KRISHNA MUKUNDA MURARI TODAY ఏప్రిల్ 30 ఎపిసోడ్: త్వరలో సంగీత, మధుల పెళ్లి.. పార్టీలో అసలు విషయం చెప్పిన సుచిత్ర ఆంటీ

Krishna Mukunda Murari 2024 April 29 Episode: సుచిత్ర, సుమలత ఆంటీలు నేటి కథనంలో న్యూ ఎంట్రీ ఇచ్చారు.దాంతో ఓ విషయంలో క్లారిటీ వచ్చింది. ఈ క్రమంలోనే మీరా కుట్ర ఓ వైపు.. భవానీ దేవి అత్యుత్సా హం  మరోవైపు కీలకంగా మారాయి. ఇప్పుడు ఆ వివరాలు చూద్దాం. (photo courtesy by star maa and disney+ hotstar)

Krishna Mukunda Murari April 29 Episode: కృష్ణకు పానకంలో పాయిజన్ కలిపి మీరా ఇవ్వడంతో.. కృష్ణ గర్భాసయం పాడై.. తీసేయ్యాల్సిన పరిస్థితి వచ్చింది. ఈ క్రమంలోనే కృష్ణకు పిల్లలు పుట్టరని తనకు కూడా తెలిసనట్లుగా మీరా.. మురారీ ముందుకు రావడం.. సరోగసి ఐడియా ఇవ్వడం.. కృష్ణకు కూడా సేమ్ ఐడియా రావడంతో.. డాక్టర్ వైదేహి దగ్గరకు కృష్ణ వాళ్లు వచ్చేలా మీరా ప్లాన్ చేయడం.. అంతా తెలిసిందే. అయితే నేటి కథనంలో మరో ట్విస్ట్ ఎదురైంది. ఇప్పుడు ఆ వివరాలు చూద్దాం. కృష్ణ కడుపు నొప్పితో బాధపడటం.. ఇంటికి వచ్చాక కూడా ఏదో కోల్పోయినట్లు ఉండటం గమనించి భవానీ దేవి.. అదే విషయాన్ని తలుచుకుని అల్లాడిపోతూ ఉంటుంది. అయితే రేవతి వచ్చి.. ‘కృష్ణ ఆసుపత్రికి వెళ్లి.. మురారీ కూడా వెళ్లాడు’ అంటుంది. దాంతో భవానీ దేవి.. ‘కృష్ణ నెల తప్పి ఉంటుంది రేవతీ.. మనకు సర్ప్రైజ్ ఇవ్వాలని మనకు ఇంకా చెప్పాలేదేమో.. మనమే తనకు సర్ప్రైజ్ చెయ్యాలి’ అంటూ కృష్ణ పని చేసే ఆసుపత్రికి కాల్ చేస్తుంది.కృష్ణ నెల తప్పించింది.. పార్టీ ఇవ్వాల్సిందే..

కృష్ణ పని చేసే ఆసుపత్రికి కాల్ చేసిన భవానీ దేవి.. అక్కడ రిసెప్షనిస్ట్‌తో.. ‘మా కోడలు డాక్టర్ కృష్ణ వచ్చిందా.? తనతో పాటు మురారీ ఉన్నాడా? వాళ్లు ఎందుకు వచ్చారో నీకు తెలుసా?’ అంటే.. ‘ఇద్దరూ వచ్చారు.. ప్రెగ్నెన్సీ కోసం మాట్లాడటానికి వచ్చారు’ అని తనకు తెలిసింది చెబుతుంది ​రిసెప్షనిస్ట్‌. దాంతో భవానీ దేవి.. నిజంగానే కృష్ణ నెల తప్పింది కాబోలు అనుకుని.. రేవతికి, మధుకి అందరికీ చెప్పేసి.. ‘మురారీ కృష్ణ ఇంటికి వచ్చేలోపు పార్టీ ఏర్పాటు చెయ్యాలి. కొడుకులకు పెళ్లి చేసి ఇన్నేళ్లు అయినా పిల్లలు పుట్టలేదని నా ఫ్రెండ్స్ సరస్వతి, సుచిత్రలు ఎన్ని మాటలు అన్నారు. వాళ్లని వెంటనే రమ్మంటాను పార్టీకి’ అని వాళ్ల కాల్ చేసి ఆహ్వానిస్తుంది.

ఉచ్చులో చిక్కిన మురారీ, కృష్ణ..

ఇక మీరా చెప్పినట్లే డాక్టర్ వైదేహి.. కృష్ణ మురారీలను పిలిచి.. ప్లాన్ ప్రకారం విషయం చెబుతుంది. ‘మీరు మరీ అంతగా రిక్వస్ట్ చేస్తున్నారు కాబట్టి.. అద్దెకు ఇవ్వాల్సిన వాళ్లు ఇంత త్వరగా దొరకదు కాబట్టి.. ఆల్ రెడీ మీలానే ఒక జంట మమ్మల్ని కలిశారు. వాళ్లకు అద్దెగర్భం ఇచ్చే ఒక అమ్మాయి దొరికింది. తననే మీ బిడ్డను మోసేలా ఒప్పించగలిగితే మీ పని అయిపోతుంది. ఇదంతా రహస్యంగా జరగాలి కాబట్టి.. నేను మీకోసం.. ఆ మరో జంటతోనూ.. ఆ అద్దె గర్భం ఇచ్చే అమ్మాయితోనూ మాట్లాడతాను’ అంటూ మురారీ, కృష్ణలను మెల్లగా ఉచ్చులోకి లాగుతుంది. ఒప్పుకుంటారు మురారీ దంపతులు. ఇక కృష్ణ, మురారీ.. ఇంటికి బయలుదేరగానే.. మీరా.. వైదేహి దగ్గరకు వెళ్తుంది.

ఇంట్లో పార్టీ మొదలు..

మొత్తం మనం అనుకున్నట్లే జరగాలి అంటుంది మీరా.. వైదేహితో. ఇక్కడ ముకుందకు మరో అవకాశం కూడా ఉంది. ఇప్పుడు డాక్టర్ తన చేతుల్లోనే ఉంది కాబట్టి.. మురారీ జన్యు మూలంతో కృష్ణ జన్యు మూలం కాకుండా.. ముకుంద జన్యు మూలాన్నే పిండంగా మార్చే అవకాశం ఉంటుంది. అదే జరిగితే ఆ బిడ్డ మీద కృష్ణకు ఏ హక్కు ఉండదు. మురారీ బిడ్డకు మీరా అలియాస్ ముకుందే తల్లి అవుతుంది. చూడాలి మరి ఏం జరుగుతుందో. మధుతో సహా.. సంగీత, భవానీ దేవి అంతా రెడీ అయిపోతారు. ఆదర్శ్ వచ్చి.. ఏంటీ హడావుడి అంటాడు.

సరస్వతి, సుచిత్ర ఆంటీలు ఎంట్రీ..

‘అయ్యో ఆదర్శ్ బ్రో.. ఇంట్లో ఉంటావ్ కానీ ఏం తెలుసుకోవేంటీ? మన కృష్ణ తల్లికాబోతుంది. అందుకే పెద్దపెద్దమ్మా పార్టీ ఇస్తోంది’అంటూ మధు.. ఆదర్శ్‌కి చెప్పి.. సుచిత్ర, సరస్వతీలు కనిపించడంతో.. ‘ఆంటీలు వచ్చారు వస్తాను’ అంటూ వెళ్తాడు. ఆదర్శ్ మాత్రం రగిలిపోతాడు. ఇక సుచిత్ర, సరస్వతి తెగ మూతలు తిప్పేసుకుంటూ.. ‘బిడ్డ పుెట్టబోతుందని పార్టీలే ఇంత హడావుడి చేస్తున్నావంటే.. శ్రీమంతం, బారసాలకు ఇంకెంత చేస్తావో భవానీ నువ్వు?’ అంటూ పొగిడేస్తారు. ఇక అప్పుడే మధు వచ్చి.. ‘ఏంటి ఆంటీస్ వచ్చారా.’ అంటాడు. ‘మేము వచ్చాంలే కానీ.. మీ ఆవిడ అలేఖ్య పుట్టింటి నుంచి వచ్చిందా?’ అంటుంది సుచిత్ర.

అలేఖ్యకు విడాకులు.. సంగీతతో ముడి..?!

‘లేదు ఇంకా రాలేదు’అంటాడు సుచిత్రతో మధు. ‘ఇంక రాదులే.. వదిలేసినట్లే’ అంటుంది సుచిత్ర ఆంటీ వెటకారంగా. ‘మీకు అస్సలు తగ్గలేదు ఆంటీలు’అంటాడు మధు. ‘ఏంటీ?’ అంటుంది సుచిత్ర. ‘నోటి దూల’ అనేసి అక్కడి నుంచి వెళ్లిపోతాడు మధు. రగిలిపోతారు ఆంటీలు. ఇక వచ్చినవారికి సంగీత జ్యూసులు ఇస్తుంటే.. వెనుకే తిరుగుతూ ఉంటాడు మధు. రజినీ మాత్రం రగిలిపోతూ.. ఇద్దరూ కలిసి ఉండద్దు అని తిట్టి మధుని పంపేస్తుంది. ‘ఈ అత్తను లేకుండా చెయ్యాలి’ అని తిట్టుకుంటూ మధు వెళ్లిపోతాడు. ఇక మొత్తానికీ సుచిత్ర ఆంటీ.. వెటకారంగా.. అలేఖ్య రాదు అని అన్నప్పటికే అదే నిజం కాబోతుంది. ఎందుకంటే..

సంగీత కూడా ఆ ఇంటి కోడలే అని మాట..

అలేఖ్య పాత్రలో నటించే నటి.. ఇప్పుడు సీరియల్‌లో చాలా కాలంగా కనిపించడంలేదు. మరోవైపు భవానీ దేవి.. రజినీకి సంగీతను ఈ ఇంటి కోడల్ని చేస్తాను అని మాట ఇచ్చినంత పని చేసింది గతంలో. ఈ క్రమంలోనే సంగీత ఈ ఇంటి కోడలు అవ్వడం పక్కానే. అయితే ఆదర్శ్ భార్యగా కాదు.. మధు రెండో భార్యగా. పైగా మధు, సంగీతలు బాగా కనెక్ట్ అయిపోతారు. రజినీ ఇద్దరినీ తిట్టినప్పుడు కూడా ఇద్దరూ మిస్సింగ్ ఫీల్‌తో బాధపడుతున్నారు. ఇక మధు, సంగీతల పెళ్లి పక్కా అని మాట. అలేఖ్యతో మధుకు విడాకులు కూడా పక్కానే. ఇది ఇలా ఉండగా.. ఇంట్లో ఫంక్షన్ ఘనంగా జరుగుతుంటే.. మురారీ, కృష్ణలు మామిడికాయల బుట్ట పట్టుకుని ఇంటికి రావడమే హైలైట్‌గా నిలిచింది. మరిన్ని వివరాలు తరువాయి భాగంలో చూద్దాం.