స్టైలిష్ డైరెక్టర్ మెహర్ రమేష్ (Meher Ramesh) దర్శకత్వంలో మెగాస్టార్ చిరంజీవి (Megastar Chiranjeevi) నటిస్తున్న ‘భోళా శంకర్’ (Bhola Shankar) షూటింగ్ శరవేగంగా కొనసాగుతోంది. ఈ మూవీని ఆగస్టు 11న విడుదల చేయనున్నట్లు మేకర్స్ ఇప్పటికే ప్రకటించారు. ఇక షూటింగ్ దాదాపు చివరి దశకు చేరుకోగా.. ప్రస్తుతం హైదరాబాద్లోనే వేసిన సెట్లో సంగీత్ సాంగ్ (Sangeeth Song) షూట్ చేస్తున్నారు. ఇందులో హీరోయిన్లు కీర్తి సురేష్, తమన్నాతో పాటు సుశాంత్ సైతం పాల్గొంటున్నారు. శేఖర్ మాస్టర్ కొరియోగ్రఫీ చేస్తున్న ఈ సాంగ్ను కలర్ఫుల్గా చిత్రీకరిస్తుండగా.. అప్డేట్ కోసం ఎదురుచూస్తున్న ఫ్యాన్స్కు చిరు సర్ప్రైజ్ ఇచ్చారు. సాంగ్ షూట్కు సంబంధించిన విజువల్స్ను చిరు లీక్స్ (Chiru Leaks) పేరుతో వీడియో రూపంలో రిలీజ్ చేశారు.
ఈ సాంగ్ వినేందుకు చాలా బాగుందని, అలాగే షూటింగ్ సెట్ కూడా బాగా కుదిరిందని వాయిస్ నోట్లో పేర్కొన్నారు చిరు. అంతేకాదు ఈ పాటలో దాదాపు సినిమాలోని ఆర్టిస్టులందరూ కనిపిస్తారని చెప్పారు. ఇక ఈ సాంగ్ షూట్ చాలా హుషారుగా కొనసాగుతుండగా.. దీన్ని అభిమానులకు కూడా అందించాలనే ఉద్దేశ్యంతో కొన్ని విషయాలు లీక్ చేస్తున్నట్లు రివీల్ చేశారు చిరు. యూనిట్లోని కొన్ని విజువల్స్ను తీసుకుని, ఎడిట్ చేసి మీ కోసం ఇన్స్టాలో ప్రజెంట్ చేస్తున్నానంటూ వెల్లడించారు. అంతేకాదు ఈ ‘చిరులీక్స్’ గురించి ఎవరికీ చెప్పొద్దని సూచించిన మెగాస్టార్.. మీరు మాత్రమే ఎంజాయ్ చేయండని తెలిపారు.
ఇక చిరంజీవి ఇన్స్టాగ్రామ్లో షేర్ చేసిన వీడియో విషయానికొస్తే.. చిరంజీవితో తమన్నా, కీర్తి, సుశాంత్ స్టెప్పులేయడం కనిపించింది. చిరు అన్నట్లుగానే సెట్ గ్రాండియర్గా ఉండగా.. కీర్తి, తమన్నా సైతం గార్జియస్గా దర్శనమిచ్చారు. అలాగే ఆర్టిస్టులు రఘుబాబు, హైపర్ ఆది, వైవా హర్ష, గెటప్ శ్రీను తదితరులు కూడా ఈ వీడియోలో కనిపించారు.
‘భోళా శంకర్’ చిత్రానికి మెలోడి బ్రహ్మ మణిశర్మ తనయుడు మహతి స్వర సాగర్ సంగీతం అందిస్తున్నారు. తనకు మెగాస్టార్తో ఇదే మొదటి సినిమా. కాగా.. ఈ పాటకు శేఖర్ కొరియోగ్రఫీ చేస్తుండటం విశేషం. ఏకే ఎంటర్టైన్మెంట్స్ పతాకంపై రామబ్రహ్మం సుంకర నిర్మిస్తున్న ఈ చిత్రం తమిళ్లో విజయం సాధించిన ‘వేదాళం’కు రీమేక్గా తెరకెక్కుతోంది. అయితే చిరంజీవి బాడీ లాంగ్వేజ్కు తగ్గట్లుగా కథలో కొన్ని మార్పులు చేయగా.. డుడ్లీ సినిమాటోగ్రాఫర్గా పనిచేస్తున్నారు.
100851505
Read latest Tollywood updates and Telugu News
2023-06-08T15:04:35Z dg43tfdfdgfd