ANCHOR SHYAMALA: ఒక పార్టీకి సపోర్ట్ చేసినంత మాత్రాన తొక్కేస్తారా: గెటప్ శీను

జనసేన అధినేత పవన్ కళ్యాణ్ కోసం జబర్దస్త్ నటులు పిఠాపురంలో ముమ్మరంగా ప్రచారం చేస్తున్నారు. ముఖ్యంగా గెటప్ శీను, సుడిగాలి సుధీర్, రామ్ ప్రసాద్ సహా పలువురు కమెడియన్లు ఈ ప్రచారంలో పాల్గొన్నారు. ఇక తాజాగా గెటప్ శీను హీరోగా నటించిన రాజు యాదవ్ సినిమా ట్రైలర్ నేడు లాంఛ్ అయింది. ఈ కార్యక్రమంలో ఆంధ్రప్రదేశ్ రాజకీయాల గురించి మీడియా అడిగిన పలు ప్రశ్నలకి గెటప్ శీను సమాధానమిచ్చాడు.తొక్కేస్తారా?

పవన్ కళ్యాణ్ కోసం పిఠాపురంలో జబర్దస్త్ ఆర్టిస్టులు ప్రచారం చేశారు కదా ఒకవేళ మళ్లీ వైసీపీకే అధికారం వస్తే మీకు ఏమైనా ఇబ్బందులు ఉంటాయా అంటూ గెటప్ శీను ఒక రిపోర్టర్ ప్రశ్నించారు. దీనికి సమాధానమిస్తూ యాంకర్ శ్యామల ఇంటర్వ్యూను ప్రస్తావించాడు శీను. "ఈ మధ్య యాంకర్ శ్యామల గారికి సంబంధించిన ఓ ఇంటర్వ్యూ చూశాను. అందులో ఆమెను ఇలాంటి ప్రశ్నే అడిగారు. ఈరోజు మీరు ఇలా వైసీపీకి ప్రచారం చేయడం వల్ల రేపు మీకు మెగా ఫ్యామిలీకి సంబంధించిన ఆడియో ఫంక్షన్స్ ఏమైనా మీకు ఇవ్వకపోవచ్చేమో అన్న ప్రశ్నకి ఆమె కరెక్ట్‌గా సమాధానమిచ్చారు. ఒక పార్టీకి సపోర్ట్ చేసినంత మాత్రాన వీళ్లని ఆపేద్దాం, తొక్కేద్దాం అనుకోవడం నిజంగా పరిణితి చెందిన ఆలోచన కాదు అనేది నా అభిప్రాయం" అంటూ గెటప్ శీను సమాధానమిచ్చారు.

రోజా కామెంట్లపై

ఇక ఇదే కార్యక్రమంలో ఏపీ మంత్రి రోజా చేసిన కామెంట్లపై కూడా శీను రియాక్ట్ అయ్యాడు. మెగా ఫ్యామిలీకి వ్యతిరేకంగా మాట్లాడితే ఇండస్ట్రీలో లేకుండా చేస్తారనే భయంతోనే వారు ప్రచారం చేస్తున్నారని రోజా చేసిన కామెంట్లకి నవ్వుతూ బదులిచ్చాడు శీను. "మెగా ఫ్యామిలీతో నేను ఎన్ని సినిమాలు చేశానో మీకు తెలుసు. అలానే వెంకటేశ్‌, ఎన్టీఆర్‌, నానిలతోనూ నేను కలిసి నటించా. కనుక ఇతర హీరోల చిత్రాల్లోనూ నాకు ఆఫర్లు వస్తున్నాయి కదా. మేము చిన్నవాళ్లమని మేడమ్ అన్నారు. అలానే ఆవిడ కామెంట్లని కూడా మేము చిన్నగానే చూస్తున్నాం" అంటూ గెటప్ శీను చెప్పాడు.

ఇటీవల జబర్దస్త్ ఆర్టిస్టులు పిఠాపురంలో ప్రచారం చేయడంపై మీ స్పందనేంటి అని మీడియా అడిగిన ప్రశ్నకి రోజా ఇలా అన్నారు. "వాళ్లెంతండీ? వీరితో ఎవరు మాట్లాడిస్తున్నారో వారి గురించి మనం ఆలోచించాలి. వీళ్లంతా చిన్న షోస్‌ చేసుకుంటూ.. చిన్న చిన్న పాత్రలు వేసుకునేవాళ్లు. మెగా ఫ్యామిలీకి వ్యతిరేకంగా మాట్లాడితే ఇండస్ట్రీలో లేకుండా చేస్తారనే భయంతోనే వీళ్లు ఆ కుటుంబంతో ఉన్నారు." అంటూ రోజా కామెంట్ చేశారు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-05T12:22:37Z dg43tfdfdgfd