ROCKING RAKESH: రాకింగ్ రాకేష్‌పై జనసైనికులు ఎటాక్.. దెబ్బకి వీడియో డిలీట్.. కెరియర్ లేకుండా చేస్తారనే భయమేనా?
పవన్ కళ్యాణ్ గెలుపు కోసం జబర్దస్త్ కమెడియన్లు మొత్తం పిఠాపురంలో మకాం పెట్టారు. మెగా హీరోలతో పాటు.. మెగా దర్శకులు.. జబర్దస్త్ కమెడియన్లు.. టీవీ ఆర్టిస్ట్‌లు.. క్యారెక్టర్ ఆర్టిస్ట్‌లు ఇలా చాలామంది పవన్ కళ్యాణ్‌ని గెలిపించడం కోసం పిఠాపురంలో ఇంటింటి ప్రచారం చేస్తున్నారు. నాగబాబు, హైపర్ ఆది, గెటప్ శ్రీను, సుడిగాలి సుధీర్, రాకెట్ రాఘవ, ఆటో రాం ప్రసాద్‌తో డజన్ల కొద్దీ జబర్దస్త్ కమెడియన్లు పవన్ కళ్యాణ్ గెలుపు కోసం కృషి చేస్తున్నారు. అయితే జబర్దస్త్ కమెడియన్లకు నాగబాబు ఎంతో.. మినిస్టర్ రోజా అంటే కూడా అంతే ప్రాధాన్యత ఇచ్చేవారు మొన్నటి వరకూ. ఎందుకంటే.. జబర్దస్త్‌తో వాళ్లకి అంత పేరు వచ్చిందంటే.. నాగబాబుతో పాటు రోజా ప్రోత్సాహం కూడా ఉందని అనేక సందర్భాల్లో జబర్దస్త్ కమెడియన్లు చెప్పుకొచ్చిన మాట ఇది.
అయితే ఎన్నికల రణరంగంలో.. ఈ జబర్దస్త్ కమెడిన్లు రంగంలోకి దిగి.. పవన్ కళ్యాణ్‌కి సపోర్ట్ చేస్తుండగా.. తన మద్దతు మాత్రం రోజాకే అంటూ గ్రౌండ్ లెవర్‌లో అసలు ఓటరు నాడి ఎలా ఉందన్నదానిపై ఓ వీడియో విడుదల చేశాడు జబర్దస్త్ కమెడియన్ రాకింగ్ రాకేష్.
మంత్రి రోజా పోటీ చేస్తున్న నగరిలో పర్యటించిన రాకింగ్ రాకేష్ కారులో వెళ్తూ ఓ ముసలి అవ్వని పలకరిస్తూ.. ‘ఎవరికి ఓటు వేస్తావ్’ అని అడిగారు. ఆమె ఇంకెవరికి మాకు మంచి చేసే జగన్‌కే అని సమాధానం చెప్తూ.. ఎందుకు జగన్‌కి ఓటు వేస్తుందో కూడా చెప్పుకొచ్చింది.
రాకింగ్ రాకేష్: ఓటు ఎవరికి ఏస్తున్నావ్??
ముసలి అవ్వ: ఇంకెవరికి వేస్తాను జగన్‌కి. మా ఇళ్లకి వచ్చి ఫించన్లు ఇస్తున్నారు.. ఇంటికి వచ్చి రేషన్ ఇస్తున్నాడు. జగన్‌కి వేసినా.. రోజమ్మకి వేసినా ఒకటే కదా. మా మనిషిని ఎందుకు పోగొట్టుకుంటాం. నా ఫ్యామిలీలో 15 ఓట్లు ఉన్నాయి. ఆ 15 ఓట్లు జగన్‌కే వస్తాం’ అని చెప్పింది నగరిలోని ముసలి అవ్వ.
దీంతో ముసలి అవ్వ చెప్పింది మొత్తం రికార్డ్ చేసిన రాకింగ్ రాకేష్.. ఈ వీడియోను తన ఇన్‌స్టాగ్రామ్‌లో షేర్ చేస్తూ.. ‘ఇది నిజం’ అని కామెంట్‌ని జత చేశాడు రాకింగ్ రాకేష్. అయితే ఈ వీడియోపై పవన్ కళ్యాణ్ అభిమానులు ఎప్పటిలాగే తమదైన శైలిలో స్పందిస్తూ బూతులు తిడుతుండగా.. వార్నింగ్‌లు ఇస్తున్నారు. నీ కెరియర్ క్లోజ్ అంటూ హెచ్చరికలు జారీ చేస్తూ బండ బూతులు తిడుతున్నారు. ఇక వైసీపీ అభిమానులు మాత్రం.. రియాలిటీ ఏంటో చూపించినందుకు థాంక్స్ అంటూ వీడియోను షేర్ చేస్తున్నారు. కాగా జబర్దస్త్ కమెడియన్లు మాత్రం.. రాజకీయం వేరు.. సినిమాలు వేరు.. టీవీ షోలు వేరు.. ఎవరి అభిమానం వాళ్లది. దయచేసి కెరియర్‌ని పాలిటిక్స్‌తో లింక్ చేసి చూడొద్దని దేని దారి దానిదే అని అంటున్నారు.
అయితే ఈ వీడియో బాగా వైరల్ కావడంతో.. రాకింగ్ రాకేష్ హాట్ టాపిక్ అయ్యాడు. అయితే కొన్ని గంటల వ్యవధిలోనే వీడియోను తన ఇన్‌స్టాగ్రామ్‌ నుంచి డిలీట్ చేసేశాడు రాకింగ్ రాకేష్. మెగా ఫ్యాన్స్ ఎటాక్ చేయడంతో పాటు.. జనసైనికులు ఆగ్రహించడంతోనే ఈ వీడియోను డిలీట్ చేశాడా? లేదంటే పవన్‌కి వ్యతిరేకంగా పనిచేస్తే తనకి ఇండస్ట్రీలో అవకాశం లేకుండా చేస్తారన్న భయంతో డిలీట్ చేశాడో తెలియదు కానీ.. మొత్తానికి అయితే రాకింగ్ రాకేష్ వీడియోను అయితే డిలీట్ చేసేశాడు.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-06T11:45:48Z dg43tfdfdgfd