డైరెక్టర్ బాలా మెచ్చిన రామం రాఘవం టీజర్

నటుడిగా, నిర్మాతగా ధన్ రాజ్ అన అదృష్టాన్ని పరీక్షించుకున్నాడు. ఇక ఇప్పుడు దర్శకుడిగా మారాడు. రామం రాఘవం అంటూ ఓ ఫాదర్ అండ్ సన్ ఎమోషనల్ డ్రామాను తీశాడు. ఈ మూవీని స్కేట్ పెన్సిల్ స్టోరీస్ బ్యానర్‌పై నిర్మించారు. ప్రభాకర్ ఆరిపాక సమర్పణలో పృథ్వి పోలవరపు ఈ మూవీని నిర్మించాడు. ధనరాజ్ దర్శకత్వం వహించిన ఈ ద్విభాషా చిత్రంలో సముద్రఖని ప్రధాన పాత్ర పోషించాడన్న సంగతి తెలిసిందే.

ఈ సినిమా టీజర్‌ను రీసెంట్‌గా విడుదల చేశారు. టీజర్ రిలీజ్ ఈవెంట్‌కు ప్రముఖ దర్శకుడు బాలా ముఖ్య అతిథిగా విచ్చేశాడు. రామం రాఘవం టీజర్ బాగుందని బాలా మెచ్చుకున్నాడు. ధనరాజ్ దర్శకుడిగా ప్రేక్షకులను మెప్పిస్తాడని నమ్మకంగా చెప్పాడు. ఈ సినిమా విషయానికి వస్తే.. ముందుగా సముద్రఖనిని మెచ్చుకోవాలన్నాడు. ఇలాగే సముద్రఖని చాలా మందికి సహాయం చేయాలని, రామం రాఘవం పెద్ద విజయం సాధించాలని అన్నాడు.

నిర్మాత పృథ్వి మాట్లాడుతూ.. సముద్రఖని సాయం లేకుండా ఈ సినిమాను చేసేవాళ్లం కాదని అన్నాడు. తండ్రీ కొడుకుల అనుబందాల గురించి చెప్పే ఈ సినిమా బాగా వచ్చిందని, జనాలకు నచ్చుతుందని ఆశాభావం వ్యక్తం చేశాడు. దర్శకుడు ధనరాజ్ తన స్నేహితుడని, రామం రాఘవం పెద్ద హిట్ అవుతుందని బాబీ సింహా అన్నాడు. ధనరాజ్లో ఉన్న దర్శకుడిని చూసి చాలా ఆశ్చర్యపోయానని తెలిపాడు.

దర్శకుడు ధనరాజ్ మాట్లాడుతూ.. రచయిత శివప్రసాద్ కథ ఇదని, ఈ కథ గురించి ఖని అన్నకి చెప్పానని తెలిపాడు. కథను నువ్వే డైరెక్ట్ చేయాలి అని సముద్రఖని అన్నాడట. ఇప్పటి వరకు 100 చిత్రాల్లో నటించానని, ఆ సినిమా దర్శకులు అందరూ తనకు గురువులే అని, ఆ అనుభవంతోనే సినిమాను డైరెక్ట్ చేశానని తెలిపాడు.

సముద్రఖని మాట్లాడుతూ.. తాను తండ్రిగా దాదాపు 10కి పైగా సినిమాల్లో నటించానని, ఒక్కొక్కటి విభిన్న కథ అని చెప్పుకొచ్చాడు. మళ్లీ ఓ డిఫరెంట్ కథతో రాబోతోన్నామని చెప్పుకొచ్చాడు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-04-28T10:54:54Z dg43tfdfdgfd