'రజాకార్' సినిమా టీజర్‌పై మంత్రి కేటీఆర్ షాకింగ్ రియాక్షన్..

ప్రస్తుతం సినిమా రంగంలో.. నిజ జీవితాల ఆధారంగా తెరకెక్కిస్తోన్న చిత్రాల హవా నడుస్తోంది. ఈ క్రమంలోనే.. యాటా సత్యనారాయణ దరకత్వంలో.. గూడూరు నారాయణ రెడ్డి నిర్మిస్తున్న చిత్రం 'రజాకార్' (Razakar). ఈ సినిమా నుంచి టీజర్ రిలీజ్ కాగా.. అది ఇప్పుడు తెలంగాణ రాజకీయాల్లో దుమారం రేపుతోంది. రాష్ట్రంలో ఎన్నికలు సమీపిస్తున్న వేళ ఈ సినిమాతో మరో సరికొత్త వివాదం తెరపైకి వచ్చింది. 1947లో దేశం మొత్తానికి స్వాతంత్ర్యం వచ్చినా.. హైదరాబాద్‌కు మాత్రం రాలేదన్న పాయింట్‌తో రజాకార్ టీజర్ మొదలైంది. కాగా.. ఆ సమయంలో హైదరాబాద్ సంస్థానంలో రజాకర్లు చేసిన దౌర్జన్యాలు, అరాచక చర్యలను చూపిస్తూ వచ్చారు. అయితే.. ఇందులో ప్రధానంగా హిందువులందరినీ ఇస్లాం మతంలోకి మార్పించి.. ముస్లిం రాజ్యంగా మార్చాలన్న లక్ష్యంతో రజాకర్లు చేసిన క్రూరచర్యలను తెరకెక్కించినట్టుగా చూపించారు. బ్రహ్మణుల యజ్ఞోపవీతాలను తెంపేయటం.. తెలుగు మాట్లాడేవారి నాలుకలో కోసేయటం.. ఇస్లాం మతంలోకి చేరని వాళ్లను మూకుమ్మడిగా ఉరి తీయటం లాంటి ఘోరాలను కూడా టీజర్‌లో చూపించారు.

అయితే.. ఈ టీజర్ చూసిన నెటిజన్లు, మత పెద్దలు, రాజకీయ పార్టీలు తీవ్ర అభ్యంతరం వ్యక్తం చేస్తున్నారు. ఈ ట్రైలర్ మొత్తంలో రజాకార్ల అరాచకాల పేరుతో ముస్లింలనే టార్గెట్ చేస్తూ చూపించే ప్రయత్నం చేశారని.. చరిత్రను తమకు అనుకూలంగా కొందరు వక్రీకరించి సినిమాను తీశార‌ని ఆరోపిస్తున్నారు. అయితే.. రాజకీయాల కోసం ఇలాంటి సినిమాలు తీయటం వల్ల.. ఎంతో శాంతియుతంగా ఉన్న తెలంగాణ సమాజంలో మతఘర్షణలు పెరిగిపోయే ప్రమాదం ఉందని.. ఆందోళన వ్యక్తం చేస్తున్నారు. ఇక ఇదే అంశంపై మంత్రి కేటీఆర్ సైతం.. ట్విట్టర్ వేదికగా స్పందించారు.

కొంతమంది తెలివితక్కువ బీజేపీ జోకర్లు.. వాళ్ల స్వార్థ రాజకీయాల కోసం.. తెలంగాణలో మత విద్వేషాలు సృష్టించాలని చాలా కష్టపడతున్నారని కేటీఆర్ తెలిపారు. రజాకార్ సినిమా విషయంలోనూ అదే జరుతోందని.. దీన్ని తాము సెన్సార్ బోర్డ్ దృష్టికి తీసుకెళ్తామని చెప్పుకొచ్చారు. తెలంగాణ పోలీస్‌లు కూడా లా అండ్ ఆర్డర్ పరిస్థితి దెబ్బతినకుండా చూసుకోవాలని విజ్ఞప్తి చేశారు. కాగా.. ఇప్పుడు ఈ ట్రైలర్ సోషల్ మీడియాలో తెగ వైరల్ అవుతోంది.

గతంలోనూ.. పశ్చిమ బెంగాల్ ఎన్నికల సమయంలో కశ్మీర్ ఫైల్స్ సినిమా విడుదలైంది. కర్నాటక ఎన్నికల సమయంలోనూ.. కేరళ స్టోరీ విడుదల కాగా.. ఇప్పుడు తెలంగాణలో ఎన్నికలు సమీపిస్తున్న నేపథ్యంలో రజాకార్ సినిమా విడుదలకు సిద్ధమవటం ప్రజానీకం మీద తీవ్ర ప్రభావం చూపే అవకాశముందన్న వాదనలు వినిపిస్తున్నాయి. మరి.. చూడాలి టీజర్‌తోనే ఇంత దుమారం రేపుతోన్న 'రజాకర్' సినిమా... ముందుముందు ఇంకెన్ని వివాదాలకు తెరతీస్తుందో.

103735118

2023-09-18T10:14:58Z dg43tfdfdgfd