KARTHIKA DEEPAM 2 MAY 01 EPISODE TODAY: నా తండ్రిని నా కళ్ల ముందే చంపావ్.. నా ఆత్మాభిమానాన్ని చంపేశావ్ బాబూ.. దీప ఆవేదన

Karthika Deepam May 01 Today Episode: కార్తీకదీపం 2 సీరియల్ ప్రారంభమై నెల రోజులు కంప్లీట్ అయ్యింది. కొత్త కథ.. కొత్త కథనం అన్నారు కానీ.. పార్ట్ 2 కథ మొత్తం పార్ట్ 01కి ఉల్టాగా నడుస్తుంది. అక్కడ కార్తీక్‌ దీపని అపార్ధం చేసుకుంటాడు. ఇక్కడ సీన్ రివర్స్.. దీప కార్తీక్‌ని అపార్ధం చూసుకుంటూ ఉంది. ఈరోజు ప్రసారం కాబోయే ఎపిసోడ్‌లో ఏమైందంటే..

పారిజాతం కుట్రకి మరోసారి బలి అయ్యింది దీప. ఈరోజు (మే 01) ప్రసారం కాబోయే ఎపిసోడ్‌లో ఏమైందంటే.. దీప దగ్గరకు వచ్చిన పారిజాతం..‘నువ్వు తల్లిలేని బిడ్డవే కానీ.. బిడ్డకి తల్లివే కదా.. అర్ధం చేసుకోగలవు.. ఒకర్ని బాధపెడుతూ బతకడం కూడా ఓ బతుకేనా? నీకు మా సుమిత్రపై ఏ మాత్రం గౌరవం ఉన్నా.. ఈ డబ్బులు తీసుకుని వెళ్లిపో. తినడానికి తిండి ఉండటానికి ఇల్లు ఇచ్చారు కదా.. వాళ్లు ఛీ కొట్టిపొమ్మనే వరకూ ఇక్కడే ఉంటానంటే అది నీ ఇష్టం. ఆత్మాభిమానం చంపుకుని ఉంటానంటే నేనేం చేయలేను. సుమిత్ర అయితే కన్నీళ్లు పెట్టుకుంటుంది. ఇంతకుమించి నేనేం చెప్పలేను నువ్వే ఆలోచించుకో’ అని అక్కడ నుంచి వెళ్లిపోబోతుంది. ఒక్క నిమిషం ఆగండి అని అన్న దీప.. పారిజాతం ఇచ్చిన డబ్బుల్ని తీసి ఆమె చేతిలో పెడుతుంది.. ఇప్పుడు వెళ్లండి అని అంటుంది. ‘ఎంత పొగరు దీనికి చెప్తా దీని పని’ అని అనుకుని అక్కడ నుంచి వెళ్లిపోతుంది పారిజాతం. ఇంతలో సౌర్య వచ్చి.. ‘అమ్మమ్మ కనిపించలేదమ్మా.. జో అక్క దగ్గర ఉందంట’ అని అంటుంది. సర్లే సౌర్యా.. పదా.. మనం సైకిల్ తెచ్చుకోవడానికి ఊరు వెళ్తున్నాం ’అని అంటుంది. ఓసి నీ ఆత్మాభిమానం పాడుకానూ.. బుడ్డదాని మెడలో చైన్‌ కూడా లాగేసింది

‘‘భలే.. భలే.. సైకిల్‌కి తెచ్చుకుంటున్నాం’’.. అని సంబరపడిపోయిన సౌర్య.. నేను వెళ్లి కార్తీక్, అమ్మమ్మలతో ఊరు వెళ్తున్నాం అని చెప్తాను అని అంటుంది. ‘వాళ్లతో నేను చెప్పానులే’ అని సౌర్య మెడలో ఉన్న చైన్‌ని తీసేస్తుంది దీప. ఎందుకమ్మా చైన్ తీసేస్తున్నావ్ అని సౌర్య అడిగితే.. ‘మెడలో ఉంటే పడిపోతుంది’ అని అంటుంది. ఆ తరువాత ఆ చైన్‌ని అక్కడే పెట్టేస్తుంది ఆత్మాభిమానపు దీప. ‘ఎలా వచ్చామో అలాగే వెళ్లాలని అనుకుంటున్నాం.. నన్ను క్షమించండి’ అని బ్యాగ్ సర్దేస్తుంది దీప. ఇంతకీ ఆ చైన్‌ని పెద్దయ్య శివన్నారాయణ.. సౌర్యకి బహుమతిగా ఆ చైన్‌ని ఇవ్వడం జరిగిందన్నమాట.

అమ్మ మీతో చెప్పిందంట కదా.. తల దించుకున్న దీప

ఇక దీప.. సౌర్యని తీసుకుని నడకదారిపడుతుంది. మరి లెక్క ప్రకారం.. కార్తీక్ రావాలి కదా.. అదే జరుగుతుంది. దీప.. సౌర్యని తీసుకుని ఎండలో నడుచుకుంటూ వెళ్లడాన్ని అటుగా కారులో వెళ్తున్న కార్తీక్ చూస్తాడు. వెంటనే దీప.. సౌర్యల దగ్గరకు వెళ్తాడు. ఏంటి రౌడీ.. ఎక్కడికి వెళ్తున్నావ్ అని అడుగుతాడు కార్తీక్. ‘నా సైకిల్ తెచ్చుకోవడానికి మా ఊరు వెళ్తున్నాం అని అంటుంది సౌర్య. ‘మరి నాతో చెప్పలేదేంటి? అని కార్తీక్ అడగడంతో.. ‘అమ్మ మీతో చెప్పిందంట కదా’ అని అంటుంది సౌర్య. దాంతో దీప వైపు చూస్తాడు కార్తీక్. దీప తప్పుచేసిన దానిలా తల దించుకుంటుంది.

సౌర్యకి తండ్రి ఎప్పటికీ దొరకడు.. ఎందుకంటే అలాంటి వాడు లేడు కాబట్టి..

సర్లే.. నీకు ఐస్ క్రీమ్ కొనిస్తా.. వెళ్లి కారులో కూర్చో అని సౌర్యతో అంటాడు కార్తీక్. ఇప్పుడు అలాంటివేం వద్దు బాబూ.. మమ్మల్ని వెళ్లనివ్వండి’ అని అంటుంది దీప. బయట ఎండగా ఉంది కదా దీపా.. ఐస్ క్రీమ్‌నే కదా.. ఏం పర్లేదు అంటూ సౌర్యని తీసుకుని వెళ్లి కారులో కూర్చోబెట్టి.. దీప దగ్గరకు వెళ్తాడు కార్తీక్. ‘జోత్స్న గురించి మిమ్మల్ని ఎవరైనా ఏమైనా అన్నారా?’ అని అడుగుతాడు. ‘ఏమైనా అంటేనే వెళ్లాలా? అని అంటుంది దీప. మీరు వచ్చిన పని అవ్వలేదు కదా... పాపకి తండ్రి దొరకలేదు కదా అని అంటాడు కార్తీక్. అతను ఎప్పటికీ దొరకడు బాబూ.. ఎందుకంటే అది కోరుకునే మంచినాన్నని నేను ఎప్పటికీ తీసుకుని రాలేను’ అని అంటుంది దీప.

నా తండ్రిని నా కళ్ల ముందే చంపేశావ్..

ఏదొకరోజు నాన్న ఎందుకు రావడం లేదని పాప నిలదీస్తే ఏం చెప్తారు? అని అడుగుతాడు కార్తీక్. ‘చచ్చిపోయాడని చెప్తాను’ అని అంటుంది దీప. ‘మీరు అలా చెప్తే ఆ చంటిది తట్టుకోగలదా? అని కార్తీక్ అంటే.. తండ్రి లేడని తెలిస్తే ఎవరూ తట్టుకోలేరు.. నా తండ్రి నా కళ్ల ముందే చనిపోతే.. మీరు చంపేస్తే.. నాన్నతో పాటే నేనూ చనిపోలేదు కదా.. సౌర్య ఇప్పుడు ఎవర్నైతే చూసి బూచాడు అని భయపడుతుందో వాడే తన తండ్రి అని చెప్తే అది నాన్న అనే పిలుపునే అసహ్యించుకుంటుంది. నేను ఇక్కడ నుంచి వెళ్తుంది ఎవరో ఏదో అన్నారని కాదు.. నా బాగు కోరుకునే వాళ్ల గురించి ఆలోచించే వెళ్లిపోతున్నా’ అని అంటుంది దీప.

మీ ప్రేమ నటన బాబూ.. ‘అంత మాట అనేశావ్ ఏంటి దీపా’?

ఇప్పుడు నువ్వు ఇలా ఎవరికీ చెప్పకుండా వెళ్లాల్సిన అవసరం ఏంటి? అని అడుగుతాడు కార్తీక్. ‘కారణం మీరే బాబు గారూ.. పాపకి దూరంగా ఉండమని నేను చెప్తుంటే.. మీరు అంత దగ్గరౌతున్నారు. అడగకుండానే అన్నీ కొనిస్తున్నారు. దాని సరదాలు అన్నీ తీరుస్తున్నారు. అది నాతోనే ఉన్నా మీ గురించే మాట్లాడుతున్నట్టు చేస్తున్నారు. పాపం నిజం దానికి తెలియదు కదా.. మీరు దానిపై చూపిస్తున్న ప్రేమ నటన అని. నా కూతురి ద్వారా నాతో మంచి అనిపించుకోవడానికి ప్రయత్నిస్తున్నారు. ఇక మీరు శ్రమపడాల్సిన పనిలేదు. నా తండ్రి తిరిగి రాడనేది ఎంత నిజమో.. నా తండ్రిని చంపిన మిమ్మల్ని క్షమించలేదనేది అంతే నిజం.

దీపా నీకో నిజం చెప్పాలి.. ‘అబ్బే చెప్పనీయదుగా మా దీపక్క’

కాబట్టి.. నేను ఇక్కడే ఉండటం మంచిది కాదు.. ఇలాగే ఉంటే.. సౌర్యకి తన తండ్రిని మీరే చూపించేట్టుగా ఉన్నారు. ఇప్పటికైతే దానికి అమ్మని నాన్నని నేనే.. నాకు మాత్రమే తెలిసిన నిజం ఏంటంటే.. ఎప్పటికీ దానికి అమ్మ, నాన్ననీనే’ అని అంటుంది దీప. దాంతో కార్తీక్.. ‘దీపా నీకో నిజం చెప్పాలి.. ఆ కారు యాక్సిడెంటూ’.. అని చెప్పబోతుండగా.. ‘మీరు ఏం చెప్పినా నేను వినను.. అవన్నీ నాకు గుర్తు చేయొద్దు.. మమ్మల్ని వెళ్లనీయండి.. నా మొహం నీకు చూపించను.. మీకు నా మొహం చూడాల్సిన అవసరం ఉండదు’ అని అంటుంది దీప. నువ్వు ఇంత మొండిదానివి ఏంటి దీపా అని అంటాడు కార్తీక్.

ఆ వడ్డీ మల్లేష్ గాడ్ని ఆరోజు కొట్టింది నేనే..

మొండిదాన్ని కాబట్టే బతికి ఉన్నాను బాబూ లేదంటే.. మీ లాంటి వాళ్లు చేసిన పనికి ఏరోజో చనిపోవాలి. ఇప్పటికి మీరు చేసింది చాలు.. మా దారిన మమ్మల్ని పోనీయండి అని అంటుంది దీప. ‘ఊర్లో మీ పరిస్థితి ఏంటో నాకు తెలుసు దీపా వెళ్లొద్దు’ అని అంటాడు కార్తీక్. నాలాంటి వాళ్లు ఇంకా చాలామంది ఉంటారు అని అంటుంది దీప. ‘ఉంటారు కానీ.. ఆ వడ్డీ మల్లేష్ గాడి దగ్గర అప్పు ఉండదు కదా.. ఆరోజు వాడు నీ గురించి తప్పుగా మాట్లాడాడు.. వాడ్ని కొట్టింది నేనే.. ఆరోజే నాకు అర్ధం అయ్యింది ఊరిలో మీ పరిస్థితి ఏంటో’ అని అంటాడు కార్తీక్.

వాడు నా ఆడతనాన్ని ఎగతాళి చేశాడు.. అంతా మీ వల్లే బాబూ

ఆ మాటతో దీప.. ‘చేతులెత్తి కార్తీక్‌కి మొక్కుతూ.. మిమ్మల్ని ఎలా అభినందించాలో తెలియడం లేదు బాబూ.. దగ్గర్లో పూలు ఏమైనా ఉంటే బాగుండు.. మీ కాళ్లపై వేసి.. దండం పెట్టేదాన్ని. నన్ను ఒక్క మాట అన్నాడని వాడ్ని కొట్టారు.. మరి మీరు చేసిన పనికి వాడు నన్ను ఎక్కడ కొట్టాడో తెలుసా? నా గుండెలపై కొట్టాడు. నా ఆడతనాన్ని ఎగతాళి చేశాడు.. నా పరువుని పంచాయితీ పెద్దల ముందు పెట్టాడు. మీరు చేసిన పని వల్ల నేను ఈరోజు ఆ పసి దాన్ని వెంటపెట్టుకుని మొగుడ్ని వెతుక్కుంటూ రావాల్సి వచ్చింది. మీరు మల్లేష్‌ని కొట్టిన చెంప దెబ్బ వల్ల నేను ఈరోజు నడిరోడ్డుపై నిలబడ్డాను.

మీరు నా కూతుర్ని కూడా దూరం చేస్తారు.. వదిలేయండి బాబూ..

అది కాదు దీపా.. వాడూ నీ గురించి తప్పుగా మాట్లాడాడు అని కార్తీక్ అంటే.. ‘చాలు బాబూ.. చాలు.. మీరు అడక్కుండానే సాయం చేశారు.. మీ గురించి ఇంత తెలిసిన తరువాత కూడా.. నేను ఇక్కడే ఉంటే.. మీరు నా కూతుర్ని కూడా దూరం చేస్తారు.. వదిలేయండి బాబూ.. వదిలేయండి.. అక్కడ నా కోసం ఎదురుచూస్తున్న మా అత్తయ్య ఉంది. ఇన్నాళ్లూ ఎలా బతికామో అలాగే బతుకుతాం.. మీరు నాకు కనిపించిన విషయం కూడా ఎవరితోనూ చెప్పొద్దు’ అని కారులో ఉన్న సౌర్యని తీసుకుని వెళ్లిపోతుంటుంది దీప.

దీపను నేను తీసుకొస్తా..

సౌర్య, దీపలు వెళ్లిపోతుంటే.. కార్తీక్ అలా చూస్తూ ఎమోషనల్ అవుతాడు. ‘నువ్వు చెప్పింది విన్న తరువాత.. నిన్ను అధికారం నాకు లేదు దీపా.. ఈ బాధను నేను జీవితాంతం మోయాల్సిందేనా దీపా’? అని బాధపడతాడు కార్తీక్. ఇక సుమిత్రిపై ఎటాక్ చేసిన ఇష్యూతో ఒక అనుమానితుడ్ని తీసుకుని వస్తారు పోలీసులు. ఒక్కసారి దీపని వచ్చి గుర్తు పట్టమని ఎస్ఐ చెప్పడంతో.. జోత్స్న దీపకోసం వెళ్తుంది. అక్కడ దీప లేకపోవడంతో పాటు.. సౌర్యకి శివన్నారాయణ ఇచ్చిన చైన్ అక్కడే పెట్టేసి ఉండటంతో.. దీప వెళ్లిపోయిందని తెలుసుకుంటుంది జోత్స్. ఆ విషయాన్ని తన కుటుంబంతో చెప్తుంది. సుమిత్ర బాధపడుతుంది. పారిజాతం హమ్మయ్య అని సంబరపడిపోతుంది. అయితే ఎస్ఐ ఫిటింగ్ పెడతాడు. సుమిత్రపై ఎటాక్ కేసు.. జోత్స్న యాక్సిడెంట్ కేసులో ప్రధాన సాక్షి దీపే.. కావాలనే సాక్షిని మాయం చేశారు అని అంటాడు. దీంతో కార్తీక్.. నేను వెళ్లి దీపని తీసుకొస్తా.. మీరు మాపై నిందలు వేయొద్దని బయల్దేరతాడు.