మంచు విష్ణు తన డ్రీమ్ ప్రాజెక్ట్గా కన్నప్పను తెరపైకి తీసుకొస్తున్నాడు. మోహన్ బాబు సైతం కన్నప్పను ప్రతిష్టాత్మకంగా తీసుకున్నాడు. అందుకే కన్నప్ప కోసం ఇది వరకు ఎప్పుడూ ఖర్చు పెట్టనంతగా పెడుతున్నారు. ఇక అన్ని ఇండస్ట్రీల నుంచి టాప్ స్టార్లను పట్టుకొస్తున్నారు. మోహన్ లాల్, ప్రభాస్, అక్షయ్ కుమార్, శరత్ కుమార్, బ్రహ్మానందం వంటి వారు ఈ చిత్రంలో నటిస్తున్న సంగతి తెలిసిందే. ఏప్రిల్ నెలలో అక్షయ్ కుమార్ కన్నప్ప సెట్స్లోకి వచ్చిన సంగతి తెలిసిందే.
ప్రస్తుతం అక్షయ్ కుమార్ తన పార్ట్కి సంబంధించిన సీన్లను కంప్లీట్ చేశాడట. షూటింగ్ ముగించుకుని ముంబైకి వెళ్తున్నట్టుగా తెలుస్తోంది. అయితే అక్షయ్ కుమార్ మాత్రం ఫుల్ జోష్లో కనిపిస్తున్నాడు. అక్షయ్ కుమార్ గెటప్ చూస్తుంటే శివుడి పాత్రను పోషించినట్టుగా అనిపిస్తోంది. ఇక అక్షయ్ కుమార్తో కలిసి నటించడం ఎంతో ఆనందంగా ఉందని, ఎంతో సరదాగా షూట్ జరిగిందని, ఆయన్నుంచి ఎంతో నేర్చుకున్నానని విష్ణు చెప్పుకొచ్చాడు.
ఇక కన్నప్ప షూటింగ్ దాదాపు పూర్తయిందట. ఇక ప్రభాస్ చేయాల్సిన రోల్, ఆ పాత్రకు సంబంధించిన షూటింగ్ మాత్రమే బ్యాలెన్స్ ఉందని తెలుస్తోంది. అది కూడా త్వరలోనే పూర్తి చేస్తారట. ఇప్పటికే న్యూజిలాండ్లో రెండు భారీ షెడ్యూల్స్ను పూర్తి చేసుకుని వచ్చిన సంగతి తెలిసిందే. గత కొన్ని రోజులుగా కన్నప్ప షూట్ హైద్రాబాద్లోనే జరుగుతోంది. ఇక ప్రభాస్ ఎప్పుడు డేట్స్ ఇస్తే అప్పుడు కన్నప్ప షూట్ ఉంటుందని సమాచారం.
మోహన్ బాబు నటిస్తూ, నిర్మిస్తున్న ఈ పాన్ ఇండియన్ ప్రాజెక్ట్కు ముఖేష్ కుమార్ సింగ్ దర్శకత్వం వహిస్తున్నారు. ఈ మూవీ దసరా బరిలోకి వచ్చేలా ఉంది. రీసెంట్గా వదిలిన మంచు విష్ణు కన్నప్ప ఫస్ట్ లుక్ ఎంతగా వైరల్ అయిందో ప్రత్యేకంగా చెప్పాల్సిన పని లేదు.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్స్టైల్ అప్డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-03T12:29:52Z dg43tfdfdgfd