BARRELAKKA MARRIAGE: శుభమా అని పెళ్లి చేసుకుంటుంటే ఇదేంటి.. నీ కష్టం పగోడికి కూడా రాకూడదు బర్రెలక్కా..!

సోషల్ మీడియా సెన్సేషన్ బర్రెలక్క అలియాస్ కర్నె శిరీషా నేడు పెళ్లి పీట లెక్కబోతుంది. గత కొద్దిరోజులుగా ఆమె పెళ్లి గురించి సోషల్ మీడియాలో తెగ చర్చ జరుగుతోంది. వరుడు ఎవరు ? పెళ్లి ఎప్పుడు ? అని నెటిజన్లు విపరీతంగా సెర్చ్ చేశారు. ఇటీవల వరుడు ఎవరో ఆమె స్వయంగా రివీల్ చేసింది. వరుడి పేరు వెంకటేష్ కాగా.. ఆయన బర్రెలక్కకు అండగా నిలిచిన వ్యక్తేనట. దగ్గరి బంధువు కూడా. అసెంబ్లీ ఎన్నికలకు ముందే పెళ్లి సంబంధం రాగా.. ఎలక్షన్ హడావుడితో పెళ్లి విషయాన్ని కాస్త పక్కనపెట్టేసింది. అయితే.. వెంకటేష్ మాత్రం బర్రెలక్క ఏ నిర్ణయం తీసుకున్నా.. తన వెంటే ఉంటూ సపోర్ట్ చేస్తూ వస్తున్నారట. కట్నం కూడా ఏం తీసుకోకుండా బర్రెలక్కను పెళ్లి చేసుకుంటున్నారు వెంకటేష్.

వీరి ఎంగేజ్‌మెంట్, ఫ్రీ వెడ్డింగ్ షూట్, హల్దీ ఫంక్షన్ వీడియోలను సోషల్ మీడియా హ్యాండిల్‌లో షేర్ చేశారు బర్రెలక్క. అప్పటి నుంచి ఆమెకు సంబంధించిన వీడియోలు సోషల్ మీడియాలో తెగ వైరల్ అవుతున్నాయి. అయితే ఘనంగా జరిగిన ఎంగేజ్‌మెంట్‌లో సడెన్‌గా కరెంట్ పోయింది. ఫోటోగ్రాఫర్ ఫోటోలు తీస్తున్న క్రమంలో ఉన్నట్లుండి పవర్ కట్ అయింది. ఈ వీడియోను షేర్ చేస్తున్న నెటిజన్లు.. అయ్యో పాపం అని కామెంట్లు పెడుతున్నారు. కాంగ్రెస్ ప్రభుత్వంలో కరెంట్ కోతలు ఉంటాయని అర్థం వచ్చేలా ట్వీట్లు చేస్తున్నారు. 'పైన దేవుడు ఉన్నాడు అనడానికి నిదర్శనం. నీ పోరాట ఫలితం. నీ పెళ్లి వేడుకల్లోనూ కరెంట్ లేకపోవడం దారుణం. నీ కష్టం పగవాడికి కూడ రాకూడదు.' అని కామెంట్లు పెడుతున్నారు. 'బర్రెలక్క పోరాట ఫలితం కరెంట్ లేకపోవటం' అని మరో నెటిజన్ ట్వీట్ చేశారు.

కాంగ్రెస్ ప్రభుత్వం అధికారంలోకి రాగానే.. రాష్ట్రంలో పవర్ కట్స్ ప్రారంభమయ్యాని గత కొన్ని రోజులుగా ప్రతిపక్ష నేతలు విమర్శలు గుప్పిస్తున్నారు. ప్రధానంగా బీఆర్ఎస్ పార్టీకి చెందిన నేతలు అందుకు సంబంధించిన వీడియోలు, ఫోటోలతో ట్వీట్లు పెడుతున్నారు. తాజాగా.. బర్రెలక్క పెళ్లి వేడుకల్లో పవర్ కట్ కావటంతో ఆమె వీడియోను షేర్ చేస్తూ సెటైరికల్‌గా కామెంట్లు పెడుతున్నారు.

కాగా, 2023 అసెంబ్లీ ఎన్నికల్లో బర్రెలక్క కొల్లాపూర్ అసెంబ్లీ స్థానం నుంచి ఇండిపెండెంట్‌గా పోటీ చేశారు. దేశవ్యాప్తంగా యువత దృష్టిని తనవైపు తిప్పుకున్నారు. నిరుద్యోగ గొంతుకగా.. ఎన్నికల్లో పోటీ చేశారు. అయితే ఆమెకు కేవలం 5 వేల ఓట్లు మాత్రమే పోలయ్యాయి. అయితే తాను వెనకడుగు వేయబోనని రానున్న పార్లమెంట్ ఎన్నికల్లో నాగర్ కర్నూల్ ఎంపీగా పోటీ చేస్తానని చెప్పారు. ఆ లోగా ఆమె పెళ్లి తంతు పూర్తి చేసుకొని ఎన్నికల బరిలోకి దిగేందుకు రెడీ అవుతున్నారు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-03-28T03:13:38Z dg43tfdfdgfd