సుశాంత్‌ను ఆడేసుకుంటున్న నెటిజన్లు.. దెబ్బ మీద దెబ్బ పడిందే
అక్కినేని ఫ్యామిలీ నుంచి వచ్చిన హీరోగా సుశాంత్‌కు కెరీర్ ప్రారంభంలో బాగానే అవకాశాలు వచ్చాయి. కాళిదాసు, కరెంట్ అంటూ కెరీర్ స్టార్టింగ్‌లో సందడి చేశాడు. అయితే చాలా ఏళ్ల వరకు సరైన హిట్ అంటూ లేకుండా కెరీర్‌ను ముందుకు సాగింది. మధ్యలో సుశాంత్ సినిమాలు వచ్చిన విషయాలు కూడా ఎవ్వరికీ తెలియకుండాపోయాయి. అయితే సుశాంత్ హీరోగా రాహుల్ రవీంద్రన్ తీసిన చిలసౌ సినిమాతో మళ్లీ ట్రెండ్‌లోకి వచ్చాడు. అది అతగాడికి సెకండ్ ఇన్నింగ్స్‌లా మారింది. ఆ తరువాత అల వైకుంఠపురములో బన్నీ పక్కన అలా సైడ్ రోల్ చేశాడు.
ఇక అల వైకుంఠపురములో సినిమాతో సుశాంత్‌కు అంతో ఇంతో క్రేజ్ వచ్చింది. కానీ ఆ తరువాత ఇచ్చట వాహనములు నిలుపరాదు అంటూ డిజాస్టర్‌ను ఖాతాలో వేసుకున్నాడు. అలా సుశాంత్ సినిమాలకు అసలు క్రేజ్, డిమాండ్ అన్నదే లేకుండా పోయింది. ఇప్పుడు సుశాంత్ నెట్టింట్లో మాత్రం బాగానే అల్లరి చేస్తున్నాడు. నెటిజన్లను, అభిమానుల్ని ఆకట్టుకుంటూ సందడి చేస్తున్నాడు.
అసలే సోషల్ మీడియాలో సెలెబ్రిటీల మీద ఎక్కువగా ట్రోలింగ్ జరుగుతుంటుంది. కొందరు ఆ నెగెటివ్ కామెంట్లను పట్టించుకోరు. ఇంకొంత మంది వాటిపై ఫన్నీగా స్పందిస్తుంటారు. ఇంకొందరు కాస్త సీరియస్ అవుతుంటారు. ఇక సుశాంత్ తాజాగా ఓ ఫోటోను షేర్ చేస్తూ.. క్యాప్షన్ పెట్టలేదు పర్లేదా? అని ట్వీట్ వేశాడు. ఫోటో పెట్టకపోయినా కూడా పర్లేదు అంటూ ఓ నెటిజన్ కౌంటర్ వేశాడు. దీంతో సుశాంత్‌కు కాలిపోయినట్టుంది. వెంటనే అతడ్ని బ్లాక్‌లో పెట్టేశాడు సుశాంత్.
ఇక సుశాంత్ ఇలా బ్లాక్ చేయడంతో చాాలా మంది నెటిజన్లు అలాంటి కామెంట్లే పెట్టారు. దీంతో సుశాంత్ కూల్ అయిపోయాడు. ఏంటి బ్రో అంత మాట అనేశావ్ అని ఫన్నీగా రియాక్షన్లు ఇచ్చాడు. అలా ప్రతీ ఒక్కరూ నెగెటివ్ కామెంట్లు చేయడం, దెబ్బ మీద దెబ్బ.. కౌంటర్ల మీద కౌంటర్లు పడుతుండటంతో సుశాంత్ లైట్ తీసుకున్నట్టుగా కనిపిస్తోంది.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-06T10:56:15Z dg43tfdfdgfd