ఎన్ని సర్జరీలు చేసుకుంటావ్‌ అక్కా!

సినిమా పరిశ్రమ ఓ రంగుల ప్రపంచం. ఇక్కడ అందంగా ఉన్నవాళ్లకే ఆదరణ. అందుకే సౌందర్య పోషణకు వాళ్లు అనుక్షణం పరితపిస్తుంటారు. ఇందుకోసం కొందరు సెలెబ్రిటీలు వ్యాయామాన్ని ఎంచుకుంటారు. మరికొందరు శస్త్రచికిత్స ద్వారా ముఖారవిందాన్ని మరింత మురిపెంగా మార్చుకుంటారు. ఈ సర్జరీలపై ఇండస్ట్రీలో, అభిమానుల్లో చర్చలు కొనసాగుతూనే ఉంటాయి. తాజాగా బాలీవుడ్‌లో అలాంటి చర్చే తెరమీదికి వచ్చింది.

సోషల్‌ మీడియాలోనూ ఈ చర్చ రచ్చగా మారింది. అరకొర అవకాశాలతో ఇండస్ట్రీలో నిలదొక్కుకునేందుకు ప్రయత్నిస్తున్న బ్యూటీ రిచా చద్దా కామెంట్లు ఈ ఇష్యూకు తెరలేపాయి. తాజాగా ఈ బ్యూటీ సోషల్‌ మీడియా వేదికగా ‘కొందరికి ఒంటినిండా విషమే! వయసు పైబడ్డా టీనేజర్లుగా ముస్తాబవుతున్నారు. పది సర్జరీలు చేయించుకుని కూడా మేము సహజంగానే అందంగా ఉంటామని పోజులిస్తున్నారు. అక్కా.. మీరు ఎన్ని సర్జరీలు చేయించుకున్నారో అవన్నీ తెలిసినవారి దగ్గర ఎందుకు అబద్ధాలు చెప్పడం? మాకు కళ్లున్నాయి.

అన్నీ చూస్తున్నాం.. కాబట్టి ప్రత్యేకంగా ఏదీ చెప్పాల్సిన పనిలేదు’ అని రాసుకొచ్చింది. అయితే ఈ పోస్ట్‌ చూసిన నెటిజన్లు రిచా ఎవరి గురించి కామెంట్‌ చేసిందా? అనే ఆలోచనలో పడ్డారు. అయితే రిచా మాట్లాడింది అదితీ రావు హైదరీ గురించే అంటున్నారు కొందరు నెటిజన్లు. ఆమె కామెంట్లపై భిన్నమైన వ్యాఖ్యలు వ్యక్తమవుతున్నాయి. ‘రిచా ఏంటి? రోజురోజుకీ కంగనా రనౌత్‌లా మారుతున్నది’ అని ఓ నెటిజన్‌ అభిప్రాయపడ్డాడు.

2024-07-03T19:38:40Z dg43tfdfdgfd