పెళ్లి పీఠలపై ప్రియురాలితో రజనీకాంత్ ఉన్నారు. మ్యారేజ్ ఆపేందుకు కుట్ర జరుగుతుంది. తన స్నేహితుడు చిరంజీవి సాయం కోరాడు రజనీ. అంతే రంగంలోకి దిగాడు చిరు.
సూపర్ స్టార్ రజనీకాంత్, మెగాస్టార్ చిరంజీవి మధ్య కెరీర్ ప్రారంభంలో మంచి స్నేహం ఉంది. ఇప్పటికీ ఆ స్నేహం కొనసాగుతుంది. అయితే గతంతో పోల్చితే ఇప్పుడు ఆ గ్యాప్ పెరిగిందని చెప్పొచ్చు. కెరీర్ పరంగా పెద్ద స్టార్లుగా ఎదగడం, కలుసుకునే అవకాశం రాకపోవడంతో క్రమంగా ఆ దూరం పెరిగింది. కానీ ఆనాటి స్నేహం మాత్రం వారి మనసులో అలానే ఉంది.
అయితే రజనీకాంత్ స్నేహం కోసం తాను రంగంలోకి దిగిన సందర్భం ఉంది. రజనీకాంత్ సాయం కోరగానే వెంటనే వచ్చి అతన్ని కాపాడిన సందర్భం ఉండటం విశేషం. ప్రేమించిన అమ్మాయిని పెళ్లి చేసుకునేందుకు రజనీకాంత్ రెడీ అవ్వగా, ఆ పెళ్లి ఆపేందుకు కుట్ర జరుగుతున్న నేపథ్యంలో చిరంజీవి సాయం కోరారు రజనీకాంత్. దీంతో వెంటనే రంగంలోకి దిగి ప్రత్యర్థులను చిత్తు చేశారు మెగాస్టార్.
మరి రజనీకాంత్కి చిరంజీవికి మధ్య ఉన్న స్నేహం ఏంటి? సూపర్స్టార్కి మెగాస్టార్ సాయం చేయాల్సిన అవసరమేంటి? ప్రేమ పెళ్లి ఏంటి? అనేది చూస్తే ఓ ఆసక్తికర విషయం బయటకు వచ్చింది. రజనీకాంత్ కోసం చిరంజీవి గెస్ట్ రోల్ చేశారు. రజనీ నటించిన `మప్పిల్లై` అనే తమిళ సినిమాల్లో గెస్ట్ గా మెరిశారు చిరంజీవి.
తమిళ దర్శకుడు రాజశేఖర్ రూపొందించిన ఈ చిత్రంలో రజనీకాంత్, అమల జంటగా నటించారు. ఇందులో చిరంజీవి గెస్ట్ రోల్ చేశారు. క్లైమాక్స్ లో తాను ప్రేమించిన అమ్మాయి అమలని పెళ్లి చేసుకోవాలని నిర్ణయించుకుంటాడు రజనీకాంత్. ఓ గుళ్లో ఈ మ్యారేజ్ ప్లాన్ చేస్తారు. విషయం తెలిసి హీరోయిన్ పేరెంట్స్ నుంచి ప్రమాదం ఉంటుంది. ఈ పెళ్లిని అడ్డుకోవాలని విలన్లని పంపిస్తారు. అందులో శ్రీహరి కూడా ఉంటారు.
పెళ్లి జరుగుతున్న సమయంలోనే విలన్లు టెంపుల్ వద్దకు వస్తారు. లోపలికి వచ్చి రజనీకాంత్ మ్యారేజ్ని ఆపేయాలని ప్రయత్నిస్తారు. కానీ అంతలోనే చిరంజీవి ఎంట్రీ ఇస్తాడు. ముందు వార్నింగ్ ఇస్తాడు. వాళ్లు వినలేదు. దీంతో వారిని చితక్కొట్టుడు కొడతాడు. దీంతో చివరికి వాళ్లు పారిపోతారు. ఆ తర్వాత హీరోయిన్ అమ్మ తన బలగంతో వస్తుంది. తాడో పేడో తేల్చుకోవాలని వస్తుంది.
కానీ అంతలోనే హీరోయిన్ మెడలో మూడుముళ్లు వేస్తాడు రజనీ. అది చూసి కూల్ అయిపోతుంది. కోపాన్ని పక్కనపెట్టి ఆ పెళ్లికి గ్రీన్ సిగ్నల్ ఇస్తుంది. ఇక తన పెళ్లి ఎలాంటి అడ్డంకులు లేకుండా జరిగేలా చేసినందుకు,పిలవగానే వచ్చినందుకు చిరంజీవికి థ్యాంక్స్ చెబుతాడు రజనీ. స్నేహం కోసం ఏమైనా చేస్తానని చెప్పి రజనీకి మ్యారేజ్ విషెస్ చెబుతాడు చిరు.
అలా కథ సుఖాంతం అవుతుంది. తాజాగా ఈ సీన్ సోషల్ మీడియాలో ట్రెండ్ అవుతుంది. రజనీ సినిమాలో చిరు గెస్ట్ రోల్ అనేది అరుదైన విషయం, పైగా ఈ క్లిప్ ఇప్పుడు వైరల్ కావడంతో మెగాస్టార్ అభిమానులు, రజనీ ఫ్యాన్స్ ఖుషి అవుతున్నారు. రజనీ అడగ్గానే చిరంజీవి ఆ రోల్ లో నటించారట.
అంతకు ముందు చిరంజీవి, రజనీకాంత్ కలిసి `రనువ వీరన్` చిత్రంలో నటించారు. ఇద్దరు స్నేహితులుగా, ఆ తర్వాత శతృవులుగా కనిపించారు. ఇద్దరి మధ్య ఫైట్ అదిరిపోయేలా ఉంటుంది. దీంతోపాటు `బంధిపోటు సింహం`, `కాళీ` చిత్రాల్లో చిరంజీవి, రజనీ కలిసి నటించారు.
2024-04-30T07:32:32Z dg43tfdfdgfd