HANUMAN JAYANTI 2024 హనుమాన్ జయంతి వేళ గజలక్ష్మీ రాజయోగం.. ఈ 6 రాశులకు రెట్టింపు లాభాలు..!

Hanuman Jayanti 2024 జ్యోతిష్యం ప్రకారం, ఈసారి హనుమాన్ జయంతి వేళ కుజుడు కుంభ రాశి నుంచి మీనరాశిలోకి ప్రవేశించనున్నాడు. ఈ సమయంలో కొన్ని రాశుల వారికి అద్భుత ప్రయోజనాలు కలగనున్నాయి. ఈ జాబితాలో మీ రాశి కూడా ఉందేమో చూడండి...

Hanuman Jayanti 2024 హనుమాన్ జయంతి వేళ ఆంజనేయుడిని పూజించడం వల్ల సకల పాపాలు తొలగిపోతాయని చాలా మంది నమ్ముతారు. హిందూ పురాణాల ప్రకారం, హనుమంతుడు జన్మించిన రోజునే హనుమాన్ జయంతిని జరుపుకుంటారు. ఈసారి ప్రత్యేకత ఏంటంటే.. మంగళవారం రోజున హనుమాన్ జయంతి వచ్చింది. ఇదిలా ఉండగా.. జ్యోతిష్యం ప్రకారం ఈసారి హనుమాన్ జయంతి వేళ గురు, శుక్ర గ్రహాల కలయిక కూడా జరగనుంది. ఈ సమయంలో గజలక్ష్మీ రాజయోగం ఏర్పడనుంది. ఇంకోవైపు మీనరాశిలో కుజుడు సంచారం చేయనున్నాడు. రాహువుతో కలయిక జరపనున్నాడు. ఈ సమయంలో ద్వాదశ రాశులలో హనుమంతుడితో పాటు లక్ష్మీదేవి ఆశీస్సులు కూడా లభించనున్నాయి. ఈ సందర్భంగా ఆ రాశులేవో ఇప్పుడు తెలుసుకుందాం...మేష రాశి(Aries)..

ఈ రాశి వారికి హనుమాన్ జయంతి నుంచి శుభ ఫలితాలు రానున్నాయి. లక్ష్మీదేవి అనుగ్రహంతో ఆర్థిక పరంగా అద్భుతమైన ప్రయోజనాలు పొందనున్నారు. హనుమంతుడి ఆశీస్సులతో మీ భయాలన్నీ తొలగిపోయి ఆనందంగా ఉంటారు. మీ కెరీర్లో గొప్ప పురోగతిని సాధిస్తారు. వ్యాపారులు ఆశించిన మేరకే లాభాలను పొందే అవకాశం ఉంది.​Hanuman Jayanti 2024 హనుమాన్ జయంతి వేళ మీ రాశి ప్రకారం, ఈ మంత్రాలను పఠిస్తే కష్టాలన్నీ తొలగిపోతాయట..!​

మిధున రాశి(Gemini)..

ఈ రాశి వారు హనుమంతుడి ఆశీస్సులతో అద్భుతమైన ప్రయోజనాలు పొందుతారు. అంతేకాదు లక్ష్మీదేవి ఆశీస్సులతో మీ ఆదాయం కూడా పెరుగుతుంది. మీ ఇంట్లో ఆనందం, శాంతి ఉంటుంది. కెరీర్ పరంగా మీరు మంచి విజయాలు సాధించొచ్చు. మీరు ప్రగతి పథంలో ముందుకు సాగుతారు. పాత చట్టపరమైన వివాదాలు పరిష్కారం కావొచ్చు.

కర్కాటక రాశి(Cancer)..

ఈ రాశి వారికి హనుమాన్ జయంతి వేళ శుభప్రదంగా ఉంటుంది. ఈరోజున మీరు చేసే ప్రతి పనిలోనూ విజయం సాధిస్తారు. హనుమంతుడు జన్మించిన వేళ కొత్త పనులు ప్రారంభించడం వల్ల అద్భుతమైన విజయాలు లభిస్తాయని చాలా మంది నమ్ముతారు. అయితే ఈరోజు ఏదైనా కొత్త పని ప్రారంభించే ముందు పెద్దల సలహా తీసుకోవాలి. ఉత్సాహంతో తప్పుడు నిర్ణయాలు తీసుకోకండి.

కన్య రాశి(Virgo)..

ఈ రాశి వారు హనుమాన్ జయంతి వేళ గజలక్ష్మీ రాజయోగం వల్ల అన్ని రంగాల్లో విజయం సాధిస్తారు. ఈ కాలంలో మీ ధైర్యం బాగా పెరుగుతుంది. మీ జీవితంలో నిర్ణయాలన్నీ చాలా ధైర్యంగా తీసుకుంటారు. కెరీర్ పరంగా మీకు పురోగతి లభిస్తుంది. మీకు వచ్చే అడ్డంకులన్నీ తొలగిపోతాయి. అనేక రంగాల్లో అద్భుత విజయాలను సాధిస్తారు.

వృశ్చిక రాశి(Scorpio)..

ఈ రాశి వారు హనుమాన్ జయంతి నుంచి శుభ ఫలితాలను పొందుతారు. ఈ రాశి వారికి అంగారకుడు అధిపతిగా ఉంటాడు. ఇదే రోజున కుజుడు కుంభం నుంచి మీనంలోకి ప్రవేశించనున్నాడు. ఈ సమయంలో మీ ఆదాయం రెట్టింపు అయ్యే అవకాశం ఉంది. కొత్త ఇల్లు, కొత్త వాహనం కొనేందుకు మంచి అవకాశాలొస్తాయి.

కుంభ రాశి(Aquarius)..

ఈ రాశి వారు హనుమాన్ జయంతి వేళ ఏర్పడే రాజయోగం వల్ల అద్భుతమైన ప్రయోజనాలు పొందనున్నారు. నిరుద్యోగులకు కొత్త ఉద్యోగ ప్రతిపాదనలు రావొచ్చు. మీరు కొన్ని కొత్త పనులు ప్రారంభించొచ్చు. వ్యాపారులకు మంచి లాభాలొస్తాయి. ఈ సమయంలో మీకు అనేక రంగాల్లో సానుకూల ఫలితాలొస్తాయి. మీ వైవాహిక జీవితంలో సంతోషంగా ఉంటుంది. మీ భాగస్వామిని గౌరవించాలి. మీ కుటుంబ జీవితంలో సానుకూల వాతావరణం ఉంటుంది. గమనిక : ఇక్కడ అందించిన జ్యోతిష్య సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.Read Latest Astrology News and Telugu News