UGC NET 2024 : యూజీసీ నెట్‌ జూన్‌ సెషన్‌ 2024 రిజిస్ట్రేషన్లు ప్రారంభం.. దరఖాస్తుకు లింక్‌ ఇదే
UGC NET June 2024 : యూనివర్సిటీ గ్రాంట్స్ కమిషన్ నేషనల్ ఎలిజిబిలిటీ టెస్ట్ జూన్‌ (UGC NET) 2024 పరీక్షకు షెడ్యూల్‌ విడుదలైంది. జూనియర్‌ రిసెర్చి ఫెలోషిప్‌ అవార్డు, యూనివర్సిటీల్లో అసిస్టెంట్ ప్రొఫెసర్‌ పోస్టులకు పోటీపడేందుకు, పీహెచ్‌డీ ప్రవేశాలకు ఉపయోగపడే ఈ పరీక్షను జూన్‌ 16న నిర్వహించనున్నట్లు యూజీసీ వెల్లడించింది. మొత్తం 83 సబ్జెక్టులకు నిర్వహించే ఓఎమ్మార్‌ ఆధారిత పరీక్ష నిర్వహణ బాధ్యతను ఎన్‌టీఏకి అప్పగించింది. ఇక ఆన్లైన్ విధానంలో ఏప్రిల్‌ 20వ తేదీ నుంచి మే 10వ తేదీ వరకు దరఖాస్తులు స్వీకరించనున్నారు. ఏటా ఈ పరీక్షను రెండు సార్లు నిర్వహిస్తుంటారు. అభ్యర్థులు పూర్తి వివరాలకు https://ugcnet.nta.nic.in/ వెబ్‌సైట్‌ చూడొచ్చు.
ముఖ్య సమాచారం :
- యూనివర్సిటీ గ్రాంట్స్ కమిషన్- నేషనల్ ఎలిజిబిలిటీ టెస్ట్ జూన్‌ (యూజీసీ నెట్‌) 2024
- సబ్జెక్టులు: అడల్ట్‌ ఎడ్యుకేషన్‌, ఆంథ్రోపాలజీ, అరబ్ కల్చర్ అండ్‌ ఇస్లామిక్ స్టడీస్, అరబిక్, ఆర్కియాలజీ, అస్సామీ, బెంగాలీ, బోడో, బౌద్ధ, జైన, చైనీస్, కామర్స్‌, కంప్యూటర్ సైన్స్ అండ్‌, క్రిమినాలజీ, జాగ్రఫీ, ఎకనామిక్స్‌, ఇంగ్లిష్‌, హోం సైన్స్, హిస్టరీ, ఫోరెన్సిక్‌ సైన్స్, ఇండియన్‌ కల్చర్, లైబ్రరీ అండ్‌ ఇన్ఫర్మేషన్‌ సైన్స్, లింగ్విస్టిక్స్‌, మ్యూజిక్‌, సైకాలజీ, లా, తదితర సబ్జెక్టుల్లో పరీక్ష నిర్వహిస్తారు.
- మొత్తం సబ్జెక్టుల సంఖ్య: 83
- అర్హత: 55% మార్కులతో మాస్టర్స్ డిగ్రీ లేదా తత్సమాన పరీక్షలో ఉత్తీర్ణులై ఉండాలి. ఓబీసీ- ఎన్‌సీఎల్‌/ ఎస్సీ/ ఎస్టీ/ దివ్యాంగులు/ థర్డ్ జెండర్ కేటగిరీ అభ్యర్థులకు 50% మార్కులు ఉండాలి.
- వయోపరిమితి: జేఆర్‌ఎఫ్‌కు 01.06.2024 నాటికి 30 ఏళ్లు మించకూడదు. అసిస్టెంట్ ప్రొఫెసర్‌కు గరిష్ఠ వయోపరిమితి లేదు.
- పరీక్ష విధానం: ఓఎమ్మార్‌ ఆధారిత పరీక్ష విధానంలో ఉంటుంది. పరీక్షలో రెండు పేపర్లు ఉంటాయి. రెండు పేపర్లలో ఆబ్జెక్టివ్ టైప్, మల్టిపుల్ ఛాయిస్ ప్రశ్నలు ఉంటాయి. పేపర్‌-1లో 50 ప్రశ్నలు... 100 మార్కులు, పేపర్‌-2లో 100 ప్రశ్నలు.. 200 మార్కులు కేటాయించారు. పరీక్షకు 3 గంటల వ్యవధి ఉంటుంది.
- దరఖాస్తు ఫీజు: జనరల్/ అన్‌రిజర్వ్‌డ్‌కు రూ.1150; జనరల్- ఈడబ్ల్యూఎస్‌/ ఓబీసీ- ఎన్‌సీఎల్‌ రూ.600; ఎస్సీ, ఎస్టీ, దివ్యాంగులు, థర్డ్ జెండర్‌కు రూ.325గా నిర్ణయించారు.
- తెలుగు రాష్ట్రాల్లో పరీక్ష కేంద్రాలు: హైదరాబాద్, సికింద్రాబాద్, జనగామ, కరీంనగర్, ఖమ్మం, కొత్తగూడెం, మహబూబాబాద్, మహబూబ్ నగర్, మేడ్చల్, నల్గొండ, నిజామాబాద్, సంగారెడ్డి, సిద్దిపేట, సూర్యాపేట, వరంగల్, అమరావతి, అనంతపురం, చిత్తూరు, ఏలూరు, కాకినాడ, కర్నూలు, మచిలీపట్నం, మంగళగిరి, నంద్యాల, నరసరావుపేట, నెల్లూరు, రాజమహేంద్రవరం, శ్రీకాకుళం, సూరంపాలెం, తిరుపతి, విజయవాడ, విశాఖపట్నం, విజయనగరం.
- దరఖాస్తు విధానం : ఆన్లైన్ విధానంలో అప్లయ్‌ చేసుకోవాల్సి ఉంటుంది.
ముఖ్యమైన తేదీలు :
- ఆన్లైన్ దరఖాస్తులు ప్రారంభతేదీ: ఏప్రిల్‌ 20, 2024
- ఆన్లైన్ దరఖాస్తులకు చివరి తేదీ: మే 10, 2024
- పరీక్ష ఫీజు చెల్లింపు చివరి తేదీ: మే 12, 2024
- దరఖాస్తులకు సవరణ తేదీలు: మే 13 నుంచి 15 వరకు
- పరీక్ష తేదీ: జూన్‌ 16, 2024