PUSHPA 2: గాజు గ్లాసుతో బన్నీ స్టెప్పులు.. పుష్ప 2 ఫస్ట్ సింగిల్

పాన్ ఇండియా లెవల్లో ఆడియన్స్ ఆత్రుతగా ఎదురుచూస్తున్న సినిమాల్లో 'పుష్ప 2: ది రూల్' ఒకటి. ఆగస్టు 15న ప్రపంచవ్యాప్తంగా ఈ సినిమా రిలీజ్ కాబోతుంది. ఇటీవల బన్నీ బర్త్ డేకి సినిమా టీజర్‌ను రిలీజ్ చేయగా దానికి సూపర్ రెస్పాన్స్ వచ్చింది. ఇక ఈరోజు పుష్ప 2 టైటిల్ సాంగ్‌ను రిలీజ్ చేశారు.

లిరిసిస్ట్ చంద్రబోస్ రాసిన ఈ పాట అద్భుతంగా ఉంది. పుష్ప 2లో హీరో పాత్ర ఎలా ఉంటుందనే దానిపై ఈ పాటతో ఓ క్లారిటీ వచ్చేసింది. పుష్పలో టైటిల్ సాంగ్ ఎంత పెద్ద హిట్ అయిందో అదే రేంజ్‌లో పుష్ప 2 ఫస్ట్ సింగిల్‌ను ప్లాన్ చేశారు. ఇక దేవిశ్రీ ప్రసాద్ ఇచ్చిన మ్యూజిక్ కూడా చాలా క్యాచీగా ఉంది.

గాజు గ్లాసుతో

ఇక లిరిక్స్‌ను చాలా అర్థవంతంగా రాశారు చందబోస్. "నువ్వు గడ్డం అట్టా సవరిస్తుంటే దేశం దద్దరిల్లే.. నువ్వు భుజమే ఎత్తి నడిస్తే భూమే బద్దలయ్యే" అంటూ సాంగ్ మొదలైంది. ఇక చరణంలో "తల దించినావంటే బానిసవు.. తల ఎత్తితే అవుతావు బాద్‌షావు" అంటూ చంద్రబోస్ రాశారు.

ఇక పాట మొత్తానికి హైలెట్ అయిన విషయం మాత్రం చివరి సెకన్లే. ఎందుకంటే పాట చివరిలో టీ గ్లాస్ పట్టుకొని బన్నీ స్టైలిష్‌గా స్టెప్పులేశాడు. అసలే ఎన్నికల టైమ్.. పైగా జనసేన గుర్తు గాజు గ్లాస్ కావడంతో పవర్ స్టార్ ఫ్యాన్స్ కింద తెగ కామెంట్లు పెడుతున్నారు. మొన్నే ఉస్తాద్ భగత్ సింగ్ సినిమా టీజర్‌లో గాజు గ్లాసు డైలాగ్ పెట్టి హరీష్ శంకర్ గట్టిగానే రచ్చ లేపారు. ఈసారి బన్నీ గాజు గ్లాసు పట్టుకొని స్టెప్పులేసి ఇండైరెక్ట్‌గా జనసేనకి ప్రచారం చేస్తున్నారంటూ ఫ్యాన్స్ అనుకుంటున్నారు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-01T12:07:03Z dg43tfdfdgfd