BRAHMAMUDI TODAY ఏప్రిల్ 29 ఎపిసోడ్: ‘రాజ్ ప్రాణంగా ప్రేమించింది కళావతినే’ బయటపడిన కీలక ఆధారం

Brahmamudi 2024 April 29 Episode: (photo courtesy by star maa and disney+ hotstar)

Brahmamudi 2024 April 29 Episode: ఇటు అప్పూని.. అటు కళ్యాణ్‌ని అనామిక అరెస్ట్ చేయించింది. ఈ క్రమంలోనే ప్రకాశం.. ధాన్యాన్ని తిట్టిపోస్తాడు. ‘ఎంత సేపు కొడుకుని తప్పుబట్టి.. కోడలు తప్పులన్నీ కప్పిబుచ్చి ఇంతదాకా తెచ్చుకున్నావ్ కదా.. అనుభవించు’ అంటూ తిట్టేస్తాడు. ‘నా కోడలు నా కోడలు అని నెత్తిన పెట్టుకున్నావ్ కదా.. ఇప్పుడు చూడు ఏమైందో’ అంటుంది ధాన్యలక్ష్మితో అపర్ణా దేవి కోపంగా. ఇక ఇక ధాన్యం కోపంగా.. ‘ఏంటిది అనామికా.. నిన్ను నెత్తినపెట్టుకున్నందుకు ఇదా నువ్వు నాకు ఇచ్చే విలువ?’ అంటూ ఏడుస్తూనే నిలదీస్తుంది. అయితే ఆ మాట సందర్భంలోనే అప్పూని, కావ్యను మాటలు అనే ప్రయత్నం చేస్తుంది అనామిక. స్వప్న ఊరుకోదు. ‘ఇంకోసారి నా చెల్లెల్ని ఏమైనా అంటే.. కుర్చీ మడతపెట్టి’ ఆవేశంతో ఊగిపోతుంది. కావ్య తనను ఆపుతుంది. ఇక కావ్య, రాజ్ పోలీస్ స్టేషన్‌కి బయలుదేరతారు. అనామిక మీద ధాన్యం కోపంతో ఆవేశంతో ఊగిపోతూ ఉంటుంది. పిచ్చి ధాన్యం.. రుద్రాణి ఉచ్చులో చిన్న అత్త..

అప్పుడే రుద్రాణి.. అనామికకు ధైర్యం చెప్పి.. ధాన్యలక్ష్మి దగ్గరకు వెళ్లి.. ధాన్యంతో.. ‘చూడు ధాన్యలక్ష్మీ.. అనామిక అంతా ఆలోచించే ఈ పని చేసింది. ఇంతదాకా గొడవ జరిగింది అంటే.. కళ్యాణ్ అప్పూని కలవడానికి ఆలోచిస్తుంది కదా.. అప్పుడు ఇద్దరూ దూరం అవుతారు. ఈ గొడవ జరగడం మంచిదే కదా.. అప్పూ, కళ్యాణ్ దూరం అయితే బుద్ధిగా అనామిక, కళ్యాణ్ కాపురం చేసుకుంటారు కదా?’ అంటూ ధాన్యం కోపాన్ని పోగొట్టేస్తుంది. ‘అది నిజమే రుద్రాణీ.. కాస్త బాధపడినా.. ఇది మంచికే అని మాట’అంటూ పొంగిపోతుంది ధాన్యలక్ష్మి.

కవి కంగారు.. అప్పూ కోసమే..

ఇక పోలీస్ స్టేషన్‌లో అప్పూకి కవి సారీ చెబుతాడు. ‘నువ్వెందుకురా భయ్ సారీ చెబుతున్నావ్? అనామిక చేసినదానికి నువ్వేం చెబుతావ్?’ అంటుంది అప్పూ బాధగా. ‘నా బాధ ఒకటే అప్పూ.. ఇప్పుడు కేసు ఫైల్ అయితే.. నీ కెరీర్‌కే మచ్చ కదా.. పైగా నువ్వు పోలీస్ అవ్వాలి అనుకుంటున్నావ్ కదా’ అంటూ బాధపడతాడు కవి. ఇంతలో రాజ్, కావ్య అక్కడికి వెళ్తారు. కవి, అప్పూలకు ధైర్యం చెప్పి.. ఎస్ఐ ముందుకు వెళ్తారు. ‘సార్ ఇంకేం చేయలేమా?’అంటూ ఆరా తీస్తాడు రాజ్ పోలీస్‌తో.

అప్పూ, కవి సేఫ్..

‘లేదు సార్.. అనామిక గారు పెట్టింది నార్మల్ కేస్ కాదు. గృహహింస కేస్. పైగా తను ఉండగానే అప్పూని పెళ్లి చేసుకోవాలి అనుకుంటున్నట్లుగా కేసు పెట్టారు. దీనిలోంచి బయటపడటం కష్టం. అందుకే మీ గురించి ఆలోచించి ఇంకా ఎస్ఐ‌ఆర్ బుక్ చేయలేదు. కాస్త కష్టమైనా అనామిక గారిని ఒప్పించి.. కేసు వెనక్కి తీసుకునేలా చెయ్యండి చాలు’ అంటాడు ఎస్ఐ. ‘అది ఎలా సాధ్యం సార్.. అనామిక చాలా మొండిగా ఉంది కదా?’ అంటాడు రాజ్. కావ్య వెంటనే.. ‘సాధ్యమే’ అంటుంది నమ్మకంగా. అనామిక పేరెంట్స్‌ని ఒప్పించడానికి.. రాజ్‌ని తీసుకుని వెళ్తుంది కావ్య. కళావతి రంగంలోకి దిగితే పని కాకుండా ఉండదు కదా.. అందుకే కవి, అప్పూ సేఫ్ అని మాట.

అనామికతో పాటు అందరినీ రఫ్ఫాడించేసిన కనకం..

మరోవైపు కనకం ఉగ్రరూపం దాల్చి.. దుగ్గిరాల వారి ఇంటికి గొడవకు వస్తుంది. అందరినీ తన మాటలతో ఏకిపారేస్తుంది. నా కూతురు అప్పూ మీద కేసు పెట్టడానికి నీకు ఎంత ధైర్యం అంటూ అనామికకు తిట్టేస్తుంది. ‘నాకు న్యాయం కావాలి.. నా బిడ్డ మీద కేసు లేకుండా బయటికి రావాలి. వచ్చేదాకా ఈ నట్టింట్లోనే కూర్చుంటాను’ అని అక్కడే మెట్ల మీద దీక్షకు కూర్చున్నట్లుగా కూర్చుంటుంది. ఇక కమింగ్ అప్‌లో.. కావ్యకు అసలైన ఆధారం దొరికింది. ఇప్పుడు ఆ వివరాలు చూద్దాం.

కమింగ్ అప్‌లో.. కీలక ఆధారం.. రాజ్ ప్రేమించింది కావ్యనే..

కావ్య ఇంటి బయట ఉన్నప్పుడు.. రాజ్ కారు క్లీన్ చేస్తున్న డ్రైవర్.. ఆ కారులోంచి ఓ బొకేను బయటపడేస్తాడు. అది కాస్తా కావ్య కంట పడుతుంది. దాన్ని తీసి దాని మీదున్న పేరుని చూసి షాక్ అవుతుంది కళావతి. దాని మీద మై డియర్ కళావతి హ్యాపీ వెడ్డింగ్ అనివర్సరీ అని ఉంటుంది. ‘మై డియర్ కళావతి.. హ్యాపీ అనివర్సరీ.. అంటే.. ఇది మా పెళ్లి రోజు ఇది నాకు ఇవ్వడానికి కొన్న బొకేనా.. అయితే నాకోసం ఇది ప్రేమతో కొన్న మనిషి.. నాకిచ్చేలోపే బిడ్డను తీసుకుని ఎందుకొచ్చారు? అంటే ఇది కొనడానికి.. బాబుని తీసుకుని రావడానికి మధ్య ఏదో జరిగింది. అదేంటో తెలుసుకుంటాను... మరిన్ని వివరాలు తరువాయి భాగంలో చూద్దాం. Read Also: నాపై రూమర్లు క్రియేట్ చేసి డబ్బులు సంపాదిస్తున్నాడు.. అతన్ని నమ్మొద్దు: గుప్పెడంత మనసు రిషి​