ANUPAMA: రూటు మార్చేసిన అనుపమ.. ఆ సినిమాలకే ఊ కొడుతున్న బ్యూటీ
'టిల్లు స్క్వేర్' బ్లాక్ బస్టర్ అవ్వడంతో అనుపమ పరమేశ్వరన్ మాములు జోష్‌లో లేదు. సిద్దు జొన్నలగడ్డతో చేసిన ఈ సినిమా ఏకంగా రూ. 130 కోట్లకి పైగా గ్రాస్ వసూళ్లు సాధించింది. బడ్జెట్ లెక్కన చూస్తే ఇటీవలి కాలంలో అత్యంత లాభాలు తెచ్చి పెట్టిన సినిమాల్లో ఒకటిగా టిల్లు స్క్వేర్ నిలిచింది. ఇక ఈ విజయం తర్వాత అనుపమ వరుసగా లేడీ ఓరియెంటెడ్ మూవీస్‌కి సైన్ చేస్తుండటం విశేషం. ఒకసారి అనుపమ లైనప్‌పై ఓ లుక్కేద్దాం.
మూడు ప్రాజెక్టులు
అనుపమ ప్రస్తుతం హనుమాన్ సినిమా డైరెక్టర్ ప్రశాంత్ వర్మతో 'ఆక్టోపస్' చిత్రం చేయబోతుంది. అలానే 'సినిమా బండి' దర్శకుడు ప్రవీణ్ కాండ్రేగులతో 'పరదా' అనే చిత్రాన్ని ఇటీవలే ప్రకటించింది. ఇక లైకా ప్రొడక్షన్స్ బ్యానర్‌పై తమిళ దర్శకుడు ఏఆర్ జీవాతో అనుపమ ఓ సినిమా చేస్తున్నట్లు తెలుస్తోంది. అయితే ఇంట్రెస్టింగ్‌గా ఈ మూడు చిత్రాలు లేడీ ఓరియెంటెడ్ సినిమాలే కావడం విశేషం. ఇలా కెరీర్‌లో ఎప్పుడూ లేనంత కొత్తగా స్క్రిప్ట్, పాత్రలను ఎన్నుకుంటుంది అనుపమ. ఇక వీటితో పాటు తమిళం, మలయాళంలో కూడా మరో రెండు చిత్రాలు అనుపమ చేతిలో ఉన్నాయి. ఇలా మొత్తానికి ఈ ఏడాది ఇప్పటికే అనుపమ నటించిన మూడు చిత్రాలు రిలీజ్ అయ్యాయి. ఏడాది మొదట్లో రవితేజ చేసిన ఈగల్, ఆ తర్వాత జయం రవితో సైరన్, ఇక ఇటీవల టిల్లు స్క్వేర్ ఇలా మూడు సినిమాలు విడుదలయ్యాయి. ఒకప్పుడు అనుష్క, నయనతార వరుసగా లేడీ ఓరియెంటెడ్ చిత్రాల్లో నటించి మెప్పించారు. ఇప్పుడు అనుపమ కూడా అదే రూటులో దూసుకుపోతుంది.
ఆ క్యారెక్టర్లుఇక టిల్లు స్క్వేర్‌లో హద్దులు చెరిపేస్తూ అందాలు ఆరబోసింది ఈ బ్యూటీ. ముఖ్యంగా సిద్ధూతో లిప్‌లాక్, రొమాంటిక్ సీన్లతో రెచ్చిపోయంది. కెరీర్‌లో ఈ రేంజ్‌లో అనుపమ గ్లామర్ షో చేసింది లేదు. దీంతో టిల్లు స్క్వేర్ సినిమాలో అనుపమను చూసేందుకు ఫ్యాన్స్ క్యూ కట్టారు. ఈ సినిమా బాక్సాఫీస్ దగ్గర భారీ విజయం సాధించడంతో అనుపమకి వరుసగా ఆఫర్లు వస్తున్నాయి. అందులోనూ గ్లామర్ పాత్రలే ఎక్కువగా వస్తున్నాయట. కానీ అనుపమ ఆచితూచి స్క్రిప్ట్‌లను సెలక్ట్ చేస్తుంది. వరుసగా అన్నీ గ్లామర్ పాత్రలు చేసినా ఇబ్బందేనని అనుపమ భావిస్తుందంట. అందుకే ఫీమేల్ ఓరియెంటెడ్ మూవీలను సెలక్ట్ చేస్తున్నట్లు సమాచారం. మరి ఈ ప్లాన్ అనుపమకి ఏ రేంజ్‌లో వర్కవుట్ అవుతుందో చూడాలి. ప్రస్తుతానికి అయితే చేతి నిండా సినిమాలతో అనుపమ ఫుల్ బిజీ అన్నమాట.ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-05T16:53:21Z dg43tfdfdgfd