అలా చేస్తే ఊరుకునేది లేదు.. పెళ్లికి ముందే బర్రెలక్క వార్నింగ్, మరి తర్వాత ఎట్లనో..?

Barrelakka Warning to Youtube Channels: బర్రెలక్క అలియాస్ కర్నె శిరీష పెళ్లి ఈరోజు(మార్చి 28న) ఘనంగా జరిగింది. నాగర్‌కర్నూల్ జిల్లా పెద్దకొత్తపల్లి మండలం మరికల్ గ్రామానికి చెందిన శిరీష.. పెద్దకొత్తపల్లికి చెందిన వెంకటేష్.. కుటుంబసభ్యులు, బంధువులు, స్నేహితులు, శ్రేయోభిలాషుల మధ్య మూడుముళ్ల బంధంతో ఒక్కటయ్యారు. వీరి పెళ్లికి బంధువులతో పాటు చాలా మంది శ్రేయోభిలాషులు వచ్చి తమ ఆశీర్వాదాలు అందించారు. అయితే.. పెళ్లికి ముందే బర్రెలక్క స్ట్రాంగ్ వార్నింగ్ ఇచ్చింది. అయితే.. ఆమె వార్నింగ్ ఇచ్చింది ఆమె భర్తకు కాదండోయ్.. యూట్యూబ్ ఛానళ్లకు. బర్రెలక్క ఇంత ఫేమస్ కావటానికి కారణం ఆ యూట్యూబ్ ఛానల్సే కాదా.. ఇప్పుడు వాళ్లకే వార్నింగ్ ఇవ్వటమేంటని అనుకుంటున్నారా..?

అయితే.. యూట్యూబ్ ఛానళ్లకు బర్రెలక్క ఎందుకు వార్నింగ్ ఇచ్చిందంటే.. తన పెళ్లికి ముందు ప్రీ వెడ్డింగ్ సాంగ్ రిలీజ్ చేసింది బర్రెలక్క. ఈ ప్రీ వెడ్డింగ్ సాంగ్‌ను సినిమా రేంజ్‌లో ప్లాన్ చేసి.. షూట్ చేపించుకుంది. ఓ శిరీష.. నా శిరీష.. అంటూ సాగే ఈ పాటను ప్రత్యేకంగా తమ కోసమే రాపించుకుని మరీ.. కంపోజ్ చేపించుకున్నారు. అందుకు తగ్గట్టుగానే మంచి మంచి లొకేషన్లలో షూట్ చేపించుకున్నారు. సాంగ్ అవుట్ పుట్ కూడా చాలా బాగా వచ్చింది. తమ అఫీషియల్ ఛానల్‌లో అప్‌లోడ్ చేసిన గంటల్లోనే లక్షల్లో వ్యూస్ వచ్చాయంటే.. పాట ఎంత వైరల్ అయ్యిందో అర్థం చేసుకోవచ్చు. అయితే.. ఇప్పుడు ఈ పాట గురించి యూట్యూబర్లకు బర్రెలక్క వార్నింగ్ ఇచ్చింది.

జీవితాంతం గుర్తుండిపోవాలన్న ఉద్దేశంతో ప్రత్యేకంగా పాట రాయించుకుని తీసుకున్న ప్రీవెడ్డింగ్ సాంగ్‌ను.. వేరే యూట్యూబ్ ఛానల్స్, సోషల్ మీడియా అకౌంట్లలో కూడా అప్‌లోడ్ చేసుకుంటున్నారు. ఈ విషయంపై స్పందించిన బర్రెలక్క.. సీరియస్ అవుతూ ఓ వీడియో విడుదల చేసింది.

"మా ప్రీ వెడ్డింగ్ షూట్ సాంగ్‌ను చాలా మంది డౌన్‌లోడ్ చేసుకుని వాళ్ల యూట్యూబ్ ఛానెళ్లలో పెట్టుకుంటున్నారు. నేను మాత్రం 100 పర్సెంట్ స్ట్రైక్ వేస్తా. ఎందుకంటే మేము ఈ సాంగ్ కావాలని రాయించుకున్నాం. ఇంతకుముందు ఎన్నికల సమయంలో అంటే ఓకే. చాలా మంది తమ యూట్యూబ్ ఛానెళ్లలో అప్‌లోడ్ చేసుకున్నార్ నేను ఏమీ అనలేదు. తర్వాత.. క్లైమ్స్ పడ్డాయి.. స్ట్రైక్స్ పడ్డాయి.. కాపీ రైట్స్ కూడా పడ్డాయి. దానికి నాకు సంబంధం లేదు. కానీ.. ఈ సాంగ్ మాత్రం నేను రాయించుకున్న సాంగ్ కాబట్టి ఎవరు అప్ లోడ్ చేసుకున్నా గానీ నేను మాత్రం స్ట్రైక్స్ వేస్తా, క్లైమ్స్ వేస్తా.. తర్వాత ఏంటక్క ఇలా చేశావని బాధపడొద్దు. ఇది నాకు లైఫ్ లాంగ్ గుర్తుండేలా.. కేవలం నా ఛానెల్‌లో ఉండేలా.. స్పెషల్‌గా రాయించుకున్న సాంగ్ ఇది. సో ఎవరూ బాధపడొద్దు. ప్లీజ్ ఎవరి ఛానెల్‌లో అప్‌లోడ్ చేసుకోవద్దు." అంటూ సున్నితంగానే గట్టి వార్నింగ్ ఇచ్చింది. కాగా.. ఇందుకు సంబంధించిన వీడియో ఇప్పుడు నెట్టింట వైరల్ అయ్యింది.

మరోవైపు.. పెళ్లికి ముందు వచ్చిన ప్రీవెడ్డింగ్ సాంగ్ విషయంలోనే ఇంతగా వార్నింగ్ ఇస్తే.. ఇక ఈరోజు ఆమె పెళ్లి తంతును మొత్తం కొన్ని ఛానెళ్లు లైవ్ స్ట్రీమింగ్ కూడా పెట్టేశాయి. మరి ఆ విషయంపై ఎలా స్పందిస్తుందో మన బర్రెలక్క చూడాలి. మరి.. ఈ లైవ్ స్ట్రీమింగులకు ముందే బర్రెలక్క పర్మిషన్ ఇచ్చిందా.. లేదా మళ్లీ వార్నింగ్ ఇస్తూ ఇంకో వీడియో విడుదల చేస్తుందా అన్నది ఆసక్తికరంగా మారింది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-03-28T10:29:19Z dg43tfdfdgfd