ఐపీఎల్ చూడండి.. తరువాతే మా సినిమాలు చూడండి.. మాట సవరించుకున్న అనిల్ రావిపూడి

దేశంలో ఎక్కువ మంది క్రికెట్ అభిమానులే ఉంటారు. క్రికెట్, సినిమాలే ఈ దేశంలోని ప్రతీ ఒక్కరికీ వినోద సాధనాలు. అయితే ఐపీఎల్ సీజన్ అంటే రెండు నెలలు దేశంలో జరిగే హడావిడి మామూలుగా ఉండదు. క్రికెట్ లవర్స్, బెట్టింగ్ ప్రియులు సందడి చేస్తుంటారు. ఇలాంటి ఐపీఎల్ టైంలో పెద్ద సినిమాలు వచ్చేందుకు కూడా వెనుకడుగు వేస్తుంటాయి. ఐపీఎల్ సీజన్‌ను ఎవ్వరూ టచ్ చేయలేరు. అలాంటి ఐపీఎల్ సీజన్ మీద అనిల్ రావిపూడి చిన్న చూపు చూశాడు.

ఐపీఎల్ మ్యాచులు లైవ్ చూడకపోతే కొంపలేమీ మునగవు.. లైవ్ స్కోర్ చూడొచ్చు.. థియేటర్లకు రండి.. సినిమాలు చూడండి.. అక్కడ కూడా లైవ్ స్కోర్ చూసుకోవచ్చు అని ఇలా అనేశాడు. దీంతో క్రికెట్ లవర్స్ భగ్గు మన్నారు. మీ సినిమాలు కూడా థియేటర్లో చూడాల్సిన పని లేదు.. ఐ బొమ్మలో చూసుకోవచ్చు.. మూవీ రూల్జ్స్‌లో చూసుకోవచ్చు.. ఓటీటీల్లో చూసుకోవచ్చు.. థియేటర్లో చూడాలనేం లేదు.. కొంపలేమీ మునిగిపోవు అంటూ దారుణంగా ట్రోల్ చేశారు.

దీంతో అనిల్ రావిపూడి తన మాటల్ని సవరించుకున్నాడు. డైరెక్టర్స్ డే సందర్భంగా ఏర్పాటు చేసిన మీడియా సమావేశంలో ఈ మేరకు క్లారిటీ ఇచ్చాడు. ఐపీఎల్, క్రికెట్ కామెంట్ల మీద క్లారిటీ ఇవ్వాలని వశిష్ట హింట్ ఇచ్చాడు. నువ్వు కూడా హర్ట్ అయ్యావా? అని వశిష్టని అనిల్ అడిగితే.. నాకంటే బయట ఎక్కువ హర్ట్ అయ్యారని రియాల్టీ చెప్పేశాడు.

అవి తాను కావాలని అన్న మాటలు కాదని, అప్పుడే ఓ డిస్ట్రిబ్యూటర్ మాట్లాడుతూ.. థియేటర్లకు ఎవ్వరూ రావడం లేదని, సినిమాలు ఆడటం లేదని ఆవేదన వ్యక్తం చేశాడని, ఆ సందర్భంలో స్టేజ్ మీద అలా మాట్లాడానని, అలా అనడం తప్పేనని, ఐపీఎల్ చూడండి.. తరువాత టైం ఉంటే మా సినిమాల్ని కూడా చూడండి.. నా మాటల్ని నేను కరెక్ట్ చేసుకుంటున్నాను అని అనిల్ రావిపూడి క్లారిటీ ఇచ్చాడు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-05T02:06:10Z dg43tfdfdgfd