THE 100: చిరు తల్లి చేతుల మీదుగా 'మొగలిరేకులు' ఆర్కే సినిమా టీజర్
'మొగలి రేకులు' సీరియల్‌తో ఎంతోమంది అభిమానుల్ని సంపాదించుకున్నాడు సాగర్. ఈ సీరియల్‌లో ఆర్కే నాయుడు పాత్రలో అద్భుతంగా నటించి మెప్పించాడు. తాజాగా సాగర్ ‘ది 100’ అనే సినిమాతో ప్రేక్షకులను మెప్పించడానికి సిద్ధంగా ఉన్నాడు. రాఘవ్ ఓంకార్ శశిధర్ డైరెక్ట్ చేసిన ఈ చిత్రం టీజర్‌ను ఈరోజు లాంఛ్ చేశారు.
చిరు తల్లితో
ఈ సినిమా టీజర్‌ను మెగాస్టార్ చిరంజీవి తల్లి అంజనా దేవి లాంఛ్ చేయడం విశేషం. మానవ హక్కుల కమిషన్ విచారణను ఎదుర్కొంటున్న IPS అధికారి విక్రాంత్ అనే సీన్‌తో టీజర్ ప్రారంభమైంది. నగర శివార్లలో పేరుమోసిన నేరస్థులను లక్ష్యంగా చేసుకుని జరిగిన సామూహిక హత్యల విషయంలో విక్రాంత్‌ను మానవ హక్కుల కమిషన్ విచారిస్తుంది. ఇక ఆ తర్వాత నుంచి టీజర్ చాలా గ్రిప్పింగ్‌గా అనిపించింది. గెలవడమే గోల్ అయినప్పుడు ఎలా ఆడితే ఏంటి అనే డైలాగ్ టీజర్‌లో బాగానే పేలింది. ఇక విక్రాంత్ ఐపీఎస్ పాత్రలో సాగర్ అదరగొట్టాడు.
మిషా నారంగ్ హీరోయిన్‌గా యాక్ట్ చేయగా ధన్య బాలకృష్ణ ఇందులో కీలక పాత్ర పోషించింది. శ్యామ్ కే నాయుడు సినిమాటోగ్రఫీ అందించగా హర్షవర్ధన్ రామేశ్వర్ సంగీతం అందించారు. KRIA ఫిల్మ్ కార్ప్, ధమ్మ ప్రొడక్షన్స్ పతాకాలపై రమేష్ కరుటూరి, వెంకీ పూషడపు, జే తారక్ రామ్ సంయుక్తంగా ఈ సినిమాను నిర్మించారు. త్వరలోనే విడుదల తేదీని ప్రకటించనున్నారు.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-04-26T09:01:41Z dg43tfdfdgfd
