PAWAN KALYAN: త్రివిక్రమ్‌కి పవన్ కళ్యాణ్ క్లాస్.. ‘నీ ఉచిత సలహాలు అవసరం లేదు.. నా పిల్లలకి ఏమి ఇవ్వాలో నాకు తెలుసు’
జనసేన అధినేత పవన్ కళ్యాణ్.. ఇండస్ట్రీలో చాలా తక్కువమందితో క్లోజ్‌గా మూవ్ అవుతుంటారు. వాళ్లలో దర్శకుడు త్రివిక్రమ్ శ్రీనివాస్‌ ఒకరైతే.. నిర్మాత శరత్ మరార్ మరొకరు. త్రివిక్రమ్- పవన్ కళ్యాణ్‌ల సన్నిహిత్యం గురించి అందరికీ తెలిసిందే. పవన్ కళ్యాణ్‌‌ని హీరోగా చూపించడమే కాదు.. పాలిటిక్స్‌లో రియల్ హీరోని చేయడానికి త్రివిక్రమ్ మాటల్ని అందిస్తుంటారనే టాక్ ఉంది. ఇక పవన్ కళ్యాణ్ పర్సనల్ విషయాల్లో కూడా త్రివిక్రమ్ ఇన్వాల్వ్ అవుతుంటారనేది అందరికీ తెలిసిన విషయమే.
ఇక నిర్మాత శరత్ మరార్‌తో కూడా పవన్ కళ్యాణ్‌కి మంచి రిలేషన్ ఉంది. నిజానికి పవన్ కళ్యాణ్‌తో సినిమా అంటే నిర్మాతలకు కత్తిమీద సామే అని టాక్ ఉంది. పవన్ కళ్యాణ్ పాలిటిక్స్‌లో ఉండటం వల్ల.. డేట్స్ అడ్జెస్ట్ కాక.. నిర్మాతలకు నిర్మాణ వ్యయం విపరీతంగా పెరిగిపోతుందని పవన్‌తో ప్రాజెక్ట్ అంటే ఏళ్లకి ఏళ్లు పడుతుందనే విమర్శలు ఉన్నాయి. పవన్‌తో సినిమాలను క్యాన్సిల్ చేసుకోలేక.. షూటింగ్‌లు చేయలేక.. నిర్మాతలు నానా కష్టాలు పడతుంటారనే టాక్ కూడా ఉంది ఇండస్ట్రీలో. అలాంటది పవన్ కళ్యాణ్‌తో రిపీటెడ్‌గా సినిమాలు చేస్తూనే ఉన్నారు నిర్మాత శరత్ మరార్.
పవన్‌తో ఒక్క సినిమా అంటేనే అమ్మ బాబోయ్ అనే చేతులెత్తేస్తున్న తరుణంలో.. గోపాల గోపాల, సర్దార్ గబ్బర్ సింగ్, కాటమ రాయుడు ఇలా మూడు సినిమాలను చేశారు పవన్ మిత్రుడు శరత్ మరార్. పవన్‌కి అత్యంత సన్నిహితుడిగా.. ఆయన పర్సనల్ విషయాల్లోనూ ఇన్వాల్వ్ అయ్యేటంత చనువు వీరిద్దరి మధ్య ఉంది. అయితే పవన్ కళ్యాణ్ నిర్మాతల్ని ఇబ్బంది పెట్టే హీరో కాదని.. డబ్బు విషయంలో అయితే అలాంటి వ్యక్తిని ఇప్పటివరకూ తాను చూడలేదని అంటున్నారు శరత్ మరార్.
తాజా ఇంటర్వ్యూలో పవన్ కళ్యాణ్ గురించి మాట్లాడిన శరత్ మరార్.. డబ్బు విషయంలో పవన్ కళ్యాణ్‌కి సలహా ఇచ్చి తాను తివిక్రమ్ తిట్లు తిన్న విషయాన్ని గుర్తు చేసుకున్నారు. డబ్బుపై పవన్ కళ్యాణ్ గారికి అసలు ఆశ ఉండదు. అలాంటి వ్యక్తిని నేను చూడలేదు. ఎన్నోసార్లు నేను కానీ.. త్రివిక్రమ్ గారు కానీ.. చెప్పి చూశాం. తీసుకునే విషయంలో ఇచ్చే విషయంలో కాస్త జాగ్రత్తగా ఉంటే మంచిది. ఎందుకుంటే వెనుక పిల్లలు ఉన్నారని చెప్తూనే ఉన్నాం. అప్పుడు కూడా మాకు క్లాస్ పడేది. ఏం చేయాలో నాకు తెలుసు.. మీ టీచింగ్ నాకు అవసరం లేదు. నా పిల్లలు లైఫ్‌ని లీడ్ చేసుకోవడానికి ఎలాంటి స్ట్రెంత్ ఇవ్వాలో నాకు తెలుసు.. మీ సలహాలు అవసరం లేదు అని అనేవారు.
డబ్బులు ఆదా చేయడంలో పవన్ కళ్యాణ్ చాలా వీక్. దాని వల్ల పవన్ కళ్యాణ్ ఇబ్బంది పడింది నేను ఒక్కరోజు కూడా చూడలేదు. డబ్బుపై ఆశలేని వ్యక్తి పవన్ కళ్యాణ్. దాని గురించి అస్సలు ఆలోచించరు. ఫైనాన్సియల్‌గా స్ట్రాంగ్‌ లేకపోయినా.. నేను జనంలోకి వెళ్లినప్పుడు వాళ్లు నన్ను రిసీవ్ చేసుకుంటున్న తీరే నేను సంపాదించిన ఆస్తి. నా దారి అదే. నేను సృహలో ఉండే ఆ మార్గాన్ని ఎంచుకున్నాను. నాకు తెలిసే చేస్తున్నాను అని అంటారు కళ్యాణ్ గారు.
పవన్ కళ్యాణ్ గారు చేసిన సాయాన్ని అడ్వాంటేజ్‌గా తీసుకున్న వాళ్లు కూడా ఉన్నారు. అలాంటి సందర్భాలు కూడా ఉన్నాయి. ఆ టైంలో పవన్ కళ్యాణ్‌లో సాఫ్ట్‌గా డీల్ చేయరు. అలాంటి వాళ్లని ఎలా డీల్ చేయాలో ఆయనకి తెలుసు. సాఫ్ట్‌గా డీల్ చేసే వ్యక్తి కాదు. తన దగ్గర పనిచేసే వ్యక్తి.. భార్య మంగళసూత్రాలు అమ్మేసి పేకాట ఆడాడు. ఆ విషయం ఏడుస్తూ వచ్చి పవన్ కళ్యాణ్ గారితో చెప్పింది. పవన్ కళ్యాణ్ గారి కోపాన్ని ఆరోజు చూశాను. ఆమెకు ధైర్యం చెప్పి.. ఆర్ధికంగా సాయం చేసి.. ఆ మంగళసూత్రం అమ్మినవాడికి భయం అంటే ఏంటో చూపించారు. ఆ తరువాత వాడు మారాడు. భయంతో మార్పు వచ్చింది వాడిలో.
పవన్ కళ్యాణ్ గారితో ఎవరికైనా లాంగ్ టర్మ్ జర్నీ ఉంటుంది. ప్రొడ్యుసర్స్‌తో చాలామంది మంచిగా ఉంటారు. ఈ మధ్య కాలంలో బండ్ల గణేష్ గారు.. పవన్ కళ్యాణ్ గారికి దూరంగా ఉంటున్నారని అంటున్నారు కానీ.. ఈరోజుకీ పవన్ కళ్యాణ్ గారు ఒక్క పిలుపు ఇస్తే.. బండ్ల గణేష్ వస్తారు. త్రివిక్రమ్‌తో బండ్ల గణేష్ గొడవ ఏంటంటే.. దాని గురించి మనం చెప్పలేం. బండ్ల గణేష్ ఏ సీజన్‌లో ఎలా ఉంటారో తెలియదు కాబట్టి.. వాళ్ల గురించి మాట్లాడటం కరెక్ట్ కాదు’ అంటూ చెప్పుకొచ్చారు నిర్మాత శరత్ మరార్.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-02T13:11:09Z dg43tfdfdgfd