KRISHNA MUKUNDA MURARI TODAY మే 02 ఎపిసోడ్: ‘నువ్వే ఆ పని చేశావ్ కదా ముకుందా?’ సూటిగా నిలదీసిన మురారీ.. వాటే ట్విస్ట్..

Krishna Mukunda Murari 2024 May 02 Episode: కృష్ణ సత్తా మరోసారి బయటపడింది. తన తెలివితో మురారీలో ముకుందపై అనుమానం.. ముకుంద కుట్రలపై నమ్మకం కలిగించగలిగింది. ఇప్పుడు  వివరాలు చూద్దాం. (photo courtesy by star maa and disney+ hotstar)

Krishna Mukunda Murari May 02 Episode: మీ కష్టం నాకు తెలుసు.. మీకు మీ కుటుంబం మీద ఎంత బాధ్యత ఉందో.. నాకు అంతే బాధ్యత ఉంది మురారీ గారు. మీరు కృష్ణను ఒప్పించి సరోగసికి ప్లాన్ చేయండి. ఈ నిజం మాత్రం నేను ఎవ్వరికీ చెప్పను’ అంటూ మురారీతో మాట్లాడిన ముకుంద.. తన ఆట మొదలెట్టింది. డాక్టర్ వైదేహి అంటే.. కొన్ని రోజుల ముందు కృష్ణ గర్భసంచి పోవడానికి టాబ్లెట్స్ ఇచ్చిన డాక్టర్‌తోనే కలిసి.. మురారీ, కృష్ణలు.. ఇప్పుడు సరోగసి ప్లాన్ చేసేలా కుట్ర చేసింది ముకుంద. ఈ క్రమంలోనే పెద్ద కథే అల్లింది. ‘సరోగసి మదర్(అద్దెగర్భం ఇచ్చే అమ్మాయి) దొరకగానే.. మీకు సమాచారం ఇస్తాం.. ప్రోసెస్ స్టార్ట్ చేద్దాం. అంతే కానీ ఇవన్నీ రహస్యంగా ఉండాల్సిన విషయాలు. డాక్టర్‌గా మీకు కూడా ఈ విషయం తెలుసు కదా కృష్ణ.. నా ప్రయత్నం నేను చేస్తాను.. ఒక అమ్మాయి మరో జంట కోసం వెతికి పెట్టాం. తను ఒప్పుకుంటే మీకు సరోగసి ఈజీ అవుతుంది.. సరేనా’ అంటూ వైదేహితో కృష్ణ వాళ్లకు చెప్పిస్తుంది ముకుంద.అల్లాడిన మురారీ, కృష్ణ..

ఇక మురారీ కూడా మీరాను నమ్ముతాడు. ఇటు కృష్ణ, మురారీ ఇద్దరూ వైదేహిని నమ్ముతారు. ఈ క్రమంలోనే ఇంటికి వచ్చేసరికి.. భవానీ దేవి.. ‘కృష్ణ తల్లి కాబోతుంది అని ఫిక్స్ అయ్యి.. ఫంక్షన్ ఏర్పాటు చేసిన సంగతి తెలిసిందే కదా.. ఇక ఇంట్లో మురారీ, కృష్ణలు నిజం చెప్పలేక అల్లాడిపోతుంటే.. మీరా కృష్ణ పరిస్థితి చూసి నవ్వుకుంటుంది. ఆదర్శ్ మాత్రం తెగ రగిలిపోతూ ఉంటాడు. మురారీ కంగారు పడుతూనే ఉంటాడు. అయితే సంగీత, మధు, రేవతీ అంతా కలిసి డాన్స్‌లవీ చేస్తూ ఉంటారు. మురారీ, కృష్ణలు మాత్రం నిస్సహాయంగా బాధపడుతూ ఉంటారు.

నా మురారీ సంతోషంగా లేకపోతే.. నేను చూడలేను..

అంతా డాన్స్‌లు చేస్తూ ఉంటే.. భవానీ దేవి.. మిగిలిన వాళ్లు ఆ వేడుక చూస్తూ ఉంటారు. అప్పుడే మీరా మనసులో.. ‘మురారీ నాకు తెలుసు నీ పరిస్థితి. కానీ నా మురారీ ఆనందంగా లేకుండా వీళ్లు ఎవ్వరూ ఆనందంగా ఉండటానికి వీల్లేదు.. వెంటనే చెడగొట్టాలి’ అనుకుంటూ పక్కకు వెళ్లి.. ఫోన్ చేసి ఎవరితోనో ఏదో మాట్లాడుతుంది. అలా మాట్లాడిన అరగంటలకు.. ఒక అమ్మాయి వచ్చి.. ‘ఇక్కడ సరోగసి మదర్ కావాలని అన్నారట.. ఎవరు మేడమ్’ అంటుంది. ఇక బిత్తరపోయిన మురారీ, కృష్ణలు టెన్షన్ పడిపోతుంటే.. మీరా కాసేపు వేడుక చూసి.. తర్వాత తను ఇన్వాల్వ్ అవుతుంది.

ఆదర్శ్‌లో ఆనందం.. అనుమానం..

ఆ అమ్మాయి రాగానే.. ‘నీ కోడలు పిల్లలు పెట్టక.. సరోగసి కోసం ప్రయత్నిస్తోంది కాబోలు భవానీ’ అంటూ భవానీ స్నేహితులు సరస్వతి, సుచిత్రలు భవానీతో అవమానకరంగా మాట్లాడేసరికి.. కృష్ణ అల్లాడిపోతుంది. అది చూసి ఆదర్శ్ సంబరంగా చూస్తాడు. ఇక మీరా కోపంగా.. ‘మీరుంతా ఆపుతారా.. అమ్మాయి నువ్వు ఏ అడ్రస్‌కి వచ్చావ్ ఇటు ఇవ్వు’ అంటూ నాటకం స్టార్ట్ చేస్తుంది. ‘ఇది రాంగ్ అడ్రస్ మేడమ్.. తను తప్పు అడ్రస్‌కి వచ్చింది’ అంటూ కవర్ చేసి.. ఆ అమ్మాయిని పంపించేస్తుంది. కృష్ణ వెంటనే టెన్షన్‌తో అదే కూర్చీలో కూలబడిపోతుంది. మురారీ ఓదార్పుగా చూస్తాడు.

శాంతించిన భవానీ దేవి..

భవానీ దేవితో సహా అంతా ఆ అమ్మాయి వెళ్లిపోవడంతో హ్యాపీగా ఫీల్ అవుతారు. ‘విన్నారా నా కోడలు కడుపుతో ఉన్న మాట వాస్తవం. ఆ అమ్మాయి ఎవరో తప్పు అడ్రస్‌కి వచ్చిందట’ అంటూ సరస్వతి, సుచిత్రలకు గుచ్చి గుచ్చి చెప్పిన భవానీ దేవి.. కోడలు కృష్ణను మరోసారి ముద్దాడి ప్రేమగా చూసుకుంటుంది. ఆ ప్రేమను తట్టుకోలేక కృష్ణ విలవిలాడిపోతుంది. సీన్ కట్ చేస్తే.. కృష్ణ, మురారీ జరిగిన దాని గురించి ఆలోచిస్తూ ఉంటారు. ‘ఏసీపీ సార్.. డాక్టర్ వైదేహి మనసుతో ఏం చెప్పింది. అద్దెగర్భం ఇచ్చే అమ్మాయి రహస్యంగా ఉండాలి. అది మేము బయటకు చెప్పం అని చెప్పింది కదా?’ అంటుంది కృష్ణ.

కృష్ణా మజాకా.. ‘సరిగ్గా ఆలోచించండి ఏసీపీ సార్’

ఇక కృష్ణ లాగే లాజిక్ పాయింట్స్‌కి మురారీ కనెక్ట్ అవుతాడు. ‘సరిగ్గా ఆలోచిస్తే ఇది ఎవరో కావాలనే చేసినట్లు ఉంది ఏసీపీ సార్.. మన కుటుంబం మీద పగ ఉన్నవారు. మనల్ని ఇబ్బంది పెట్టాలనుకునేవారు.. అలాగే మనం సరోగసికి ప్రయత్నిస్తున్నాం అని తెలిసి వాళ్లే ఈ పని చెయ్యగలరు. అయినా ఈ విషయం తెలిసింది కేవలం మీరు నేను వైదేహి డాక్టర్ అంతే కదా? అద్దె గర్శం ఇచ్చే అమ్మాయి రహస్యంగా ఉండటం అంటే.. అది అందరి విషయంలోనూ అవ్వాలి కదా.. అడ్రస్ పట్టుకుని రావడం ఏంటీ?

నువ్వే కదా ఆ పని చేసింది?

అసలు మనం అయితే ఎవరికీ చెప్పలేదు. కానీ వైదేహి చెప్పే అవకాశం ఉండి ఉంటుందా? అయినా ఆమెకు మన కుటుంబ వివరాలు సరిగా తెలియదు కదా? మన శత్రువులే వైదేహి ద్వారా నిజం తెలుసుకుని ఇలా చేసి ఉంటారేమో ఏసీపీ సార్ అంటూ కృష్ణ మురారీకి చెబుతూ ఉంటుంది. దాంతో మీరా గుర్తొస్తుంది మురారీకి. కృష్ణ కంగారుపడుతుందనే ఉద్దేశంతోనే మీరాకు నిజం తెలుసన్న విషయం కృష్ణతో చెప్పు మురారీ. ఇక కమింగ్ అప్‌లో మురారీ.. మీరాతో మాట్లాడాలని రమ్మంటాడు. ‘నిజం చెప్పు ముకుందా.. సరోగసి విషయం ఆ అమ్మాయికి నువ్వే చెప్పి రప్పించావ్ కదా?’ అని సూటిగా నిలదీస్తాడు. బిత్తరపోతుంది ముకుంద. అవును అంటూ కొత్త కథను అల్లుతుందా? కాదు అంటూ తప్పించుకుంటుందా? చూడాలి మరి.