TTD : విద్యార్థులకు తిరుమల తిరుపతి దేవస్థానం అద్భుత అవకాశం.. మ్యూజిక్, డాన్స్‌పై ఆసక్తి ఉంటే చాలు..

TTD Tirumala Tirupati Devasthanams : విద్యార్థులకు గుడ్‌న్యూస్‌. తిరుమల తిరుపతి దేవస్థానం (TTD) ఆధ్వర్యంలో నిర్వహిస్తున్న తిరుపతిలోని శ్రీ వేంకటేశ్వర సంగీత, నృత్య కళాశాల, ఎస్వీ నాద‌స్వ‌రం, డోలు పాఠ‌శాల‌ (SVCMD)లో 2024-25 విద్యా సంవత్సరానికి గాను పలు రెగ్యుల‌ర్ కోర్సుల్లో ప్రవేశాల‌కు అర్హులైన విద్యార్థుల నుంచి దరఖాస్తులు కోరుతోంది. ఈ కోర్సుల్లో ప్రవేశాలకు సంబంధించి మే 25వ తేదీ నుంచి కాలేజీల్లో ద‌ర‌ఖాస్తులు జారీ చేస్తారు. ఆసక్తి ఉన్న విద్యార్థులు పూర్తిచేసిన ద‌ర‌ఖాస్తులను జూన్ 12వ తేదీ వ‌ర‌కు సమర్పించవచ్చు.

ఎస్వీ సంగీత, నృత్య కళాశాలలో గాత్రం, వ‌యోలిన్‌, వీణ‌, ఫ్లూట్‌, నాద‌స్వ‌రం, భ‌ర‌త‌నాట్యం, హ‌రిక‌థ‌, మృదంగం, డోలు, ఘ‌టం విభాగాల్లో ఫుల్‌టైమ్ విశార‌ద‌ (డిప్లొమా), ప్ర‌వీణ‌ (అడ్వాన్డ్స్ డిప్లొమా) కోర్సులు ఉన్నాయి. ఎస్వీ నాద‌స్వ‌రం, డోలు పాఠ‌శాల‌లో ఫుల్‌టైమ్ స‌ర్టిఫికేట్‌, డిప్లొమా కోర్సులు ఉన్నాయి. ఇత‌ర ప్రాంతాల విద్యార్థుల‌కు హాస్ట‌ల్ వ‌స‌తి కల్పిస్తారు. ఆసక్తి గల అభ్యర్థులు కళాశాలలో రూ.50/- చెల్లించి దరఖాస్తు పొందొచ్చు. ఇతర వివరాలకు 0877-2264597, 7330811173, 9848374408, 9440793205 నంబ‌ర్ల‌లో సంప్రదించగలరని టీటీడీ ముఖ్య‌ ప్రజాసంబంధాల అధికారి ఓ ప్రకటన విడుదల చేశారు. విద్యార్థులు పూర్తి వివరాలు తెలుసుకోవడానికి లింక్‌ ఇదే.. క్లిక్‌ చేయండి.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-10T05:28:16Z dg43tfdfdgfd