KGF 3: కేజీఎఫ్ 3పై క్రేజీ అప్‌డేట్ ఇచ్చిన ప్రశాంత్ నీల్

ప్రస్తుతం సలార్ 2తో బిజీగా ఉన్నారు డైరెక్టర్ ప్రశాంత్ నీల్. గత ఏడాది రిలీజైన సలార్ 1 పెద్ద హిట్ కావడంతో రెండో భాగంపై భారీ అంచనాలు ఉన్నాయి. ఇది పూర్తి చేసిన తర్వాత ఎన్టీఆర్ ప్రాజెక్టుపై ప్రశాంత్ నీల్ దృష్టి పెట్టనున్నారు. అయితే తాజాగా ఇచ్చిన ఓ ఇంటర్వ్యూలో సలార్ 2 షూటింగ్ ఈ నెలాఖరులో మొదలవుతుందని నీల్ అన్నారు. అయితే ఎవరూ ఊహించని విధంగా కేజీఎఫ్ 3 గురించి కూడా క్రేజీ అప్‌డేట్ ఇచ్చారు నీల్.

కేజీఎఫ్ 3 రెడీ

కేజీఎఫ్ 2 తర్వాత పార్ట్ 3 గురించి ఫ్యాన్స్ అడుగుతూనే ఉన్నారు. కానీ దీనిపై ఇప్పటివరకూ నీల్ మాట్లాడలేదు. కానీ తాజాగా ఇంటర్వ్యూలో కేజీఎఫ్ 3 పనులు కొనసాగుతున్నాయని ఆయన అన్నారు. స్టోరీలైన్ పూర్తయ్యేందుకు చివరి దశలో ఉందన్నారు. హరో యష్, నిర్మాత విజయ్‌ కిరగందూర్ తమ సినిమాలను పూర్తి చేసిన తర్వాత కేజీఎఫ్ 3 ప్రొడక్షన్ పనులు మొదలుపెడతామని క్లారిటీ ఇచ్చారు. దీంతో యష్ ఫ్యాన్స్ ఫుల్ ఖుషీగా ఉన్నారు. ప్రస్తుతం సోషల్ మీడియాలో కేజీఎఫ్ ఛాప్టర్ 3 హ్యాష్ ట్యాగ్ ట్రెండింగ్‌లో ఉంది.

ఎన్టీఆర్ 31 కూడా

మరోవైపుప్రశాంత్ నీల్ ఎన్టీఆర్ సినిమా స్క్రిప్ట్‌కి కూడా తుది మెరుగులు దిద్దుతున్నారట. 2024 చివరిలో ఈ ప్రాజెక్ట్ సెట్స్‌పైకి వెళ్లనుందని టాక్ నడుస్తోంది. ఎందుకంటే అప్పటికి ఎన్టీఆర్ దేవర, వార్ 2 సినిమా షూటింగ్‌లు పూర్తయిపోతాయి. దీంతో ఈ ఏడాది చివరిలోనే ఈ ప్రాజెక్ట్ మొదలు అవుతుందని అంతా అనుకుంటున్నారు.

ఎన్టీఆర్ కమిట్ అయిన సినిమాలు పూర్తి అయ్యే లోపు ప్రశాంత్ నీల్ కూడా సలార్ 2ను కంప్లీట్ చేస్తారట. దీంతో ఈ ఏడాది చివరిలో కానీ 2025 మొదట్లో కానీ సలార్ 2 రిలీజ్ అయ్యే అవకాశం ఉందని ఫ్యాన్స్ బలంగా నమ్ముతున్నారు. ఈ లెక్కలన్నీ చూస్తుంటే ఎన్టీఆర్ 31 పూర్తయిన తర్వాతే నీల్ కేజీఎఫ్‌ను సెట్స్ పైకి తీసుకువెళ్లే అవకాశం ఉంది. ఎందుకంటే కేజీఎఫ్ ఫ్రాంచైజీలోకి ఒక్కసారి అడుగుపెట్టాక వేరే ఏ ప్రాజెక్టుపైనా దృష్టి పెట్టలేమని నీల్ తన ఇంటర్వ్యూలో చెప్పారు. అదీ కాకుండా ఈలోపు యష్ చేతిలో ఉన్న ప్రాజెక్టులు కూడా పూర్తయ్యే అవకాశం ఉంది. ప్రస్తుతం యష్ 'టాక్సిక్' అనే చిత్రంలో నటిస్తున్నారు. మాలీవుడ్ లేడీ డైరెక్టర్ తెరకెక్కిస్తున్న ఈ చిత్రంలో యష్ రోల్ చాలా డిఫరెంట్‌గా ఉంటుందని తెలుస్తోంది. అది పూర్తయిన తర్వాత యష్ కేజీఎఫ్ సెట్స్‌లో అడుగుపెట్టే అవకాశం ఉంది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-08T11:33:19Z dg43tfdfdgfd