BRAHMAMUDI: చావు బతుకుల మధ్య బాబు! ‘కన్నతల్లి వస్తేనే బతుకుతాడు’ తేల్చేసిన డాక్టర్

Brahmamudi 2023April 18 Episode: బ్రహ్మముడి సీరియల్‌లో బాబు ఎపిసోడ్ ఎప్పుడైతే మొదలైందో అప్పటి నుంచి గందరగోళం మొదలైంది. అసలు ఆ బాబు ఎవరు? రాజ్‌కి అతనికి సంబంధం ఏంటి? తేలకపోవడంతో.. కావ్య, రాజ్‌ల మధ్య మరింత దూరం పెరిగేలా కథనం నడుస్తోంది. ఈరోజు (ఏప్రిల్ 18) ఎపిసోడ్‌లో బాబుకి హెల్త్ బాగోకపోవడం ఉత్కంఠగా మారింది. ఇప్పుడు ఆ వివరాలతో పాటు.. రాహుల్, రుద్రాణీల కంగారుకి కారణం కూడా చూద్దాం.

రాహుల్ రుద్రాణి మాట్లాడుకుంటూ ఉంటారు. ‘ఏమైందిరా.. పని పూర్తి చేశావా? కళ్యాణ్‌ సంతకం పెట్టాడా?’ అని రుద్రాణి.. రాహుల్‌ని అడుగుతుంది. ‘లేదు మామ్.. కావ్య కారణంగా.. కళ్యాణ్‌కి నేనే నిజం చెప్పాల్సి వచ్చింది. మనం ఇరికించాలని చూసిన డీల్ గురించి.. కావ్యతో చెప్పేస్తుంటే.. నేనే కవర్ చేయడానికి.. ఆ డీల్ ఫ్రాడ్ అని చెప్పి.. నేను మంచివాడిలా కళ్యాణ్ దగ్గర బిల్డప్ ఇవ్వాల్సి వచ్చింది’ అంటాడు రాహుల్. ‘పోనీలే.. నువ్వు దొరకలేదు అది చాలు.. తర్వాత కావాలంటే టైమ్ చూసి దెబ్బ కొట్టొచ్చు’ అంటుంది రుద్రాణి. ‘ఏంటి కొట్టేది? ఆ కావ్య పక్కనే ఉన్నంత కాలం అది జరగదు. ఏదొకటి చేసి.. దాన్ని కూడా ఈ కంపెనీ నుంచి దూరం చెయ్యాలి’ అంటాడు రాహుల్. అప్పుడే స్వప్న అక్కడి వస్తుంది. కాస్త కోపంగా, అనుమానంగా చూస్తుంది. బిత్తరపోతారు రాహుల్, రుద్రాణీలు. నిన్న ఏం జరిగింది? స్వప్న సూటి ప్రశ్నలు..

‘ఏంట్రా అది అలా చూస్తోంది?’ అంటుంది రుద్రాణి కంగారుగా కొడుకుతో చిన్న స్వరంలో. ‘నాకేం తెలుసు..’ అంటాడు రాహుల్ చిన్నగా. ‘మనం మాట్లాడుకున్నది విన్నదా? లేక కావ్య గురించి చెప్పింది అంతా వినేసిందా?’ అంటుంది రుద్రాణి కంగారుగా. ఇక స్వప్న కాస్త కోపంగా వాళ్ల దగ్గరకు వచ్చి.. ‘నిన్న ఏం జరిగింది?’ అంటుంది. ‘మనం అనుకున్నది కాదు మమ్మీ’ అనేస్తాడు రాహుల్ ఫ్లోలో. ‘రేయ్.. వెధవా.. ఇరికించి పడేశావ్’ అంటూ తిడుతుంది రుద్రాణి కోపంగా చిన్నగా. ‘ఏం అనుకున్నారు?’అంటుంది స్వప్న అనుమానంగా చూస్తూ.

బెదిరిపోయిన తల్లీకొడుకులు..

‘హా.. అది.. అది..’ అంటూ రుద్రాణి మాట్లాడబోతుంటే.. ‘హా.. ఏంలేదు.. ఆఫీస్ గురించి మాట్లాడుకుంటున్నాం అంతే..’ అంటూ కవర్ చేస్తాడు రాహుల్. ‘అవును అవును’ అంటుంది రుద్రాణి. ‘అయినా నిన్నేంటి స్వప్న అంతలా డాన్స్ చేశావ్? ఇరగదీశావ్ తెలుసా?’ అంటాడు రాహుల్. ‘హూ...’ అంటుంది రుద్రాణి ఎక్స్‌ప్రెషన్స్ ఇస్తూ. ‘ఏమో.. నాకేం గుర్తులేదు.. మీరొచ్చారు.. డాన్స్ వేశాను.. తర్వాత.. తర్వాత..’ అంటూ ఏదో గుర్తు చేసుకోవడానికి ట్రై చేస్తుంది స్వప్న. ‘తర్వాత ఏముంది ఎవరి రూముల్లోకి వాళ్లం వెళ్లి పడుకున్నాం అంతే’ అంటుంది రుద్రాణి.

అదే జ్యూస్ కావాలి.. అత్తకు ఆర్డర్..

‘లేదు లేదు.. తర్వాత ఏదో జరిగింది’అంటుంది స్వప్న. ‘హా.. బే..బే.. మాకు మాత్రం ఏం గుర్తుంటుంది చెప్పు.. నువ్వు హీరోయిన్‌లా డాన్స్ వేస్తుంటే చూస్తూ మురిసిపోయాం..’ అంటాడు రాహుల్. ‘కదా.. రాత్రి మీరు ఇచ్చిన ఫ్రూట్ జ్యూస్ చాలా బాగుంది అత్తయ్యా.. ఈ రోజు నుంచి అదే ఇవ్వండి’ అంటూ నవ్వుతూ సిగ్గు పడుతూ వెళ్లిపోతుంది తింగరి స్వప్న. ‘హూ..’ అంటూ చేతుల్నిథమ్సప్‌ సింబల్‌ని చూపిస్తుంది. స్వప్న అక్కడి నుంచి వెళ్లిపోవడంతో తల్లీకూతుర్లు ఇద్దరూ ఊపిరి పీల్చుకుంటారు. ‘అదే జ్యూస్ కావాలంటే మార్కెట్‌కి వెళ్లి డబ్బా టాబ్లెట్స్ తీసుకునిరా’ అంటుంది రుద్రాణి రగిలిపోతూ.

బాబు ఒకటే ఏడుపు..

‘పోనీలే మమ్మీ.. మన ప్లాన్ తెలియలేదు దానికి.. అది చాలు..’ అంటాడు రాహుల్. ‘అది నిజమే’ అంటుంది రుద్రాణి. ఇక సీన్ కట్ చేస్తే.. రాజ్ గదిలో చాలా కంగారు పడుతూ ఉంటాడు. బాబుని ఊయల్లో పడుకోబెట్టి.. పాలు పట్టిస్తూ.. ‘ఏడవకు ఏడవకు ఏడవకురా’ అంటూ తాగించే ప్రయత్నం చేస్తాడు. కానీ బాబు ఏడుపు ఆపడదు. టాపు లేచిపోయేలా ఏడుస్తాడు. ‘అయ్యో ఏమైంది నాన్నా.. ఎందుకు పాలు తాగడం లేదు..? తాగు తాగు తాగు.. అంటూనే.. ‘ఏమైంది వీడికి.. లేవగానే తాగేవాడు.. అలాంటిది ఇంత సేపు అయినా ఎందుకు తాగడం లేదు?’ అనుకుంటాడు కంగారుగా.

డాక్టర్ ప్రశ్నలు.. రాజ్ కంగారు..

‘డాక్టర్‌కి కాల్ చేసి కనుక్కోవడం కరెక్టేమో?’ అనుకుంటూ డాక్టర్‌కి కాల్ చేస్తాడు రాజ్. ‘చెప్పండి రాజ్ ఏమైంది?’ అంటుంది అవతల డాక్టర్. ‘హలో డాక్టర్.. బాబు ఉదయం నుంచి పాలు తాగడం లేదు.. ఎందుకో ఇబ్బంది పడుతున్నాడు.. అది తెలియడం లేదు..’ అంటాడు రాజ్. ‘అవునా ఒక్కసారి బాబు పొట్టమీద ప్రెస్ చేసి .. గట్టిగా ఉందా నార్మల్‌గా ఉందా చూడండి’ అంటుంది డాక్టర్. సరే డాక్టర్ అంటూ రాజ్.. డాక్టర్ చెప్పినట్లే చేస్తాడు. ‘నార్మల్‌గానే ఉంది డాక్టర్..’ అంటాడు రాజ్. ‘మరి మోషన్ ఫ్రీగానే వెళ్తున్నాడా?’ అంటుంది డాక్టర్.

ఏడవకురా నాన్నా ఏడవకు..

‘అలాంటి సమస్యలేం లేదు డాక్టర్’అంటాడు రాజ్. ‘సరే అయితే.. ఒకపని చేయండి. ఇంకో 2 అవర్స్ చూడండి. అప్పటి కూడా తగ్గకపోతే.. ఒక టానిక్ చెబుతాను.. అది తాగించండి’ అంటుంది డాక్టర్. ‘సరే డాక్టర్.. మీరు వాట్సాప్ చేయండి డాక్టర్ అని ఫోన్ కట్ చేస్తాడు రాజ్. బాబు ఏడుస్తూనే ఉంటాడు. ‘రేయ్ ఏడవకురా.. నువ్వు నేను ఒకే పరిస్థితుల్లో ఉన్నాంరా.. నువ్వు మాట్లాడలేవు.. మాట్లాడే అవకాశం ఉన్నా నోరు తెరవలేను’ అంటూ బాధగా అంటాడు రాజ్. బాబు మాత్రం ఏడుస్తూనే ఉండటంతో.. రాజ్ బాధలోంచి తేరుకుని.. ‘ఏడవకు ఏడవకు రా..’ అంటూ జోకొడుతూ ఉంటాడు.

బాబు కోసం ఇంట్లో అంతా కంగారు..

ఇక కమింగ్ అప్‌లో.. కళావతి బాబుని ఎత్తుకుని కిందకు వేగంగా పరుగుతీస్తుంది. వాడు ఏడుస్తూనే ఉంటాడు. రాజ్ ఆమె వెనుకే వస్తుంటాడు. అయితే బాబు ఏడుపు చూసి.. ఇందిరా దేవి.. ‘ఏమైంది బాబుకి?’ అంటుంది కంగారుగా. అక్కడే ఉన్న రుద్రాణి.. బాబు ఒంటిని తడిమి.. ‘ఫీవర్ కూడా ఉందమ్మా’ అంటుంది. అంతా కంగారు పడుతుంటే.. సుభాష్.. రాజ్‌తో.. ‘పదండి ఆసుపత్రికి తీసుకుని వెళ్దాం’అంటాడు. సీన్ కట్ చేస్తే.. బాబుని ఆసుపత్రికి తీసుకుని వెళ్తారు. రాజ్, కావ్య, సుభాష్ ముగ్గురూ బాబుని తీసుకుని వెళ్తారు. అక్కడ బాబుని డాక్టర్ చెక్ చేసి.. చూస్తుంది. ఇక బాబు పరిస్థితి గురించి చెప్పడానికి రాజ్‌ని తన క్యాబిన్‌కి పిలుస్తుంది డాక్టర్. కళావతి కూడా బాబుని ఎత్తుకుని అక్కడే ఉంటుంది.

తల్లి కావాల్సిందే.. లేదంటే కష్టమే..

సుభాష్ కూడా డాక్టర్ ముందే ఉన్నట్లు చూపిస్తారు.‘మీరు ఇప్పుడు ఏ ఆసుపత్రికి వెళ్లినా.. ఎన్ని టెస్ట్‌లు చేయించినా.. ప్రయోజనం ఉండదు.. బాబుకి తల్లి కావాలి. తల్లి స్పర్శ కావాలి. తల్లి పాలు కావాలి.. ఇప్పుడు బిడ్డను తల్లికి అప్పగిస్తేనే... బాబు క్షేమంగా ఉంటాడు..’ అంటూ సలహా ఇస్తుంది డాక్టరమ్మ. దాంతో కళావతి, రాజ్, సుభాష్ ముగ్గురూ షాక్ అవుతూ చూస్తుంటారు. మరి చూడాలి ఇప్పుడైనా రాజ్ నిజం చెబుతాడా.? బాబు తల్లిని తీసుకొస్తాడా? అనేది ఉత్కంఠగా మారింది. అసలు బాబు ఎవరు? బాబు తండ్రి ఎవరు అనేది కూడా త్వరలోనే తేలబోతుందని మాట. చూద్దాం ఏం జరుగుతుందో. Read also: ‘బ్రహ్మముడి’ ఏప్రిల్ 19 ఎపిసోడ్: ‘బాబు తండ్రి.. రాజ్‌ కాదు సుభాష్!’ అపర్ణకి.. సవతే బుడ్డోడి తల్లి! వాటే ట్విస్ట్​