మండుటెండలో కాళ్లకు చెప్పులు లేకుండా.. హనుమాన్ సంగీత దర్శకుడు గౌర హరి
హనుమాన్ పాటలు, ఆర్ఆర్ గురించి నెట్టింట్లో ఎక్కువగా చర్చలు జరిగిన సంగతి తెలిసిందే. హనుమాన్ సక్సెస్‌లో మ్యూజిక్ పాాత్ర ఎంతో ఉంది. ఈ మూవీకి మ్యూజిక్ అందించిన వారిలో గౌర హరి కూడా ఉన్నారు. ఇక గౌర హరి మ్యూజిక్ ఇప్పుడు ఎక్కువగా ట్రెండ్ అవుతోంది. మ్యూజిక్ డైరెక్టర్‌గా గౌర హరి ఫుల్ బిజీగా మారిపోయాడు. హనుమాన్ కంటే ముందే గౌర హరి గుట్టు చప్పుడు అనే సినిమాకు సంగీత దర్శకుడిగా పని చేశాడు. ఈ మూవీ టీజర్‌ను రీసెంట్‌గా విడుదల చేశారు.
బ్రహ్మాజీ తనయుడు సంజయ్ రావు హీరోగా గుట్టు చప్పుడు అనే చిత్రం రాబోతోంది. డాన్‌ ఎంటర్‌టైన్‌మెంట్స్‌ పతాకంపై సంజయ్‌రావ్‌, ఆయేషాఖాన్‌ జంటగా ఈ చిత్రం రాబోతోంది. ఈ మూవీకి హను మాన్‌ చిత్రంతో పాన్‌ ఇండియా సంగీత దర్శకుడిగా మారిన గౌర హరి మ్యూజిక్ ఇచ్చాడు. ఈ చిత్రం టీజర్‌ను తాజాగా సుప్రీం హీరో సాయి ధరమ్ తేజ్‌ సోషల్ మీడియాలో రిలీజ్ చేశాడు. ఇక ఈ మేరకు ఏర్పాటు టీజర్ లాంచ్ ఈవెంట్‌లో సంగీత దర్శకుడు, చిత్రయూనిట్ మాట్లాడింది.
తాను మండుటెండలో కాళ్లకు చెప్పులు కూడా లేకుండా ప్రయాణం మొదలు పెట్టిన టైంలో.. ఈ సినిమా తనకు చెప్పులు దొరికినట్లు అనిపించిందని, అలా దొరికిన అద్భుత అవకాశమే ఈ చిత్రమని అన్నాడు. దర్శక నిర్మాతలు తన మీద పెట్టుకున్న నమ్మకాన్ని వమ్ముచేయలేదని భావిస్తున్నానని అన్నాడు. మంచి కంటెంట్‌‌తో ఈ మూవీ రాబోతోందని, సంగీతానికి మంచి స్కోప్‌ ఉండేలా దర్శకుడు కథను రాసుకోవడం బాగా ప్లస్ అయిందని చెప్పుకొచ్చాడు.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-04-28T15:55:43Z dg43tfdfdgfd