Krishna Mukunda Murari May 07 Episode: మురారీకి మీరా ఒట్టు పెట్టి మరీ.. నిజం చెబుతుంది. ‘నేనే మీ బిడ్డను మోసేది. మీ బిడ్డ కృష్ణ కడుపులో పెరిగినా, నా కడుపులో పెరిగినా ఒక్కటే.. పైగా నేను మీ కుటుంబానికి ఎంతో రుణపడ్డాను. ఆ కృతజ్ఞతతోనే ఇదంతా చేశాను’ అంటూ చెబుతుంది. అలాగే మురారీ నుంచి స్పెషల్ కేరింగ్ని ఆశిస్తూ ఉంటుంది. ఇదంతా ఆసుపత్రిలో చెబుతుంది కాబట్టి.. ఆసుపత్రి నుంచి ఇంటికి కారులో ఎక్కించుకుని బయలుదేరతాడు మురారీ మీరాను. దాంతో మీరా అలియాస్ ముకుంద మాత్రం.. మురారీ పక్కనే కారులో కూర్చున్నందుకు పొంగిపోతూ.. మురిసిపోతూ ఉంటుంది. ‘ఇప్పుడు మురారీ బిడ్డకు తల్లిని అయ్యాను.. రేపు మురారీకి భార్యను కూడా అవుతాను’ అని తనలో తానే రాక్షసానందం పొందుతుంది.కృష్ణకు నిజం చెప్పిన రజినీ..
కృష్ణతో మాట కలిపిన రజినీ.. ‘ఆదర్శ్తో సంగీత పెళ్లి చేస్తానని మీరా మాటిచ్చినట్లుగా చెబుతుంది. అయితే ఆదర్శ్తో కావాలనే రాసుకుని పూసుకుని తిరుగుతోంది. అలా అయితే ఆదర్శ్ ఇంకెప్పుడు నా కూతుర్ని పెళ్లి చేసుకుంటాడు? ఈ విషయంలో నువ్వే నాకు సాయం చెయ్ కృష్ణా’ అంటూ రజినీ.. కృష్ణతో రిక్వస్ట్గా మాట్లాడుతుంది. అయితే రజినీ చెప్పిన మాటల్లో మీరా మీద అనుమానం మొదలవుతుంది కృష్ణకు. ‘అమ్మో మీరా చాలా ప్రమాదం అని మాట. అసలు తను డబుల్ గేమ్ ఎందుకు ఆడుతుంది?’ అని ఆలోచనలో పడుతుంది. రజినీకి మాటిచ్చి సాగనంపి అదే ఆలోచిస్తూ ఉంటుంది.
మీరా గురించి మధు కూడా అదే మాట..
ఇక మధు.. సంగీతతో మాట కలిపినప్పుడు.. మీరా రజినీకి ఇచ్చిన మాట గురించి తెలుసుకుంటాడు. ‘మా అమ్మకు ఆ మీరా.. నాకు ఆదర్శ్తో పెళ్లి చేస్తానని మాట ఇచ్చింది. కానీ తను మాత్రం ఆదర్శ్ బావతో చాలా సన్నిహితంగా ఉంటోంది చూశావా మధు బావా?’ అంటూ తనకు తెలిసిన నిజం చెబుతుంది. దాంతో మధు వచ్చి.. బయట మురారీ కోసం ఎదురు చూస్తున్న కృష్ణతో ఆ విషయం చెబుతాడు. దాంతో మీరా మీద మరింత కోపంగా అసహ్యం పెంచుకుంటుంది కృష్ణ. సరిగ్గా అప్పుడే రేవతి బయటికి వస్తుంది మధు లోపలికి వెళ్తాడు.
డాక్టర్ అమృత ఎంట్రీతో టెన్షన్..
ఇక రేవతి, కృష్ణ బయట ఉండగానే.. మీరా, మురారీలు వస్తారు. మురారీ కారులోంచి మీరా రావడంతో కాస్త కోపంగా చూస్తాడు రేవతి, కృష్ణలు. ‘కడుపుతో ఉన్నదాన్ని క్యాబ్లో పంపించి.. ఏం లేని దాన్ని కారులో తీసుకొచ్చేవేంట్రా?’ అని రేవతి.. మురారీని తిడుతుంది కూడా. ‘దారిలో కనిపిస్తే తీసుకొచ్చానమ్మా’ అంటూ మురారీ కవర్ చేస్తాడు. ఇక సీన్ కట్ చేస్తే భవానీ దేవి స్నేహితురాలు డాక్టర్ అమృత ఇంటికి వస్తుంది. ‘మా కోడలు కృష్ణ కడుపుతో తనను చెక్ చేసి ఎలా ఉందో చెప్పు’ అంటూ అమృతతో భవానీ దేవి అనడంతో అంతా బిత్తరపోతాడు. అక్కడితోనే నేటి కథనం ముగిసింది. అయితే..
మురారీ టెన్షన్..
అయితే అమృత రాకముందే.. మురారీ.. కృష్ణతో మాట్లాడి.. మీరానే ఆ సరోగసి మదర్ అని చెప్పాలనుకుంటాడు. కానీ మీరా మంచిది కాదు.. తనతో కాస్త దూరంగా ఉండండి.. కారులో లిఫ్ట్లు అవీ ఇవ్వకండి అంటూ ఇన్ డైరెక్ట్గా మీరా మీదున్న కోపాన్ని మురారీ ముందు బయటపెడుతుంది కృష్ణ. దాంతో మురారీ నిజం చెప్పకుండా ఆగిపోతాడు. ‘మీరా చేసిన త్యాగం తెలిస్తే నువ్వు ఎలా స్పందిస్తావో.. మీరా మీద కోపంతో ఆ బిడ్డ వద్దు అని నువ్వు అంటే.. పెద్దమ్మకు ఏం చెప్పగలం’ అని మనసులోనే మథనపడతాడు ముారరీ. మరిన్ని వివరాలు తరువాయి భాగంలో చూద్దాం.