KALKI MOVIE TROLLS: కల్కిపై మోహన్ బాబు ట్వీట్.. తగులుకున్న ట్రోలర్స్.. రేయ్ ఎవర్రా మీరంతా

మంచు ఫ్యామిలీ ఏం పాపం చేసిందో ఏమో కానీ.. ఆ ఫ్యామిలీపై పగపట్టేశారు ట్రోలర్స్. వాళ్లు మంచికి ట్వీట్ చేసినా.. చెడుకి ట్వీట్ చేసినా ట్రోలర్స్ అయితే ఓ రేంజ్‌లో ఆడుకుంటున్నారు. ఎక్స్ ట్రాలు దొబ్బితే బొక్కలో వేయిస్తానని మంచు విష్ణు నేరుగా వార్నింగ్‌లు ఇచ్చి.. పోలీసు కేసులు పెడతానని హెచ్చరించినా కూడా.. ట్రోలర్స్ మాత్రం ‘మంచు ఫ్యామిలీ’ని వదలడం లేదు.

తాజాగా ప్రభాస్ ‘కల్కి’ మూవీ చూసిన మోహన్ బాబు.. చాలా పద్దతిగా ట్వీట్ పెట్టారు. ‘ఈ రోజే ‘కల్కి’ సినిమా చూశాను.. అద్భుతం.. మహాద్భుతం.. మా బావ ప్రభాస్‌కి, అమితాబ్‌ బచ్చన్‌ గారికి, నిర్మాతకు, దర్శకుడికి నా అభినందనలు. తెలుగు సినీ పరిశ్రమ, భారతదేశం గర్వించదగ్గ సినిమాని అందించినందుకు ఎంతో ఆనందిస్తున్నాను’ అంటూ ట్వీట్ పెట్టారు మోహన్ బాబు.

ఇక మంచు ఫ్యామిలీ నుంచి ట్వీట్ వచ్చిందంటే.. ట్రోల్ చేయడానికి కాసుకుని కూర్చునే హేటర్స్ బ్యాచ్.. ఈ ట్వీట్‌ని కూడా ట్రోల్ చేయడం మొదలుపెట్టారు. ఆయన పద్దతిగానే ట్వీట్ పెట్టారు కదరా నాయనా.. అందులో ట్రోలింగ్ కంటెంట్ ఏముందంటే.. ‘బావ’ అనే పిలుపులోనే అసలు సమస్య వచ్చిపడింది.

‘మా బావ ప్రభాస్‌నా?? ఇదెప్పుడు జరిగిందని ఒకడంటే.. బావా అన్నందుకు గొల్లున నవ్వుతున్న వీడియోలను షేర్ చేస్తున్నారు ట్రోలర్స్. అయితే అసలు విషయం ఏంటంటే.. ‘బుజ్జిగాడు’ సినిమాలో మోహన్ బాబు, ప్రభాస్‌లు బావా బామ్మర్దులుగా చేశారు. ఆ చనువుతోనే మోహన్ బాబు.. ప్రభాస్‌ని బావా అని అనుండొచ్చు. అయితే ప్రభాస్‌ని మోహన్ బాబు బావా అని పిలవడంతో.. ట్రోలర్స్ తెగ హర్ట్ అయిపోతున్నారు. ‘నీకు ప్రభాస్ బావా ఏంట్రా అంటూ ఏకవచనం మోహన్ బాబుని బూతులు తిడుతూ వెకిలిచేష్టలకు పాల్పడుతున్నారు కొంతమంది ట్రోలర్స్.

కాగా మంచు విష్ణు ప్రెస్టేజియస్ మూవీ ‘కన్నప్ప’లో ప్రభాస్ కీలకపాత్రలో కనిపించబోతున్న విషయం తెలిసిందే. నిజానికి కృష్ణంరాజు నటించిన ‘భక్త కన్నప్ప’ సినిమా ప్రభాస్ చేయాల్సి ఉండగా.. ఆ కథను మంచు విష్ణు చేస్తున్నారు. ఇటీవల ఈ సినిమా టీచర్ రిలీజ్ కాగా.. ‘శివయ్యా’ అంటూ మంచు విష్ణుని ఏ రేంజ్‌లో ట్రోల్ చేశారో.. చేస్తున్నారో చూస్తూనే ఉన్నాం. అదే సినిమా వేరే వాళ్లు చేస్తే.. సేమ్ అదే ఔట్ పుట్ ఇస్తే.. ట్రోలింగ్ ఈ రేంజ్‌లో ఉండేది కాదేమో కానీ.. మంచు విష్ణు అనేసరికి ప్రతిఒక్కడూ ‘శివయ్యా.. ఏమైంద్రా’ అంటూ ఓ రేంజ్‌లో ట్రోల్ చేస్తున్నారు. ఇదిగో ఇప్పుడు ‘కల్కి’పై మోహన్ బాబు ట్వీట్ చేసినా మంచు ఫ్యామిలీని వెంటాడుతూనే ఉన్నారు ట్రోలర్స్.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-06-29T14:42:50Z dg43tfdfdgfd