జనసేనకి ప్రచారం చేయట్లేదు.. అనసూయ యూటర్న్.. ‘నేను తుమ్మినా దగ్గినా వివాదమే’..

బెల్లం దగ్గరకు చీమలు చేరినట్టుగా.. అనసూయ ఉందంటే అక్కడ వివాదం ఉంటుంది. ఆమె ఏం మాట్లాడినా కాంట్రవర్సీ అవుతుంటుంది. అలా అవుతుంది కాబట్టే అనసూయ నిత్యం వివాదాల్లో ఉంటూ ఉంటుంది. అలాంటి అనసూయని జాఫర్ లాంటి జగత్ జర్నలిస్ట్ ప్రశ్నలేస్తే వివాదం కాకుండా ఉంటుందా?? మెత్తానికి అనసూయని గుచ్చి గుచ్చి ప్రశ్నలేసి.. జనసేనకి సపోర్ట్ చేస్తా అనేట్టు చేశాడు జాఫర్.

తాజా ఇంటర్వ్యూలో అనసూయ పాలిటిక్స్ గురించి మాట్లాడుతూ.. పవన్ కళ్యాణ్ మంచి లీడర్ అని.. ఆయన పిలిస్తే జనసేన తరుపున ప్రచారం చేస్తానని అన్నది. జాఫర్ గుచ్చి గుచ్చి ఇరుకున పెట్టే ప్రశ్నలు వేయడంతో మొత్తానికి అనసూయ నోట.. పవన్ కళ్యాణ్ పిలిస్తే జనసేన పార్టీకి సపోర్ట్ చేస్తా అనే మాట అయితే అనిపించేశారు.

అయితే అనసూయ.. నేరుగా తనంతట తాను ముందుకొచ్చి.. జనసేనకి సపోర్ట్ చేస్తానని అనలేదు కానీ.. మొత్తానికి అయితే సపోర్ట్ చేస్తాననే అన్నది. అయితే అనసూయ నోట నుంచి ఏదైనా మాట వస్తే అది వైరల్ అయిపోతుంటుంది. అలాంటిది ఎన్నికల హీట్ గురించి అందులోనూ పవన్ కళ్యాణ్ జనసేన పార్టీ గురించి మాట్లాడటంతో సినీ, పొలిటికల్ సర్కిల్స్‌లో అనసూయ కామెంట్స్ హాట్ టాపిక్ అయ్యాయి.

అయితే గురువారం నాడు ఓ సెలూన్ షాప్ రిబ్బర్ కటింగ్ కార్యక్రమంలో సందడి చేసిన అనసూయ.. జనసేన పార్టీ ప్రచారానికి సంబంధించి తాను చేసిన కామెంట్స్‌పై వివరణ ఇచ్చింది. తాను జనసేన పార్టీ తరుపున ప్రచారం చేస్తానని అనలేదన్నది. అనసూయ మాట్లాడుతూ.. నేను తుమ్మినా దగ్గినా కూడా వివాదం అవుతుంది. మీకు కాంట్రవర్శీ కావాలి. నన్ను ఓ ఇంటర్వ్యూలో పాలిటిక్స్ గురించి ప్రశ్న అడిగితే నేను ఆన్సర్ చెప్పాను.

నేను ముందుకొచ్చి.. జనసేనకి సపోర్ట్ చేస్తా అని చెప్పలేదు. ఆయన (పవన్ కళ్యాణ్) మంచి లీడర్ ఆయన్ని ప్రోత్సహిస్తా అని చెప్పా కానీ.. ఆ పార్టీ తరుపున ప్రచారం చేస్తానని నేనేం చెప్పలేదు. ప్రతి పార్టీకి సొంత అజెండాలు ఉన్నాయి. జనసేనతో పాటు మిగిలిన పార్టీలకు అజెండాలు ఉంటాయి. నేను ప్రత్యేకించి ఆ ఒక్క పార్టీ గురించే చెప్పలేదు సపోర్ట్ చేస్తానని. అందరూ బాగుండాలి కాబట్టి.. అందులో నేను కూడా ఉన్నాను కాబట్టి.. నా అభిప్రాయం నేను చెప్పాను’ అంటూ చెప్పుకొచ్చారు యాంకర్ అనసూయ.

2024-03-28T16:06:04Z dg43tfdfdgfd