్రీ మాత్రం ఫస్ట్ హిట్ కొట్టాక సినిమాలు చేయకుండా పెళ్లి చేసుకోవాలని నిర్ణయించుకుంది 1990లో, ఆమె హిమాలయ దాసానిని పెళ్లాడగా అది ఆమె కెరీర్కు ఒక బ్రేక్ లాగా పడింది. పెళ్లి తర్వాత, ఆమె మరే హీరోతోనూ నటించకూడదని, భర్తతో మాత్రమే సినిమాల్లో నటిస్తానని స్పష్టం చేసింది. వీరిద్దరూ కలిసి "ఖైదీ మే బుల్బుల్", "త్యాగి", "పాయల్" అనే మూడు సినిమాల్లో నటించారు. కానీ ఈ మూడు సినిమాలు బాక్సాఫీస్ వద్ద డిజాస్టర్ అయ్యాయి. ఇంకేముంది, భాగ్యశ్రీ 24 ఏళ్ల వయస్సులోనే సినిమాల నుంచి తప్పుకోవాల్సి వచ్చింది. సెకండ్ ఇన్నింగ్స్1997లో భాగ్యశ్రీ కన్నడ, తెలుగు సినిమాల్లో నటిస్తూ గుర్తింపు తెచ్చుకోవడానికి ట్రై చేసింది. అయితే, 2006 వరకు ఆమె పూర్తి స్థాయిలో సినిమాల్లో మంచి కమ్బ్యాక్ ఇవ్వలేకపోయింది. 2006 తర్వాత ఈ అందాల తార సహాయక పాత్రలతో సరిపెట్టుకుంది. సపోర్టింగ్ రోల్స్ అయినా సరే "హమ్ కో దీవానా కర్ గయే" లాంటి పెద్ద సినిమాల్లో కనిపించి కమ్బ్యాక్ ఇవ్వగలిగింది. భాగ్యశ్రీ రీసెంట్ టైమ్స్లో "తలైవి", "రాధే శ్యామ్" సినిమాల్లో కీలకమైన పాత్రలు పోషించి మంచి గుర్తింపు తెచ్చుకుంది, 2023లో "కిసీ కా భాయ్ కిసీ కి జాన్" సినిమాలో సల్మాన్ ఖాన్తో మళ్లీ స్క్రీన్ షేర్ చేసుకోగలిగింది. రాయల్ ఫ్యామిలీబాలీవుడ్లో రాయల్ ఫ్యామిలీకి చెందిన నటీమణులలో భాగ్యశ్రీ ఒకరు. ఆమె సంగ్లీ సంస్థానానికి చెందిన చివరి రాజు చింతామణరావు ధుండిరావు పట్వర్ధన్కు మనవరాలు. ఆమె తండ్రి విజయ్ సింగ్రావు మాధవరావు పట్వర్ధన్ సంగ్లీ రాజు కాగా, భాగ్యశ్రీ ఆ సంస్థానానికి యువరాణి అయ్యారు.
2024-05-14T07:54:01Z