SHRESTHA: సమరసింహారెడ్డిలో బాలయ్య చిన్న చెల్లెలు గుర్తుందా? ఎంత మారిపోయిందో?
నందమూరి బాలకృష్ణ బ్లాక్ బస్టర్ సినిమాల్లో 'సమరసింహారెడ్డి' ఒకటి. ఇందులో బాలయ్య చెప్పిన డైలాగులకి, చేసిన యాక్షన్‌కి అప్పట్లో థియేటర్లు దద్దరిల్లాయి. "నీ ఇంటికొస్తా, నీ నట్టింటికొస్తా" అంటూ మీసం మెలేసి, తొడకొట్టి బాలయ్య డైలాగులు చెబుతుంటే ఫ్యాన్స్ పిచ్చెక్కిపోయారు. ఇక ఈ చిత్రంలో యాక్షన్ ఏ రేంజ్‌లో ఉంటుందో సెంటిమెంట్ కూడా అదే రేంజ్‌లో పండింది. ముఖ్యంగా బాలయ్య- ముగ్గురు చెల్లెళ్ల మధ్య వచ్చే సన్నివేశాలు గుండెల్ని పిండేసేలా ఉంటాయి. ఇక అందరికంటే చిన్న చెల్లెలు-బాలయ్యకి మధ్య వచ్చే ట్రైన్ సీన్ అయితే అప్పట్లో అదరగొట్టింది. నడవలేని తన చెల్లెని అన్నయ్య మీద ఉన్న ప్రేమతో పరిగెత్తించేలే చేస్తారు బాలయ్య. ఈ సీన్ అభిమానులకి ఎప్పటికీ గుర్తే. మరి ఈ సన్నివేశంలో బాలయ్య చిన్న చెల్లెలుగా నటించిన అమ్మాయి గుర్తుందా?
అప్పట్లో ఎన్టీఆర్, ఏఎన్ఆర్, చిరంజీవి, బాలకృష్ణ లాంటి స్టార్ హీరోల చిత్రాల్లో ఆమె బాలనటిగా చేసింది. తెలుగు, తమిళ, మలయాళంలో దాదాపు 100కి పైగా చిత్రాల్లో చైల్డ్ ఆర్టిస్టుగా చేసిన ఆ అమ్మాయి పేరు శ్రేష్ట. సమరసింహారెడ్డి చిత్రమే తెలుగులో శ్రేష్టకి చివరి చిత్రం. ఆ తర్వాత ఆమె ఇండస్ట్రీకి దూరమైంది. మళ్లీ ఇప్పుడు ఇన్నేళ్ల తర్వాత ఓ యూట్యూబ్ ఛానల్‌కి ఇంటర్వ్యూ ఇవ్వడంతో మరోసారి ఆడియన్స్ ముందుకు వచ్చింది శ్రేష్ట. మరి ఇన్నేళ్లలో ఈమె ఏమైపోయింది? ఈమె చేసిన సినిమాలేంటి అనే విషయాలపై ఓ లుక్కేద్దాం.
స్టార్ హీరోలతో
'సమరసింహారెడ్డి' సినిమా తర్వాత పూర్తిగా చదువుపై దృష్టి పెట్టింది శ్రేష్ట. బీటెక్, ఎమ్‌టెక్, ఎమ్ఎస్ చేసి అమెరికాలో జాబ్ తెచ్చుకొని అక్కడే కొన్నాళ్లు ఉండిపోయింది. ఆ తర్వాత తిరిగి స్వదేశానికి వచ్చి ప్రస్తుతం తన తండ్రికి చెందిన కన్‌స్ట్రక్షన్ వ్యవహారాలు చూసుకుంటోంది. ఇక తాజాగా ఓ యూట్యూబ్ ఛానెల్‌లో ఈమె ఇచ్చిన ఇంటర్వ్యూ చూసిన ఆడియన్స్ అవాక్కవుతున్నారు. ఎందుకంటే అప్పటికీ ఇప్పటికీ అస్సలు గుర్తుపట్టలేనంతగా మారిపోయింది శ్రేష్ట. రౌడీ అల్లుడు, మేజర్ చంద్రకాంత్, హిట్లర్, సమరసింహారెడ్డి వంటి ఎన్నో చిత్రాల్లో ఈమె నటించింది. ఇక తన చివరి సినిమా సమరసింహారెడ్డిలో నటించిన అనుభవాన్ని ఎప్పటికీ మర్చిపోలేనంటూ చెప్పింది. బాలయ్య తనతో చాలా సరదాగా ఉండేవారిని, షూటింగ్‌ సెట్‌లో ఇద్దరూ రమ్మీ ఆడేవాళ్లమంటూ చెప్పింది. ఇక ఆ చిత్రంలో అందరి చెల్లెళ్ల కంటే తనతోనే ఎక్కువ సీన్లు ఉండేసరికి మిగిలిన వాళ్లు గొడవ చేసేవారంటూ సరదాగా చెప్పింది. ఇన్నాళ్ల తర్వాత ఇలా మళ్లీ తెలుగు ప్రేక్షకులన పలకరించడం ఆనందంగా ఉందంది శ్రేష్ట.ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-07-02T11:39:17Z dg43tfdfdgfd