SSMB 28: సూపర్ స్టార్ మహేష్ మాస్ స్ట్రైక్ ఫిక్స్.. ఫ్యాన్స్‌కి పూనకాలే

Mahesh Babu - SSMB 28: సూప‌ర్‌స్టార్ మ‌హేష్ హీరోగా త్రివిక్ర‌మ్ ద‌ర్శ‌క‌త్వంలో ఓ సినిమా రూపొందుతోన్న సంగ‌తి తెలిసిందే. ఈ సినిమా రిలీజ్ డేట్, మ‌హేష్ స్టైలిష్‌గా మాస్ లుక్‌లో సిగ‌రెట్ తాగుతున్న పోస్ట‌ర్ మిన‌హా మ‌రే అప్‌డేట్ లేదు. మ‌రో వైపు మ‌హేష్ అభిమానులు ఈ సినిమా అప్‌డేట్ కోసం ఎంతో ఆస‌క్తిగా ఎదురు చూస్తున్నారు. ఈ నేప‌థ్యంలో నిర్మాత సూర్య దేవ‌ర నాగ‌వంశీ SSMB 28కి సంబంధించి ఆస‌క్తిక‌ర‌మైన విష‌యాన్ని తెలియ‌జేశారు. మే 31న సూప‌ర్ స్టార్ కృష్ణ పుట్టిన‌రోజు సంద‌ర్భంగా ఓ మాస్ ట్రీట్ వీడియోను సూప‌ర్ స్టార్ అభిమానుల చేతుల మీదుగా రిలీజ్ చేయ‌బోతున్నామంటూ అనౌన్స్ చేశారు.

అత‌డు, ఖ‌లేజా చిత్రాల త‌ర్వాత మ‌హేష్‌, త్రివిక్ర‌మ్ కాంబోలో వ‌స్తోన్న SSMB 28కి టైటిల్‌ను అనౌన్స్ చేస్తూనే వీడియో ట్రీట్ ఇవ్వ‌బోతున్నారు. ఈ వీడియో సూప‌ర్‌స్టార్ మాస్ స్ట్రైక్ పేరుతో విడుద‌ల చేయ‌బోతున్నారు. దీనికి సంబంధించిన పోస్ట‌ర్‌ను విడుద‌ల చేశారు. ఇందులో వెనుక నుంచి క‌నిపిస్తోన్న‌ మ‌హేష్ త‌ల‌కు పాగాలాంటిది క‌ట్టుకుని ఉన్నారు. సిగ‌రెట్ తాగుతున్నారు. ఈ పోస్ట‌ర్ చూస్తుంటే వీడియో మాత్రం ఇటు సూప‌ర్‌స్టార్ అభిమానుల‌కే కాదు.. ఫ్యాన్స్‌కి కూడా మంచి ట్రీట్‌లా ఉంటుంద‌ని అర్థ‌మ‌వుతుంది.

SSMB 28 చిత్రాన్ని వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 13న విడుద‌ల చేయ‌బోతున్న‌ట్లు నిర్మాత‌లు ఎప్పుడో అనౌన్స్ చేసేశారు. ఇక ఎలాంటి టైటిల్ పెడ‌తార‌నేది అంద‌రిలోనూ క్యూరియాసిటీని పెంచేస్తోంది. ఇప్ప‌టికే గుంటూరు కారం, అమ‌రావ‌తికి అటు ఇటుగా, ఊరికి మొన‌గాడు వంటి టైటిల్స్ ప‌రిశీల‌న‌లో ఉన్న‌ట్లు వార్త‌లు వినిపిస్తున్నాయి. దీనిపై స‌స్పెన్స్ మే 31న విడిపోనుంది. అలాగే మ‌హేష్ వీడియోను మే 31న రిలీజ్ అవుతోన్న కృష్ణ చిత్రం మోస‌గాళ్ళ‌కు మోస‌గాడు సినిమా రీ రిలీజ్ థియేట‌ర్స్‌లో ప్ర‌ద‌ర్శించ‌బోతున్నారు.

100532551

ఇప్ప‌టికే కొంత మేర‌కు చిత్రీక‌ణ పూర్త‌య్యింది. జూన్ మొద‌టి వారం నుంచి మూవీ కొత్త షెడ్యూల్‌ను ప్రారంభించ‌బ‌తోఉన్నారు. ఏక‌ధాటిగా మూడు నెల‌లు పాటు కంటిన్యూగా షూటింగ్ చేసి సినిమా చిత్రీక‌ర‌ణ‌ను పూర్తి చేయాల‌నేది మేక‌ర్స్ ఆలోచ‌న‌గా క‌నిపిస్తుంది. సాధార‌ణంగా ఇప్ప‌టి వ‌ర‌కు చేసిన సినిమాల్లో క‌నిపించ‌ని సిక్స్ ప్యాక్ లుక్‌లో సూప‌ర్‌స్టార్ మ‌హేష్ ద‌ర్శ‌న‌మీయ‌బోతున్నార‌నేది టాక్‌. మ‌రి మ‌హేష్ సిక్స్ ప్యాక్ లుక్ వీడియోలో రివీల్ చేస్తారేమో చూడాలి. హారిక అండ్ హాసిని క్రియేషన్స్ బ్యాన‌ర్‌పై సూర్య‌దేవ‌ర రాధా కృష్ణ (చినబాబు) నిర్మిస్తోన్న ఈ సినిమాలో పూజా హెగ్డే, శ్రీలీల హీరోయిన్స్‌గా న‌టిస్తున్నారు.

100541097

Read Latest Tollywood Updates and Telugu News

2023-05-27T04:14:49Z dg43tfdfdgfd