KRISHNA MUKUNDA MURARI TODAY ఏప్రిల్ 19 ఎపిసోడ్: ‘చచ్చిపోతానేమో అత్తయ్యా’ కృష్ణ చివరి మాటలు.. ముకుంద చావుదెబ్బ!

Krishna Mukunda Murari Today Episode: ముకుంద అనుకున్నంత పని చేసింది. పాపం కృష్ణ చివరి క్షణంలో మాట్లాడిన మాటలు అల్లాడిస్తున్నాయి. ఇప్పుడు ఆ వివరాలు చూద్దాం. (photo courtesy by star maa and disney+ hotstar)

Krishna Mukunda Murari April 19 Episode: ముకుంద కలిపిన పాయిజన్ పానకం.. కృష్ణ తాగేసింది. ఈ క్రమంలోనే నేటి కథనం ఉత్కంఠగా సాగింది. ఇప్పుడు ఆ వివరాలు చూద్దాం. కృష్ణ ముగ్గు వేస్తుంటే.. ఆదర్శ్ తప్పుగా మాట్లాడిన మాటలు కృష్ణ చెవిన పడటం.. సరిగ్గా అప్పుడే వచ్చిన మురారీతో.. ‘ఆదర్శ్ నన్ను ఇంకా ధ్వేషిస్తున్నాడు ఏసీపీ సార్’ అని చెప్పడంతో తెలిసిందే కదా.. అయితే వారి మాటల్ని మీరా అలియాస్ ముకుంద వింటూనే ఉంటుంది. ‘ఏసీపీ సార్.. ఆదర్శ్ నన్ను ఇంకా శత్రువుగానే చూస్తున్నాడు.. తన తీరు మారలేదు నా విషయం.. మీరు నన్ను నమ్మండి’ అంటుంది బాధగా. ‘అయ్యో కృష్ణా.. నువ్వు భ్రమలో ఉన్నావేమో అనిపిస్తోంది నాకు.. ఆదర్శ్ మారిపోయాడు. కానీ నువ్వు నమ్మలేకపోతున్నావ్ కాబట్టి.. వాడ్నే పిలిచేసి అడుగుతాను సరేనా?’ అంటాడు మురారీ. ‘వద్దు ఏసీపీ సార్.. అలా అడిగితే పండుగ పూట పెద్దగొడవ అవుతుంది అది నాకు ఇష్టం లేదు’ అంటుంది కృష్ణ.మురారీపై ప్రేమ..

ఇక మీరా వాళ్ల ముందుకు వచ్చి.. ‘ఏంటి కృష్ణ డల్‌గా ఉంది..?’ అంటుంది కావాలనే. ‘ఏం లేదు చిన్న సమస్యేలే..’ అంటాడు మురారీ. వెంటనే కృష్ణ అక్కడి నుంచి మీరాతో కూడా సరిగా మాట్లాడుకుండా వెళ్లిపోతుంది. ఇక మీరా.. మురారీతో.. ‘ఏమైంది సార్.. కృష్ణ మీ మీద అలుగుతుందా? మీరో అద్భుతం.. మిమ్మల్ని బంగారం లెక్క చూసుకోవాలి కానీ.. అలా అలిగితే అర్థమేంటీ? అంటూ మురారీనే ప్రేమగా చూస్తుంది మీరా. ‘ఎంత తోపులుమైనా భార్యల ముందు తగ్గాల్సిందే కదా’ అంటాడు మురారీ నవ్వుతూ. ‘అంతా వేరు మీరు వేరు మురారీ గారు’ అంటూ ప్రేమగా ముగ్గమీద నిమరేంత ప్రేమను ప్రదర్శిస్తుంది మీరా.

ఏ..ఏదో ఉంది.. అంతే అంతే..

ముకుంద అలా మురారీ బుగ్గ మీద ప్రేమగా చేయి వేయబోతుంటే.. మురారీ.. ‘మీరా..’ అంటాడు కంగారుగా.. ‘హా.. అదే.. అదే ఆ బుగ్గ మీద ఏదో ఉంది’ అంటుంది కవర్ చేసుకుంటూ. ‘అవునా..’ అంటూ తనే తుడుచుకుని.. పోయిందా అంటాడు మురారీ. తప్పక పోయింది అని చెబుతుంది ముకుంద. ఇక భవనీ దేవి వచ్చి.. ‘నాన్నా మురారీ.. రెడీ అవ్వు.. పంతులు గారు వచ్చే టైమ్ అయ్యింది’ అనడంతో మురారీలోపలికి వెళ్తాడు. అక్కడ కృష్ణ మురారీతో.. తన మనసులో ఉన్న అనుమానాన్ని చెబుతుంది. ‘ఆదర్శ్‌కి ఎవరో నూరిపోతున్నారు ఏసీపీ సార్.. లేదంటే మీతో బాగానే ఉండి నన్ను ఎందుకు శత్రువుగా చూస్తున్నాడు?’ అంటుంది తెలివిగా.

మీరాతో పెళ్లి గురించి ఆదర్శ్ ఆశలు..

కృష్ణా అది నీ భ్రమ అంతే.. ఆదర్శ్ ఎప్పుడు ఎలా ఉంటున్నాడో వాడికే తెలియడం లేదు.. నువ్వు ఎక్కువ ఆలోచించకు అని సద్దిచెబుతాడు మురారీ. అయితే వీళ్ల మాటల్ని మీరా చాటుగా విని.. ‘అమ్మో కృష్ణకు నా మీద అనుమానం రాకుండా జాగ్రత్త పడాలి’ అనుకుంటుంది. ఇక పంతులు రావడంతో.. పూజ మొదలవుతుంది. పీటలమీద మురారీ, కృష్ణలు కూర్చుంటారు. మీరా పక్కనే ఆదర్శ్ కూర్చుంటాడు. ‘ముకుంద విషయం ఇక అమ్మతో మాట్లాడాలి. తనపై నా ఇష్టాన్ని అమ్మకు చెప్పాలి’ అని ఆదర్శ్ మనసులో ఫిక్స్ అవుతాడు.

ఏం కలుపుతున్నావ్?

ఇక పూజ పూర్తికాగానే.. ప్రసాదం తెమ్మని భవానీ దేవి.. రేవతికి చెబితే... మీరా అడ్డు పడి.. నేను తెస్తాను అంటుంది. ఇక వంట గదిలోకి వెళ్లి.. గ్లాసుల్లో పానకం పోసి.. ఒక్క గ్లాసులో తాను కొని తెచ్చిన టాబ్లెట్స్ వేసి.. బాగా కలుపుతూ ఉంటుంది. ‘ఏం కలుపుతున్నావ్?’ అంటూ ఎంట్రీ ఇస్తుంది సంగీత. బిత్తరపోతుంది మీరా. ‘హో.. బెల్లం తక్కువైందని కలుపుతున్నావా.. సరేలే.. కానీ మా అమ్మ నన్ను బలవంతంగా ఇక్కడి పంపింది. ఆదర్శ్ బావకు నేనే పానకం ఇవ్వాలట’ అంటుంది సంగీత. సంగీత ఏం చూడనందుకు సంతోషిస్తుంది మీరా(ముకుంద).

పాపం కృష్ణ.. ముకుంద చావు దెబ్బకు విలవిల

‘అవునా.. సరే అయితే నువ్వే ఆదర్శ్‌కి పానకం ఇద్దువుగానీ.. అంటూ రెండు గ్లాసులు ఒక ప్లేట్‌లో పెట్టి.. కొంత వడ పప్పు బౌల్‌లో వేసి.. ప్లేట్‌ని సంగీతకు ఇస్తుంది. కృష్ణ కోసం కలిసిన గ్లాస్‌ ఉన్న ప్లేట్‌ని తనే పట్టుకుని.. మొత్తానికీ కృష్ణతో ఆ గ్లాస్ పానకం తాగించేస్తుంది మీరా. ఇక కమింగ్ అప్‌లో కృష్ణకు నొప్పి మొదలవుతుంది. అది ఎక్కువ కావడంతో..ఆసుపత్రికి తీసుకుని వెళ్లడానికి కారు ఎక్కిస్తారు భవానీ దేవి వాళ్లు. అప్పుడే కృష్ణ.. ‘నొప్పి చాలా ఎక్కువగా వస్తుంది అత్తయ్యా.. చచ్చిపోతానేమో అని భయంగా ఉంది’అంటుంది అల్లాడిపోతూ. అంతా బిత్తరపోతారు. పాపం అన్నట్లుగా చూస్తుంటారు. ముకుంద చావు దెబ్బకు కృష్ణ బలి అయిపోతుంది. బహుశా ప్రాణాలు దక్కినా.. మాతృత్వాన్ని కోల్పోతుంది కాబోలు. చూద్దాం ఏం జరుగుతుందో.