AGENT: ఏజెంట్ సినిమాకి ఏడాది.. ఇంకా ఓటీటీకి రాని అయ్యగారు

అఖిల్ అక్కినేని, సురేందర్ రెడ్డి కాంబోలో వచ్చిన స్పై యాక్షన్ డ్రామా 'ఏజెంట్‌' బాక్సాఫీస్ దగ్గర డిజాస్టర్ అయిన సంగతి తెలిసిందే. భారీ అంచనాల మధ్య రిలీజైన ఈ చిత్రం ఆడియన్స్‌ను ఆకట్టుకోలేకపోయింది. నేటితో ఈ సినిమా వచ్చి సరిగ్గా ఏడాది పూర్తవుతుంది. కానీ ఇప్పటికీ ఏజెంట్ సినిమా ఓటీటీలోకి రాకపోవడం ఆశ్చర్యకరమైన విషయం.

ఇదేనా రీజన్

మొదట్లో మే 19, 2023న ఈ చిత్రాన్ని ఓటీటీలో రిలీజ్ చేస్తున్నట్లుగా Sony LIV ప్రకటించింది. కానీ ఆ తర్వాత సెప్టెంబర్ 29, 2023కి స్ట్రీమింగ్‌ను వాయిదా వేసింది. కానీ అప్పుడు కూడా ఓటీటీలో రిలీజ్ కాలేదు. దీంతో నెమ్మదిగా ఆడియన్స్‌కి కూడా విసుగొచ్చి దీని గురించి పట్టించుకోవడమే మానేశారు.

వైజాగ్ డిస్ట్రిబ్యూటర్- నిర్మాత మధ్య కొనసాగుతున్న వివాదమే ఓటీటీ ఆలస్యానికి కారణమని తెలుస్తోంది. ఈ వివాదం ప్రస్తుతం కోర్టులో నడుస్తోంది. అది పూర్తయ్యే వరకూ ఏజెంట్ ఓటీటీలోకి వచ్చే అవకాశమే లేదు. మమ్ముట్టి, సాక్షి వైద్య, డినో మోరియాతో సహా ఈ చిత్రంలో స్టార్ క్యాస్టింగ్ ఉంది. వక్కంతం వంశీ ఈ కథను రాశారు. రామబ్రహ్మం సుంకర చిత్రాన్ని నిర్మించారు. హిప్ హాప్ తమిజా ఈ సినిమాకి మ్యూజిక్ అందించారు.

ఆ సినిమాకేనా?

ఇక తాజాగా అఖిల్ తన కుటుంబ సభ్యులతో కలిసి విదేశాలకి వెళ్లి వచ్చాడు. ఏప్రిల్ 8న తన పుట్టిన రోజు వేడుకలను ఫారెన్‌లో చేసుకొని ఇటీవలే హైదరాబాద్‌ చేరుకున్నాడు. అయితే ఎయిర్‌పోర్ట్‌లో పొడవాటి జుట్టు, భారీ గడ్డంతో అఖిల్ కొత్త లుక్‌లో కనిపించడం చూసి ఫ్యాన్స్ అవాక్కయ్యారు. ఈ లుక్ అందరి దృష్టిని ఆకర్షించింది. ఎందుకంటే ఇప్పటి వరకు అఖిల్ ఇలాంటి లుక్‌లో ఎప్పుడూ కనిపించలేదు. అయితే త్వరలో ప్రారంభం కానున్న భారీ బడ్జెట్ పీరియాడిక్ చిత్రం కోసమే అఖిల్ ఇలా లుక్ మార్చి ఉంటాడని ఫ్యాన్స్ అంటున్నారు. ఈ చిత్రంతో అనిల్ కుమార్ దర్శకుడిగా ఎంట్రీ ఇస్తున్నాడు. చేయనున్నారు. UV క్రియేషన్స్ ఈ ప్రాజెక్ట్‌ను నిర్మిస్తుంది. త్వరలోనే దీనిపై అధికారిక ప్రకటన వెలువడనుంది.

ఈ సినిమా యాక్షన్ ఎంటర్‌టైనర్‌‌గా రాబోతుందట. ఈ ప్రాజెక్టును గతేడాదే ప్రారంభించాలని అనుకున్నా వివిధ కారణాల వల్ల ఆలస్యమైంది. అయితే అఖిల్- అనిల్ కుమార్ కలిసి ఈ కథ ఫైనల్ డ్రాఫ్ట్ కోసం పని చేస్తున్నారని సమాచారం. ప్రస్తుతం ఈ మూవీ డైలాగ్ వర్క్ నడుస్తుందట. అఖిల్‌ ఈ సినిమాతో ఖచ్చితంగా హిట్టు కొట్టాలని పని చేస్తున్నాడు. అందుకే స్క్రిప్ట్ వర్క్ అంతా పక్కా అయిన తర్వాతే ఫీల్డ్‌లోకి దిగాలని అఖిల్ భావిస్తున్నట్లు తెలుస్తోంది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-04-28T05:23:59Z dg43tfdfdgfd