అబ్బబ్బా.. యాంకర్ శ్యామల ఏమైనా కథ చెప్పిందా? ముసలి తోడేలు.. గుంటనక్క అంటూ చంద్రబాబు, పవన్ కళ్యాణ్లను ఇన్ డైరెక్ట్గా వాతపెట్టినట్టుగా కుందేలు కథ చెప్పింది. ఓవైపు పవన్ కళ్యాణ్ తరుపున ప్రచారం చేయడానికి డజన్ల కొద్దీ జబర్దస్త్ ఆర్టిస్ట్లు.. మెగా హీరోలు.. మెగా కాంపౌండ్ దర్శకులు, నిర్మాతలు, టీవీ ఆర్టిస్ట్లు పిఠాపురంలో మాకాం పెట్టేశారు. గత ఎన్నికల్లో పోటీ చేసిన రెండు చోట్లా ఓడిపోయిన పరువు పోగొట్టుకున్న పవన్ కళ్యాణ్ని ఈసారి గెలిపించి పరువు దక్కించడానికి సెలబ్రిటీలంతా ఎన్నికల ప్రచారంలోకి దిగారు. ఇక సీఎం జగన్ అయితే సింహం సింగిల్గానే వస్తుందన్నట్టుగా.. పొత్తు పార్టీల్ని గట్టిగానే ఢీ కొడుతూ.. ప్రచారంలో దూసుకుని పోతున్నారు.
ఈ నేపథ్యంలో గత ఎన్నికల్లోనే వైసీపీ పార్టీ తరుపున ప్రచారం చేసి.. ఆ పార్టీ నాయకురాలిగా వైసీపీ కండువా కప్పుకున్న యాంకర్ శ్యామల.. పవన్ కళ్యాణ్, చంద్రబాబులకు ‘కుందేలు’ కథ చెప్పి గట్టిగానే చురకలేసింది.
ఈ కథలో ముసలి తోడేలు.. గుంటనక్క.. ఎవరో మీరే చెప్పాలి!!
అనగనగా ఒక పెద్ద అడవి ఉంది. ఆ అడవిలో ఓ ముసలి తోడేలు ఉంది. ఆ ముసలి తోడేలుకి వేటాడే ఓపిక నశించి.. తన ఉనికిని కాపాడుకోవడం కోసం ఆ ముసలి తోడేలు.. తన ఆహారాన్ని తెచ్చిపెట్టడం కోసం ఓ గుంటనక్క సహాయం కోరింది. ఆ గుంటనక్క.. ఆ తోడేలుకు సహాయం చేయకపోతే తననెక్కడ తినేస్తుందో అని ఆ తోడేలు ఎలా చెప్తే అలా చేస్తుంది. ఆ తోడేలుకోసం ఈ గుంటలక్క అడవి మొత్తం తిరుగుతుంది. దానికి ఆహారం తెచ్చి ఇవ్వడానికి.. అడవిలో కనిపించిన జంతువులన్నింటికీ ఆ తోడేలు గురించి చెప్తుంది. కొన్ని జంతులువు ఈ గుంటనక్క చెప్పిన మాటలు వింటున్నాయి. ఇంకొన్ని తెలివైన జంతువులు.. వినడం లేదు.
పాపం ఈ గుంటనక్క మాటలు విని.. ఓ బుజ్జి కుందేలు దొరికిపోయింది. ఈ గుంటనక్క.. ఆ తోడేలు మాటలు విని ఎలా మోసపోయిందంటే.. ‘కుందేలా.. కుందేలా.. నువ్వు మాతో ఉంటే నిన్ను ఉద్దరిస్తాం.. రాజభోగాలు కట్టబెట్టేస్తాం.. ఈ అడవి మొత్తం నీదే’ అని చెప్పడంతో.. ఈ బుజ్జికుందేలు తెగ చంకలు గుద్దుకుంది.
కుందేలుని చూడగానే.. ఆకలితో ఉన్న తోడేలు దాని చెవులను కొరికి తినేసింది. కుందేలుకి ఏం అర్ధం కాలేదు. అసలు ఇది చెప్పింది ఏంటి?? నా చెవులు కొరికేసిందేంటని అక్కడ నుంచి పారిపోవడానికి ప్రయత్నిస్తుంది. ఇంతలో ఆ కుందేలును నమ్మించి తోడేలు దగ్గరకు తీసుకుని వచ్చి గుంటనక్క ఆపి.. నీకు తలపై పెద్ద కిరీటం పెట్టాలని అనుకుంటున్నాం. అది పెట్టాలంటే నీ చెవులు అడ్డంగా ఉన్నాయి. అందుకే చెవుల్ని కోసేస్తాం అని చెప్పారు. దాంతో ఆ గుంటనక్క మాటల్ని నమ్మి తోడేలు దగ్గరకు వెళ్లింది కుందేలు. ఈసారి ఈ తోడేలు.. కుందేలు తోకను కొరికేసింది.
కుందేలుకి తేడా కొట్టింది.. పారిపోవడానికి ట్రై చేసింది. మళ్లీ గుంటనక్క వచ్చి.. ఏం లేదు కుందేలా.. నీకోసం సింహాసనం రెడీ చేశాం.. మరి ఆ సింహాసనంపై కూర్చోవాలంటే తోక అడ్డొస్తుంది. అందుకే తోక కట్ చేశాం.. రారా.. అని చెప్తుంది. ఈ పిచ్చి కుందేలు ఈసారి కూడా ఆ గుంటనక్క మాట విని.. కుందేలు దగ్గరకు వస్తుంది. చెవులు కోసినా.. తోక కట్ చేసినా నమ్మి వస్తుంది. చివరికి ఈ ముసలి తోడేలు.. కుందేలు పీకని కొరికేస్తుంది. మనకి ఆహారం దొరికేసింది హమ్మయ్యా... అని అనుకుంటారు గుంటనక్క, తోడేలు సంబరపడిపోతారు.
ఈ గుంటనక్క వెళ్లి.. కుందేలుని కట్ చేస్తూ.. కుందేలు బ్రెయిన్ పార్ట్ని తోడేలుకి తెలియకుండా తినేస్తుంది. అదేంటీ.. దీని బుర్ర ఏమైంది? అని అడుగుతుంది తోడేలు. ‘‘ఆ బుర్రే కనుక ఉంటే మనం చెప్పిన మాట ఈ కుందేలు ఎందుకు నమ్ముతుంది’’ అని అంటుంది గుంటనక్క. అప్పుడు తోడేలు, గంటనక్కలు నవ్వుకుంటాయి.
ఇక్కడ ఆ ముసలి తోడేలు ఎవరు అని నేను అడగను.. ఈ గుంటనక్క ఎవరనేది మీ ఆలోచనకే వదిలేస్తున్నా. నేను చెప్పేది ఒక్కటే.. సరిగ్గా ఆలోచించండి.. సరైన నిర్ణయం తీసుకోండి. వాళ్లు చెప్పే మాటల్ని నమ్మొద్దు. ఆంధ్రప్రదేశ్ భవిష్యత్ మీ చేతుల్లో ఉంది. ఈ గుంటనక్క, తోడేలు మాటల్ని వినొద్దు. 2019 మేనిఫేస్టో.. 2014 మేనిఫేస్టో చేత్తో పట్టుకుని తిరుగుతున్నారు సీఎం జగన్.
ఎవరు అసలు?? నాకు మంచి జరిగితేనే ఓటు వేయండి అనగలిగే నాయకుడు? ఒక్క జగన్కి మాత్రమే ఆ దమ్ము, ధైర్యం ఉంది.. జగన్ని గెలిపించడానికి ఈ శ్యామల ఎప్పుడూ సిద్ధమే.. ఏపీ ప్రజలంతా సిద్ధంకండి అంటూ పిలుపునిస్తూ.. తోడేలు, గుంటనక్క కథని చెప్పి.. సినీ, పొలిటికల్ సర్కిల్స్లో హాట్ టాపిక్ అవుతోంది యాంకర్ శ్యామల.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్స్టైల్ అప్డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-04T07:52:41Z dg43tfdfdgfd