యష్ తో సినిమా.. డబుల్ రెమ్యూనరేషన్ డిమాండ్ చేస్తోన్న నయనతార..? నిజమెంత...?

రెమ్యునరేషన్ ను డబుల్ చేసిందట సౌత్ లేడీ సూపర్ స్టార్ నయనతార. ఇంతకీ ఏ సినిమా కోసం నయన్ ఇలా డిమాండ్ చేసింది...? 

 

నయనతార తమిళంతో పాటు తెలుగు సినీపరిశ్రమలో లేడీ సూపర్ స్టార్ గా వెలుగొందుతోంది. అంతే కాదు తాజాగా ఆమె బాలీవుడ్ లో కూడా అడుగు పెట్టింది. బాలీవుడ్ ఎంట్రీ మూవీతోనే 1000 కోట్ల సినిమాతో స్టార్ గా మారింది. గత సంవత్సరం ఆమె షారుఖ్ ఖాన్ జోడీగా నటించిన  హిందీ తొలి చిత్రం జవాన్.. బాక్సాఫీస్ వద్ద బ్లాక్ బాస్టర్ హిట్ అయ్యింది. 

 

సూపర స్టార్ నయనతార ప్రస్తుతం తమిళంలో ఓ మూవీలో నటిస్తోంది. ఈసినిమాతో పాటు మలయాళంలో కూడా ఒక సినిమా చేస్తోంది నయన్. ఈరెండు సినిమాల షూటింగ్ బిజీల్ ఉంది  సీనియర్ బ్యూటీ. ఈ సినిమా షూటింగ్ లో ఉండగానే.. ఆమెకు మరో సినిమా ఆఫర్ వచ్చినట్టు తెలుస్తోంది. 

 

అయితే ఆమెకు ఓ భారీ సినిమా ఆఫర్ వచ్చింది. అదే టాక్సిక్. యష్ కెజిఎఫ్ తరువాత చాలా గ్యాప్ తీసుకుని చేస్తున్న సినిమా ఇది కావడంతో.. ఈసినిమాపై భారీ అంచనాలు ఉన్నాయి. ఈక్రమంలో ఈ సినిమాలో నటించడానికి నయనతారను కూడా ఎంపిక చేసుకున్నట్టు తెలుస్తోంది. ఈ చిత్రంలో నటుడు యశ్‌కి అక్కగా నయనతార నటిస్తుంది. త్వరలోనే దీనికి సంబంధించి అధికారిక ప్రకటన వెలువడే అవకాశం ఉంది.

 

ఇదిలా ఉంటే, నటి నయనతార టాక్సిక్‌లో నటించబోతున్న విషయం ప్రస్తుతం హాట్ టాపిక్ అయ్యింది. . సాధారణంగా  నయనతార సినిమాకు 10 కోట్ల రెమ్యునరేషన్ తీసుకునేది. కాని  టాక్సిక్ చిత్రంలో యష్ సోదరిగా నటించేందుకు 20 కోట్ల రెమ్యునరేషన్ అడిగిందట. దీంతో నటి నయనతార తన పారితోషికాన్ని రెట్టింపు చేసిందని అంటున్నారు. 

 

నివేదికల ప్రకారం, ఇది పాన్ ఇండియా చిత్రం కాబట్టి నయన్ ఇంత ఎక్కువ మొత్తంలో పారితోషికం అడిగి ఉండవచ్చు అంటున్నారు. మరి ఈ విషయంలో నిజం ఎంతో తెలియాలంటే.. అఫీషియల్ అనౌన్స్ మెంట్ వచ్చే వరకూ చూడిల్సిందే. 

2024-05-10T11:37:35Z dg43tfdfdgfd