SHAH RUKH KHAN: ప్లేస్ మీరు చెప్తారా? నన్ను చెప్పమంటారా? మోహన్‌లాల్‌కి షారుక్ రిప్లయ్
మలయాళ స్టార్ హీరో మోహన్ లాల్ తాజాగా ఒక ఈవెంట్‌లో చేసిన డ్యాన్స్ వీడియో సోషల్ మీడియాలో వైరల్ అవుతోంది. ఇందులో షారుక్ ఖాన్ నటించిన జవాన్ మూవీలోని 'జిందా బందా' సాంగ్‌కి అదిరిపోయే స్టెప్పులేశారు మోహన్ లాల్. ఈ వీడియో వైరల్ కావడంతో దీనిపై షారుక్ ఖాన్ స్పందించారు. ఇలా వీరిద్దరి మధ్య ఇంట్రెస్టింగ్‌ సంభాషణ సాగింది.
మీరు చెప్తారా?ఈ వీడియోపై స్పందిస్తూ మీరు డ్యాన్స్ అదరగొట్టారు మోహన్ లాల్ సార్ సూపర్ అంటూ షారుక్ ట్వీట్ చేశారు. దీనికి రిప్లయ్ ఇస్తూ "అయితే ఆ సాంగ్‌కి మీకంటే ఎవరూ బాగా డ్యాన్స్ చేయలేరు, మీరు బెస్ట్ అంటూ" మోహన్ లాల్ బదులిచ్చారు. అలానే జిందా బందా బ్రేక్ ఫాస్ట్ చేద్దామా అంటూ మోహన్ లాల్ చేసిన పోస్ట్‌కి "అలాగే సార్, ప్లేస్ మీరు చెప్తారా నన్ను చెప్పమంటారా" అంటూ షారుక్ ఇచ్చిన స్వీట్ రిప్లై నెటిజన్లను ఫిదా చేస్తుంది.
పఠాన్ 2
ఇకకింగ్ ఖాన్ షారుక్ ఇటీవల పఠాన్ 2కి గ్రీన్ సిగ్నల్ ఇచ్చారు. 2023లో వచ్చిన పఠాన్ సినిమాకి ఇది సీక్వెల్‌గా రాబోతున్న సంగతి తెలిసిందే. ఈ సినిమాకి షారుక్ ఓకే చెప్పారన్న అప్‌డేట్ తప్ప మరే ఇతర న్యూస్ రాలేదు. కానీ సడెన్‌గా ఈ సినిమా గురించి ఇటీవల ఓ షాకింగ్ న్యూస్ వైరల్ అవుతోంది. పఠాన్ 2 సినిమాకి డైరెక్టర్‌ను మార్చాలని యష్ రాజ్ ఫిలిమ్స్ భావిస్తుందని టాక్. పఠాన్‌ను డైరెక్ట్ చేసిన సిద్ధార్థ్ ఆనంద్‌ను తప్పించి ఓ కొత్త డైరెక్టర్‌కి బాధ్యతలు ఇవ్వాలని అనుకుంటున్నారట. ఇలా చేయడం వల్ల సినిమాకి ఫ్రెష్ లుక్ వస్తుందని అనుకుంటున్నారు. ఇక పఠాన్ 2 సినిమా యష్ రాజ్ ఫిలిమ్స్ స్పై యూనివర్స్‌లో 8వ సినిమా కానుంది.
మరోవైపు మోహన్ లాల్.. మంచు విష్ణు ప్రతిష్టాత్మకంగా తీసుకున్న కన్నప్ప ప్రాజెక్టులో నటిస్తున్నారు. ఈ చిత్రంలో మోహన్ లాల్ పాత్ర ఏంటనే విషయం ఇంకా తెలియలేదు. ఈ చిత్రంలో పాన్ ఇండియా స్టార్ ప్రభాస్, కన్నడ స్టార్ శివరాజ్ కుమార్, మోహన్ బాబు సహా స్టార్ క్యాస్టింగ్ ఉంది. ఇక ఇటీవలే బాలీవుడ్ హీరో అక్షయ్ కుమార్ కూడా ఈ ప్రాజెక్టులో భాగమయ్యారు. ఇప్పటికే ఈ సినిమా నుంచి వచ్చిన ఫస్ట్ లుక్‌‌కి మంచి రెస్పాన్స్ వచ్చింది. మంచు విష్ణు అయితే ఈ సినిమాపై భారీ ఆశలే పెట్టుకున్నారు. భారీ బడ్డెట్‌తో ఈ సినిమాను నిర్మిస్తున్నారు.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-04-24T04:07:55Z dg43tfdfdgfd