VIJAY: షూటింగ్‌లో దళపతి విజయ్‌కి గాయాలు.. ఫొటోలు వైరల్

స్టార్ హీరో దళపతి విజయ్ ప్రస్తుతం 'ది గ్రేటెస్ట్ ఆఫ్ ఆల్ టైం' (The Greatest Of All Time) అనే సినిమా చేస్తున్నారు. మీనాక్షి చౌదరి హీరోయిన్‌గా నటిస్తున్న ఈ చిత్రాన్ని వెంకట్ ప్రభు డైరెక్ట్ చేస్తున్నారు. ఈ చిత్రం కోసం విజయ్ చాలా కాలం తర్వాత ఒక సరికొత్త మేకోవర్‌ని కూడా ట్రై చేశారు. సినిమాలో రెండు విభిన్నమైన పాత్రల్లో విజయ్ కనిపించబోతున్నారు. ఇందుకోసం మీసాలు, గడ్డాలు తీసి యంగ్ లుక్‌లో ఇటీవల కనిపించారు. అయితే తాజాగా విజయ్‌‌కి గాయమైందంటూ సోషల్ మీడియాలో పోస్టులు కనిపిస్తున్నాయి. ఇందుకు సంబంధించిన ఫొటోలు కూడా వైరల్ అవుతున్నాయి.

గాయమైందా?

విజయ్ హిట్ మూవీ గిల్లిని ఇటీవల రీరిలీజ్ చేసిన సంగతి తెలిసిందే. ఇది అద్భుతమైన కలెక్షన్లు రాబట్టడంతో ఆ సినిమా నిర్మాత ఏఎం రత్నం, డైరెక్టర్ ధరణి.. విజయ్‌ను కలిసి శుభాకాంక్షలు తెలియజేశారు. ఇందుకు సంబంధించిన ఫొటోల్లో విజయ్ చేతికి గాయమైనట్లుగా కనిపిస్తుంది. ది గోట్ సినిమా షూటింగ్ ఇటీవల రష్యాలో జరిగింది. అక్కడ విజయ్‌కి గాయమైనట్లుగా అర్థమవుతుంది. ఈ ఫొటోలు సోషల్ మీడియాలో వైరల్ కావడంతో విజయ్ ఫ్యాన్స్ కాస్త టెన్షన్ పడుతున్నారు. ఇక ది గోట్ చిత్రానికి యువన్ శంకర్ రాజా సంగీతం అందిస్తున్నారు.

తాజాగా ఈ సినిమా రిలీజ్ డేట్‌ను ప్రకటిస్తూ ఓ పోస్టర్ రిలీజ్ చేసింది మూవీ టీమ్. ఈ ఏడాది సెప్టెంబర్ 5న చిత్రాన్ని రిలీజ్ చేస్తున్నారు. తమిళంతో పాటు తెలుగు, హిందీ భాషల్లో ఈ చిత్రం రిలీజ్ కాబోతుంది. జయరామ్, స్నేహ, లైలా, యోగిబాబు, వైభవ్, ప్రేమి, అజయ్ రాజ్, అరవింద్ ఆకాష్, వీటీవీ గణేష్, అజ్మల్ అమీర్, మైక్ మోహన్ ఈ సినిమాలో కీలక పాత్రలు పోషిస్తున్నారు. ఏజీఎస్ ఎంటర్‌టైన్‌మెంట్ బ్యానర్‌పై అర్చన కల్పాతి, కల్పాతి ఎస్ అఘోరమ్, కల్పాతి ఎస్ సురేష్, కల్పాతి ఎస్ గణేష్ ఈ చిత్రాన్ని నిర్మిస్తున్నారు.

ఇక సెప్టెంబర్ మొదటి వారంలోనే ఈ సినిమా రిలీజ్ అవుతుండటం కలిసొచ్చేలా కనిపిస్తుంది. ఎందుకంటే ఆ సమయంలో కేరళలో ఓనం సెలవలు ఉన్నాయి. అంటే దాదాపు 10 రోజులు సెలవులు ఉంటాయి. అలానే వినాయకచవితి కూడా ఉంది. ఇలా మొత్తానికి ఓ రెండు వారాల లాంగ్ వీకెండ్ ఈ సినిమాకి ప్లస్ అవుతుందంటూ ఫ్యాన్స్ లెక్కేస్తున్నారు. కేరళలో విజయ్‌కి భారీ ఫాలోయింగ్ ఉన్న సంగతి తెలిసిందే. అక్కడ స్ట్రయిట్ హీరోల సినిమాల్లానే విజయ్ మూవీస్ కలెక్షన్లు రాబడుతుంటాయి.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-04-25T02:56:30Z dg43tfdfdgfd