సిద్ధార్థ్ 'టక్కర్' స్ట్రీమింగ్ హక్కులు ఆ ఓటీటీకే!

Takkar : 'బొమ్మరిల్లు', నువ్వొస్తానంటే నేనొద్దంటానా' వంటి సినిమాలతో తెలుగు ప్రేక్షకుల హృదయాల్లో చెరగని స్థానాన్ని సంపాదించుకున్న చార్మింగ్ హీరో సిద్ధార్థ్.. మనోహరమైన నటుడిగా పేరు తెచ్చుకున్నారు. ఆయన లేటెస్ట్ చిత్రం 'టక్కర్'.. చాలా కాలంగా వాయిదా పడుతూ వస్తోంది. ఎట్టకేలకు జూన్ 9న ఈ సినిమాను తమిళం, తెలుగు భాషలలో థియేటర్లలో విడుదల చేయనున్నట్టు మేకర్స్ ఇటీవలే ప్రకటించారు. ఈ క్రమంలోనే ఈ మూవీకి సంబంధించిన మరో అప్ డేట్ వైరల్ అవుతోంది. ఈ మూవీ స్ట్రీమింగ్ హక్కులు నెట్ ఫ్లిక్స్ దక్కించుకుందని వార్తలు వినిపస్తున్నాయి. టక్కర్ శాటిలైట్ హక్కులను స్టార్ నెట్ వర్క్ కొనుగోలు చేసినట్టు సమాచారం. కార్తీక్ జి క్రిష్ రచన, దర్శకత్వం వహించిన ఈ చిత్రంలో దివ్యాంశ కౌశిక్ కథానాయికగా నటించింది.

టక్కర్ సినిమాలో సిద్దార్థ్, దివ్యాశ కౌశిక్ తో పాటు అభిమన్యు సింగ్, యోగి బాబు, మునిష్కాంత్, ఆర్జే విఘ్నేష్‌కాంత్ కీలక పాత్రల్లో నటించారు. టక్కర్‌ను ప్యాషన్ స్టూడియోస్, పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ స్పాన్సర్ చేస్తున్నాయి. ఈ చిత్రానికి నివాస్ కె ప్రసన్న సంగీతం అందించారు.

పూర్తి స్థాయి యాక్షన్ నేపథ్యంలో నటించాలనే తన కల టక్కర్ సినిమాతో నెరవేరిందని హీరో సిద్దార్ధ్.. ఇటీవల జరిగిన ప్రీ రిలీజ్ ఈవెంట్ లో చెప్పారు. ఇది మంచి యాక్షన్ ఫిల్మ్ అన్న ఆయన.. అందులోనే ఓ లవ్ స్టోరీని యాడ్ చేశామన్నారు. ఈ సినిమాను అందరూ తప్పకుండా థియేటర్ కు వెళ్లి చూడాలని కోరారు. యుక్త వయసులోనే లెజెండ్స్ తో కలిసి పని చేయడం దేవుడు తనకిచ్చిన వరంగా సిద్ధార్థ్ అభివర్ణించారు. ప్రముఖ నిర్మాత రామానాయుడు తనకిచ్చిన స్ఫూర్తి, ప్రోత్సాహాన్ని ఎప్పటికీ మర్చిపోలేనన్నారు. ఆయన తనయులు సురేష్ బాబు, వెంకటేష్ గారి ప్రోత్సాహం తాను ఎప్పటికీ మర్చిపోలేనని ఆయన చెప్పారు. ఈ కార్యక్రమానికి నిర్మాత సురేశ్ బాబు, దర్శకుడు బొమ్మరిల్లు భాస్కర్, వెంకటేశ్ మహా, తరుణ్ భాస్కర్ తదితరులు అతిథులుగా హాజరై సినిమా మంచి విజయం సాధించిన ఆకాంక్షించారు.

ఇటీవలే 'టక్కర్' సిరీస్ ఎపిసోడ్‌ 1 వీడియోను మేకర్స్ విడుదల చేశారు. ఎక్స్‌పెక్టేషన్స్‌ వర్సెస్‌ రియాలిటీ పేరుతో విడుదల చేసిన ఈ వీడియో హెయిర్‌ సెలూన్‌లో జరిగే ఫన్ ట్రాక్‌తో సాగుతోంది. ఈ వీడియోతో డైరెక్టర్‌ సినిమాపై క్యూరియాసిటీ పెంచడంలో సక్సెస్‌ అయ్యాడని నెటిజన్లు అభిప్రాయపడుతున్నారు. ఇప్పటికే 'టక్కర్‌' నుంచి విడుదల అయిన టీజర్‌తో పాటు 'కయ్యాలే' వీడియో సాంగ్‌, 'ఊపిరే' లిరికల్ వీడియో సాంగ్స్‌కు మంచి స్పందన వస్తోంది. ఇదిలా ఉండగా ఓ పేద యువకుడు, డబ్బున్న అమ్మాయికి మధ్య సాగే కథతో టక్కర్ తెరకెక్కుతున్నట్టు సమాచారం. మజిలీ ఫేం దివ్యాంశ కౌశిక్ ఈ చిత్రంలో ఫీ మేల్ లీడ్‌ రోల్‌లో నటిస్తున్నట్టు తెలుస్తోంది.

Read Also : సాయిపల్లవి సీతగా మరో ‘రామాయణం’ - కీలక పాత్రల్లో బాలీవుడ్ స్టార్ హీరోస్, కానీ..

Read Also : Arthamainda Arun Kumar : ఓ కార్పొరేట్ బానిస కథ - ఆహా నుంచి 'అర్థమైందా అరుణ్ కుమార్'

2023-06-07T12:44:50Z dg43tfdfdgfd