గేమ్ చేంజర్ పాట.. రికార్డులు కొట్టలేకపోయిన ఫ్యాన్స్.. జరగండి లెక్కలివే

రామ్ చరణ్ గేమ్ చేంజర్ సినిమా మీదున్న అంచనాలు అందరికీ తెలిసిందే. ప్రతీ సారి సినిమా ఆలస్యం అవుతుండటంతో అందరిలోనూ ఇంట్రెస్ట్ పోయేలా ఉంది. సంక్రాంతి టైంలోనే జరగండి పాటను రిలీజ్ చేస్తామని ప్రకటించారు. అప్పటికే ఆ పాట లీకై దారుణమైన ట్రోలింగ్ బారిన పడింది. ఆ లిరిక్స్ ఏంటి? ఆ ట్యూన్ ఏంటి? అని తిట్టేశారు. అలా చివరకు వాయిదా పడుతూ వచ్చిన ఆ జరగండి పాట రామ్ చరణ్ బర్త్ డే సందర్భంగా రిలీజ్ అయింది. ఇక ఇప్పుడు ఈ పాట మీద నెట్టింట్లో చర్చలు జరుగుతున్నాయి.

రామ్ చరణ్ ఫ్యాన్స్‌కి ఆ పాట బాగానే నచ్చినట్టుంది. కానీ మిగతా ఆడియెన్స్‌ను మాత్రం ఆకట్టుకోవడంలో విఫలమైంది. శంకర్ పాట ఎలా ఉండాలి.. ఎలాంటి ట్యూన్లు రాబట్టుకోవాలి.. అసలు పాటను ఎలా డిజైన్ చేయాలి.. కానీ జరగండి పాట మాత్రం అలా లేదేంటి? అని నెటిజన్లు కామెంట్లు చేస్తున్నారు. జరగండి పాట రిలీజ్‌కు ముందు రామ్ చరణ్ ఫ్యాన్స్ రికార్డుల గురించి మాట్లాడుకున్నారు.

సౌత్‌లో అరబిక్ కుత్తు పాట మీద రికార్డులున్నాయని, ఆ రికార్డులను బ్రేక్ చేయాలని.. 25 మిలియన్ల వ్యూస్ టార్గెట్ అని పెట్టుకున్నారు. తీరా చూస్తే.. జరగండి పాటకు 24 గంటల్లో ఐదు మిలియన్ల వ్యూస్ కూడా రాలేదు. తెలుగులో ఈ పాటకు 4.5 మిలియన్ల వ్యూస్, 3లక్షల లైక్స్ మాత్రమే వచ్చినట్టుగా కనిపిస్తోంది. ఇది రామ్ చరణ్ వంటి హీరోకి ఘోర పరాభవం అనే చెప్పాలి. ఎందుకంటే విజయ్ దేవరకొండ ఖుషి, లైగర్ పాటలకే మినిమం ఐదు మిలియన్ల వ్యూస్ వస్తాయ్.. అలాంటిది గ్లోబల్ స్టార్ అని చెప్పుకునే హీరోకి రావా? అంటూ ట్రోలింగ్ చేస్తున్నారు.

హిందీ, తమిళ భాషల్లోనూ జరగండి పాటకు పెద్ద దెబ్బే ఎదురైంది. కనీసం అక్కడ ఐదు లక్షల వ్యూస్ కూడా రాలేదు. ఇక లైక్స్ గురించి ఎంత తక్కువగా మాట్లాడుకుంటే అంత మంచిది అన్నట్టుగా ఉంది. మరీ ముఖ్యంగా ఈ లిరికల్ వీడియోలో ఒక్క హుక్ స్టెప్ కూడా సరిగ్గా లేదు.. నిజంగా ఇది ప్రభుదేవా చేసిన కొరియోగ్రఫీయేనా? అని అనుమానాలు వ్యక్తం చేస్తున్నారు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-03-28T09:50:25Z dg43tfdfdgfd