ఇద్దరు పిల్లల తండ్రి, ఆ కుర్ర హీరోయిన్ అందంపై మోజు పడి.. ఏం చేశాడో తెలుసా..
ఈ నటుడికి అప్పటికే వివాహం అయ్యింది, ఇద్దరు పిల్లలు ఉన్నారు. స్టార్ యాక్టర్గా వెలుగొందిన ఈ నటుడికి ఎలాంటీ లోటు లేదు. ప్రేమగల భార్య, ఇద్దరు కుమారులు, చాలా సినిమాలు, కీర్తి, డబ్బు, డిమాండ్ ఉన్నాయి. కెరీర్ పీక్లో ఉన్నప్పుడే ఈ స్టార్ యాక్టర్ రెండోసారి ఓ హీరోయిన్ అందానికి ముగ్దుడైయ్యాడు, అంతేకాదు ప్రేమలో పడ్డాడు. ఆ అందం కుటుంబాన్ని మరిచిపోయింది. వీరిద్దరూ కలిసి రెండు సినిమాలు చేసిన వెంటనే వారి మధ్య అపూర్వమైన సాన్నిహిత్యం ఏర్పడింది. దీంతో ఈ జంట పెళ్లి చేసుకోవాలనీ భావించింది. కానీ హిందువు అయిన ఈ నటుడికి మరో పెళ్లి చేసుకునే అవకాశం లేదు. దీంతో ఈ నటుడు తాను ప్రేమించిన ఈ భామను వివాహం చేసుకోవడం గురించి వేరే ఏమీ ఆలోచించలేదు. కాబట్టి అతను రెండవ వివాహం కోసం ఇస్లాం మతంలోకి మారాడు. దీంతో రెండో పెళ్లికి అడ్డంకి తొలగిపోయింది. ఆ నటుడు ఎవరా అని ఆలోచిస్తున్నారా? మరెవరో కాదు బాలీవుడ్ సూపర్ స్టార్ ధర్మేంద్ర. అవును, ఈ నటుడు ధర్మేంద్ర, మరో అందాల హీరోయిన్ హేమమాలినిల ప్రేమ కథ గురించి తెలియంది కాదు.. ఈ సెలెబ్రిటీ జంట లవ్ స్టోరీ, ఏ సినిమా కథ కంటే తక్కువ కాదు. ఈ ప్రేమకథలో చాలా ట్విస్ట్లు ఉంటాయన్నది నిజం. బాలీవుడ్ 'హి మ్యాన్' ధర్మేంద్ర, 'డ్రీమ్ గర్ల్' హేమా మాలినిల అందమైన సంబంధం అందరికీ తెలుసు, కానీ వారు అసలు కలిసారో.. ఎక్కడ కలిసారో అందరికీ తెలియదు. 'తుమ్ హసీన్ మై జవాన్' షూటింగ్ సమయంలో ధర్మేంద్ర, హేమమాలిని మధ్య ప్రేమ చిగురించింది. రీల్ జంటగా నటిస్తూ క్రమంగా రియల్ జంటగా మారిపోయారు. అయితే వారి ప్రేమ కథకు అంత సులభంగా శుభం కార్డ్ పడలేదు. ధర్మేంద్ర మొదట, ప్రకాష్ కౌర్ను పెళ్లి చేసుకున్నారు. దీంతో ఒకరు, ఇద్దరు భార్యలను కలిగి ఉండకూడదనే హిందూ వివాహ చట్టం ప్రకారం కుదరదు. మరోవైపు ధర్మేంద్ర తన మొదటి భార్యకు విడాకులు ఇవ్వడానికి ఇష్టపడలేదు. ఇక హేమకు దూరంగా ఉండలేకపోయాడు. దీంతో ముస్లింలోకి మారాడు, ముస్లీంలు నాలుగు పెళ్లిళ్లు చేసుకోవడానికి అనుమతి ఉందని.. ముస్లిం చట్టాన్ని దృష్టిలో ఉంచుకుని ఈ నటుడు ఒక పరిష్కారాన్ని కనుగొన్నాడు. ధర్మేంద్ర 1979లో ఇస్లాంలోకి మారాడు. ధర్మేంద్ర తన పేరును దిలావర్ ఖాన్ కేవల్ కృష్ణగా మార్చుకున్నాడు. హేమ తన పేరును ఐషా బి ఆర్ చక్రవర్తిగా మార్చుకుంది. ఇక చివరగా 1980లో ఈ జంట దిలావర్, ఐషాగా వివాహం చేసుకున్నారు. మూడు సంవత్సరాల తర్వాత ఈ జంట, ఇషా డియోల్, తరువాత అహానా డియోల్లకు జన్మనిచ్చారు. ధర్మేంద్ర, హేమమాలిని తమ మత మార్పిడి గురించి మీడియాలో ఎప్పుడూ చర్చించలేదు. అయితే భారతీయ జనతా పార్టీ (బిజెపి) తరపున బికనీర్ నుండి లోక్సభ ఎన్నికల్లో పోటీ చేసినప్పుడు ఈ రహస్యం వెల్లడైంది. డియోల్ ధర్మేంద్ర కేవల్ కృష్ణగా ఆయన నామినేషన్ పత్రాన్ని పూరించారు. జీవిత భాగస్వామి కాలమ్లో తన మొదటి భార్య పేరు రాశాడు. ఢిల్లీ మ్యాగజైన్ ఔట్లుక్ హేమా మాలినితో ధర్మేంద్ర నిఖా ఫోటోకాపీని ప్రచురించినప్పుడు ఇది కూడా నిజమని తేలింది.
2024-05-03T10:22:28Z