NAGA PANCHAMI TODAY: ‘నీ బిడ్డను నేను నాగలోకం ఎత్తుకుపోతా’ నిజం చెప్పిన నాగేశ్వరి.. జ్వాలలో గరుడ శక్తి

Naga Panchami 2024 May 03 Episode: పంచమిని వైదేహి.. ప్రాణంగా చూసుకుంటున్నట్లు.. తినిపించి ముద్దులు ఆడుతున్నట్లుగా ఊహించుకుంటాడు మోక్ష. ఇక డాక్టర్‌ని కలిసిన మోక్ష.. ‘మాకు ఇక పిల్లలు పుట్టే అవకాశం లేదు.. దయచేసి ఈ బిడ్డను తీయ్యొద్దు మేడమ్.. బిడ్డ రూపం మారడానికి ఏదైనా మార్గం చూపించండి అంటూ మోక్ష.. డాక్టర్‌ని వేడుకుంటాడు. ‘మనకు ఇంకా టైమ్ ఉంది మోక్షా.. మీరు ఆలోచించుకోండి. లక్కీగా రూపం మారితే అబార్షన్ చేయించుకోవాల్సిన పనిలేదు.. కానీ ఏదో అర్థం కాని రూపంలో ఉంది బిడ్డ.. అందుకే అబార్షన్ సూచించాం’ అంటుంది డాక్టర్.

ఇక సీన్ కట్ చేస్తే.. వైదేహి, రఘు ఇద్దరూ కంగారుగా బయటికి చూస్తూ ఉంటారు. ‘ఈ రోజు మన ఇంటికి మహా సిద్ధులు వస్తున్నారు. ఆయనకు జాతకాల మీద.. పరిస్థితుల మీద మంచి అవకాశంగా ఉంది. అతడు ఇంట్ల ోపరిస్థితులకు కారణం ఎవ్వరూ తేల్చి చెబితే.. పంచమి నువ్వు బిడ్డ విషయంలో మోక్షను ఒప్పించాలి సరేనా’ అంటూ రిక్వస్ట్ చేస్తున్నట్లుగా మాట్లాడుతుంది. ‘నేను నా భర్త మాటను జవదాటలేను అత్తయ్యా అంటుంది పంచమి. ఇంతలో ఆ మహా సిద్ధులు ఇంటికి వస్తారు. ఆయనకు నమస్కరించి.. రఘు, వైదేహీలు లోపలికి పిలుస్తారు. అతడు కాలు పెడుతున్న సమయంలోనే పంచమి కడుపులో పాము.. జ్వాల కడుపులో గరుడ ఉందని గుర్తిస్తాడు.

లోపలికి రాగానే ‘ఈ ఇంట్లో ఇద్దరు తల్లులు కాబోతున్నారు. వారిద్దరూ ఒకరి ముఖాలు ఒకరు చూసుకోకపోవడం మంచిది’అంటాడు. ‘ఇద్దరూ కాదు గురువుగారు ఒక్కరే.. అది తనే’అంటూ పంచమిని చూపిస్తుంది వైదేహి. వెంటనే ఆ గురువు.. ‘లేదమ్మా.. ఈ అమ్మాయి కూడా గర్భవతే’ అంటూ జ్వాలను చూపిస్తాడు. బిత్తరపోతుంది జ్వాల. అంతా అయోమయంలో ఉంటారు. కానీ ఆ గురువు మాత్రం.. ‘ఈ ఇద్దరూ గర్భవతులు కలిసి ఒకే ఇంట్లో ఉండటం మంచిది మాత్రం కాదు.. ఇంట్లో జరిగే విరుద్ద కార్యాలకు కారణం ఆ పుట్టబోయే పిల్లలే’ అంటూ తేల్చేసి.. జాగ్రత్తలు చెప్పి వెళ్లిపోతాడు.

ఇక కాసేపటికి కరాళి.. తన మంత్ర శక్తితో గరుడ శక్తిని జ్వాలలో ప్రవేశపెడుతుంది. వెంటనే జ్వాల రగిలిపోతూ.. పంచమి ముందుకు వెళ్తుంది. ఆ సమయంలో అక్కడ ఇంకెవ్వరూ ఉండదు. జ్వాల రగిలిపోతూ పంచమి మీద దాడికి సిద్ధమవుతుంది. కమింగ్ అప్‌లో.. పంచమి దేనికో.. ఎవరికో భయపడుతూ పరుగులు తీస్తున్నట్లుగా.. అడవిలో పరుగుతీస్తుంది. ఎదురుగా నాేగశ్వరి పాము రూపంలోంచి మనిషిగా మారుతుంది. ‘నేను వచ్చింది నీ రక్షణకు కాదు పంచమి.. నీ కడుపులో పెరిగే మా నాగలోక మహారాణి రక్షణకు.. నీ కన్నతల్లి.. నాగదేవతకు మాటిచ్చిందట.. తనని రక్షించి.. పుట్టగానే నాతో పాటు తీసుకుని వెళ్లిపోతాను’ అంటుంది నాగేశ్వరి. బిత్తరపోయిన పంచమి.. ఆవేశంగా పక్కనే పడి ఉన్న పెద్ద కర్రను అందుకుని.. ‘నిన్ను చంపేస్తాను’ అంటూ నాగేశ్వరి మీద దాడి చేయబోతుంది. మరిన్ని వివరాలు తరువాయి భాగంలో చూద్దాం.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-04T06:07:16Z dg43tfdfdgfd